Pusuana 10:22 - Syin Chin Bible

²² Moses in a khut van ah laamto in, Egypt ngamsung theampo ni thum sung khuazing bikbek hi.

Pusuana 10:22 Iomraidhean Croise

Job 5:14

Amate suntang ngawngawnin khuazing a lei zawtin pai uh hi.

Psalm Late 105:28

Tua ngam sungah Pathian in khuazing puak hi, ahihang Egypt te in ama thupiakna a ni bua uh hi.

Pusuana 20:21

Ahizong mipite a khualana ah ding veve a, Pathian omna meeivom nai ah Moses bek pai hi.

Isaiah 8:22

lei a salhsuk zong ngimna khamna le khuazing ngawl buang bangma mu ngawl tu hi, amate sia a lauhuai khuazing sungah kihawlkeak tu hi.

Ezekiel 32:7

Nang kong lalsak ciang, van ka seal tu a, aksi te ka mitsak tu hi. Ni sia meei in ka liasak tu a, tha taang ngawl tu hi.

Ezekiel 32:8

Vantung ah khuavak taang theampo ka sumit tu a, na leitung sia khua ka zingsak ek tu hi. Keima, Vaanglianpipa Topa in ka son zo hi.

Joel 2:2

Tua ni sia khuatuapin, a zing le meeivom kaai ni khat hi tu hi. Mualte tungah khuazing kizel bangin khaumaw ngalkaphonpi in maisang nawk hi. Hi bang peuma om ngeingawl a, om kik ngei nawn ngawl tu hi.

Joel 2:31

A lian le a lauhuai Topa ii ni hong pai ma in, ni kimialsak tu a, tha zongh chi bangin san tu hi.

Amos 4:13

Pathian in mualte a vawt pa le vuite a bitphuapa ahi hi. Ama in a ngaisutnate mihing in hesak hi; ama in sun sia zan suaksak hi. Ama in leitung saangnate tungah vak hi. Hisia ama min hi: Vaanglianbelpa Topa Pathian ahi hi!

Amos 4:7

Na lo ante ii kisapbel hun laitakin nguatui ka hangsak hi. Khuapi khat sungah ngua ka zusak a, khat sungah ngua ka hangsak hi. Lo khat sungah nguazu a, a dang lo khat kocip hi.

Thuhil kikna 4:11

“Meikhu vom bangin meisate le van ah meikuang lengto te taw a kituam, tua mualpeang ah pai in, na dindan uh khawngte, na tate tungah son tavun.

Thuhil kikna 5:22

“Hite sia mual tungah na kikhop uh lai in Topa ii note theampo tungah hong piak thupiakte ahi hi. Meikuang sung pan le meeisaa te sung panin ama in a vaanglian aw taw hong paupui a, hi thupiakte hong pia in thudang hong son ngawl hi. Tuaciang ama in tua teng suangpheak nii tungah at in, kei tungah hong pia hi.

Thupualaakna 16:10

Tua zawkciang vantunglalang a ngana sia in, nganhing sia ii kumpi tokhum tungah a khawbeam hong sungsuk hi. Nganhing ii ukna ngam sungah khuazing hong theng a, mihingte in na a sak hu in a leei pet uh hi,