Pusuana 10:28 - Syin Chin Bible

²⁸ Kumpipa in Moses tungah, “Ka muna ah om heak in! Nang hong musak kik nawn heak in! Kong mu kik ni in thi tu ni hi!” ci hi.

Pusuana 10:28 Iomraidhean Croise

2 Khangtaanghthu 16:10

Hi thu in kamsaangpa tungah Asa thin uuksak mama ahikom ama in kamsaangpa thikkol bulsak hi. Hi hunsung teng mama in Asa in a mite pawlkhat a vawtsiat kipan hi.

2 Khangtaanghthu 25:16

A kampau suan a, Amaziah in, “Bang hun pan kipanin kumpipa ngaisutna pia tu in hong koi khu ziam? Pau nawn heak in, tua ahibuale hong thatsak tu khi hi!” ci hi. Kamsaangpa in, “Hi bang teng ngamta zo a, ngaisutna kong piak sia awlmawk ngawl na hi hu in Pathian in nangma hong susia tu in khensat zo ahi sia tu in ka he hi,” a ci zawkciang a pau tawp pheang hi.

Pusuana 10:11

Suak thei ngawl hi! Na deina uh tuabang ahile pasal teng bek pai in Topa bia thei nu hi,” ci hi. Tua teng taw Moses le Aaron, kumpipa kung pan kihawlkeak hi.

Pusuana 18:4

Ama in, “Egypt kumpipa ii hong thalup natu pan ka pa ii Pathian in hong hu in, hong hun hi,” ci si hi; tua ahikom a tapa khat sia ii min, Eliezer phuak hi.)

Amos 7:13

Hi lai Bethel ah kamsaanna nei nawn heak in. Hi mun sia kumpipa ii biakna mun hi a, ngammi bup ii biakinn hi,” ci hi.

Hebrew te 11:27

Moses in kumpipa thin uuk tu lau ngawlin, Egypt ngam a nusiat sia upna hang ahi hi. A kimu thei ngawl Pathian sia a mu bang phetin, nungsang ah heak kik tu a uuk bua hi.