Pusuana 1:17 - Syin Chin Bible

¹⁷ Ahizong nausuaksak syamate in Pathian kiita ahikom kumpipa thu ni ngawl hi; amate in panote nungtasak hi.

Pusuana 1:17 Iomraidhean Croise

Pianciilna 20:11

Abraham in, “Hi sungah Pathian a thasia khat zongh om ngawl tu ahikom ka zi a dei manin kei hong thatlum tu hi, ci in ka ngaisun hi.

Pianciilna 42:18

A ni thum ni in Joseph in amate tungah, “Keima in Pathian kiita mihing khat ka hi a, thu khat hangin na nuntakna uh kong khoaikhe tu hi.

2 Samuel 24:4

Ahihang kumpipa in Joab le a uliante in a thu nisak a; amate in kumpipa omna nusia a, Israel mite a phakza sim tu in pai uh hi.

Nehemiah 5:15

Ka mai ah ngamukmang a seam peuma mipite ii vanhngit hi a, ni simin a an tu le a sapittui tu in ngunn dangkatang 40 veu ngen uh hi. A naseamte ngawngawn in mipite nengcip hi. Ahizong keima in Pathian zakta ka hikom tuabangin ka ngamta bua hi.

Esther 3:3

Kumpi ulian dangte in kumpipa thupiakna sia banghangin zui nuam ngawl ni ziam, ci in dongh uh hi;

Psalm Late 31:19

Nang hong upatte atu in a lamdang mama nate na khealsia hi! A kuama po in nangma bangza inpha ci sia hong he tek hi, nang hong muangte sia ngammuang takin na sungsiatna hong he uh hi.

Pusuana 1:18

Tuaciang kumpipa in nausuaksak syamate samin thu dongh a, “Banghang hi bang ngamta nu ziam? Banghangin panote nungtasak nu ziam?” ci hi.

Paunakte 16:6

Thumaan vun a, citak vun, Pathian in na mawna hong maisak tu hi. Topa ii thu ni vun, thusia bangma na tungah hong tung ngawl tu hi.

Paunakte 8:13

Topa zatakna in a sia ngaimawkna ahi hi; kiphatsakna le kisaktheina, siatna lampite le a maan ngawl kammalte ka ngaimaw hi.

Thuhilsya 12:13

Hite theampo zawkciang son tu thu khat bek om lai hi: Pathian thasia in a, a thupiakte ni in, banghang ziam cile hite theampo sia mihing a kibitphuana thu ahi hi.

Thuhilsya 8:12

Mihing khial khat in khut khialna zakhatvei vawt a, ahizong nungta veve hi. Oh, hi hi, amate kampau nate ka he a, “Pathian thu na ni uh le na theampo a pha in piang tu hi,

Daniel 6:13

Tua zawkciang amate in kumpipa tungah, “Judah salte khat ahi Daniel in Kumpipa Nangma hong zakta ngawl, na suasak thupiakna sia zui ngawl hi. Ama in ni khat sung thumvei peal ngawlin thungen hi,” ci uh hi.

Hosea 5:11

Israel in nenniam thuak a; a neisa tatak ahi leitang taan hi, banghang ziam cile huna piak tu a nei ngawlte munah huna ngen hamtang hi.

Micah 6:16

Hi bang hong piang tu hi, note in Omri kumpipa le a tapa Ahab kumpipa ii ngamtat siate na zui uh hang ahi hi. Amate ngamtat ziate zomto na hi uh ciang kong siacipsak tu a, a kuama po in note hong zawngsak tu hi. Mite in mun theampo ah note hong zawnsak vawt tu uh hi,” ci hi.

Matthew 10:28

Pumpi that thei a, a thaa a that thei ngawlte na kiita heak vun; hell sungah thaa le pumpi a lalcip khawmsak thei Pathian kiita zaw vun.

Luke 12:5

Kiitak tu akua ziam ci sia kong lak tu hi. Pathian na kiita vun, ama in a thalup zawkciang meikuang sungah bum thei lai hi. Hong um tavun, na kiitak tu uh sia ama ahi hi!

Sawltakte 5:29

Peter le sawltak dangte in zo kik a, “Pathian thu ka nit tu uh hi a, mihingte thu ka nit tu uh hi ngawl hi.

1 Samuel 22:17

Tua zawkciang ama a cing, a kungah a dingte munah, “Topa ii thiampite that vun! Amate in David taw kikum ku in, ama a taimang zongh he napi hong son ngawl hi,” ci hi. Ahihang amate in Topa ii thiampite thalup natu a khut tungsak nuam ngawl uh hi.