Psalm Late 127:2 - Syin Chin Bible

² Zingsang thopal a, nitak lum hakin kivaak kitaa natu nasia takin nasep sia, a luithawthong ahi hi. Banghang ziam cile Topa in ama ii itte a mutthip lanin hu hi.

Psalm Late 127:2 Iomraidhean Croise

Job 11:18

Ngal muanna le lametna taw kidim in na nungta tu hi; Pathian in nang hong dal tu a, tawlngakna hong pia tu hi.

Psalm Late 3:5

Lum in ka mu a, zankhuateakin Topa in hong dal hi.

Psalm Late 4:8

Ka lupsuk ciangin thinnuam in ka mu hi, Aw Topa awng, nangma bek in bit takin nong keamcing hi.

Psalm Late 60:5

Na thahatna taw kote hong hun ta'n; na it, na mite a suatak natu in ko thungetna hong zo ta'n.

Paunakte 10:22

Nang hong hausak sia in Topa ii thupha ahi hi. Nasep hanciamna in hong hauzawsak thei ngawl hi.

Thuhilsya 1:14

Hi leitung ah a kiseam theampo ka mu zo a, a luithawthong vive hi ci in kong son hi. Tuasia in vuiva delkot taw kibang hi.

Thuhilsya 4:8

Hi sungah ama nguakin a teang khat om hi. Ama in tapa le nei ngawl, suapui le nei ngawl hikale ama sia na seam tawntung a, bangma hunin a hauna taw lungkim ngeingawl hi. Ama le ama nopsaknate nialin, akua atu in nasia takin na seam ziam? Tuasia zongh luithawthong hi a, tuaciang a ngim huai mama nuntakzia ahi hi.

Thuhilsya 5:12

Naseam khat sia a neak khom tu zongh nei thei a, nei ngawl thei si hi, ahizong ama sia zanin a mut nuam lel hi. Sumhaupa sia, nei leilam ahikom thinngim a, zanin mutthip thei ngawl hi.

Thuhilsya 6:7

Mihing khat in bang khat po a neak thei natu in naseam ahihang a kicing in nei ngeingawl hi.

Jeremiah 31:26

Tuasia ciang mihingte in, ‘Lum in ka mu a, thathak taw ka khanlaw nuam hi,’ ci tu uh hi.

Ezekiel 34:25

Amate thin muang hiithiat in a om natu in amate taw thuciamna khat ka vawt tu hi. Nganhing a kiitakhuaite theampo a ngamsung pan ka heam tu hi, tuasia in ka tuute ngammuang takin lote sungah nungta in, taam sungah a mut thei natu uh ahi hi.