Philippi te 1:1 - Syin Chin Bible

¹ Christ Jesus ii naseamte ahi Paul le Timothy in — Christ Jesus taw pumkhat a om pawlpi lampuite le, Husyate a kihel Philippi ah a om Pathian ii mite theampo tungah lai kong thaak uh hi.

Philippi te 1:1 Iomraidhean Croise

Mark 13:34

Mihing khat khualhaw tu in dingin, a naseamte in inn ngaksak a, khat simin a sep tu tek a vaithak zawkciang, kong cingpa munah a cin thiam natu in, a vaitha sia taw kibang hi.

John 12:26

Ka naseampa sia keima omna po ah, keima taw a om thei natu in, kei atu hong sepsak nuam peuma in kei hong zui kul tu hi. Tuaciang kei atu a seam khat pawpo sia ka Pa in patoai tu hi.

Sawltakte 1:20

“Banghang ziam cile Psalm late ii sungah, ‘Ama ii bangkua awngthong tahen a, kuama a teang om heak hen,’ ci in ki at a, ‘A nasepna mun zongh midang khat in laih tahen,’ ci in ki at si hi.

Sawltakte 20:28

Tua ahikom noma le noma kikeam tavun a, Thaa Thiangtho ii noma khut sung a hong aap tuuhonte zongh en in keam tavun. A Tapa ii chisan tungtawnin, ama atu a piansak Pathian ii pawlpi ii tuucingte na hi tavun.

Sawltakte 9:13

Ananias in zo kik a, “Topa awng, mihing tam ma in, hisia pa thu hong son a, Jerusalem ah na mite tungah a cizat huai ama ngamtatna theampo hong kison hi.

Romete 1:1

Lungdamna Thupha hil tu in Pathian ii a sap, sawltak khat tu in a teal, Jesus Christ ii naseampa ahi Paul ii laithak ahi hi.

Romete 1:7

Tua ahikom Pathian in hong it a, ama minam suak tu in, hong sapsa no Rome khua a omte theampo tungah lai kong thaak hi. Ih Pa Pathian le ih Topa Jesus Christ in thuthiamna le thinnopna hong pia tahen.

1 Corinth te 16:10

Timothy sia note kungah hong theng le, note sungah nuam a sak thei natu in na vawt vun, banghang ziam cile ama sia keima bangma in Topa atu in a seam khat ahi hi.

2 Corinth te 1:1

Pathian ii deina taw Christ Jesus ii sawltakpa ahi Paul le ih suapuipa Timothy in — Corinth khua ah Pathian ii pawlpi le Achaia ngam bup ah Pathian ii mihingte theampo tungah lai kong thaak uh hi:

Galatia te 1:10

Hi bang a ka awsua sia mihingte ii diksak tu hi na sa uh ziam? Hi ngawl het hi! Pathian ii diksak tu bek ka deina hi! Mihingte maipha nga nuamin a hanciam ka hi ziam? Tuabangin hanciam lai ka hile Christ ii naseam khat ka hi buatu hi.

Galatia te 3:26

Note theampo sia upna tungtawnin Christ Jesus taw na kipumkhatna uh hu in Pathian ii tate na suak siat uh hi.

Galatia te 3:28

Tua ahikom Jew te le Gentile te, silate le sila ahi ngawlte, pate le numeite kilaklaw tek ah kilamdanna om nawn ngawl hi; Christ Jesus taw na kipumkhat uh ciangin note theampo sia pumkhat na hi uh hi.

Ephesus te 1:1

Pathian ii deina taw Christ Jesus ii sawltak khat ahi Paul in — Jesus taw kipumkhat nuntakna sungah a thumaan Ephesus khua Pathian ii mihingte tungah lai kong thaak hi;

Ephesus te 1:15

Hi thu hu in, Pathian ii mihingte na itna uh le Topa Jesus na upna uhte ka zaak nungsang,

Ephesus te 6:24

A thi ngei ngawl itna taw ih Topa Jesus Christ a it te theampo tungah Pathian ii thuthiamna hong om tahen.

Philippi te 2:19

Topa ii deina a om le noma thu ka zaakna taw ka kihansua natu in Timothy kong paisak pal thei tu hi.

Philippi te 2:5

Christ Jesus ii a nei thinpuak na nei tavun.

Philippi te 3:12

Ka nasepna taangtun zo ing, tua ahibuale cialcing zo ing ci ngawl khi hi. Jesus Christ in ama atu in kei hong sungsuam zo a hina tel sia ka nga zawk natu in ka hanciam tan lai hi.

Philippi te 3:3

A maan vunteap atna a neite sia amate hi ngawl a, eima ih hi zaw hi, banghang ziam cile eite in Pathian sia ama Thaa taw ih bia a, Christ Jesus taw pumkhat a ih nuntakna sung ah, a lawpte ih hi hi. A puatham cii le sa limte tungtaang ah eite in muanna ih nei bua hi.

Philippi te 3:8

Tuate bek ahi bua hi: ka Topa Christ Jesus heakna thu sia manpha zaw pek ahi hu in nadang theampo sia supna hi ci in ka tuat hi. Ama hangin na theampo ka vawk zo hi; Christ ka nei thei natu le, ama taw pumkhat ka sua bit thei natu in na theampo sia ninbu lomtangh bang bekin ka ngaisun hi,

1 Thessalonica te 1:1

Paul, Silas le Timothy kung pan — Pa Pathian le Topa Jesus Christ ii neisa ahi Thessalonica pawlpi mite tungah: Thuthiamna le kilemna sia no aa hi tahen.

1 Thessalonica te 2:2

Noma kung Thessalonica ah kong pai uh ma in Philippi ah kote hong kivawtsia zo a, hong kizawnsakzia sia na heak uh ahi hi. Tuaciangin hong langpan tam kale, ama kung pan a hong pai Lungdamna Thupha note tungah kong son natu in, ih Pathian in thinletna hong pia hi.

2 Thessalonica te 1:1

Paul, Silas le Timothy in — Ih Pa Pathian le Topa Jesus Christ neisa Thessalonica pawlpi mite tungah lai kong thaak uh hi:

1 Timothy 1:2

Upna sungah ka tapa tatak ahi Timothy tungah lai kong thaak hi: Pa Pathian le ih Topa Jesus Christ in, thuthiamna, hesuakna le thinnopna nang hong pia tahen.

1 Timothy 3:8

Pawlpi upate zongh ngamtat pha nei tu a, a citakte ahi tu kisamh hi; amate in sapittui tam lei ne ngawl tu a, sum lam sangah duhop ngawl het tu hi;

Titus 1:1

Pathian ii naseampa le Jesus Christ ii sawltakpa, keima Paul in lai kong thaak hi. Kei masia Pathian teal sate upna khantosak natu le, ih biakna ii hil thumaan thutak ah, a lampui tu in hong kiteal a, hong kipuak hi.

Titus 1:7

Banghang ziam cile Pawlpi lampui khat sia Pathian ii nasepna a uk ahikom, ama sia paubanna nei ngawl tu hi. A ma sia a kihisak, a thintom, zukham thei, a ngoltol, ahibuale sum lamsang a duhop hi ngawl tu hi.

Philemon 1:1

Christ Jesus atu a, thong a taak Paul le ih suapuipa Timothy in — koma ngualtamh le ka nasep puipa uh Philemon tungah,

Hebrew te 13:23

Ih suapui Timothy sia thongsung panin kipusuaksak zo hi, ci sia kong zasak nuam hi. Hong theng pal nale, noma taw kimu tu in, kong tonpui tu hi.

James 1:1

Pathian le Topa Jesus Christ ii naseampa James in: leitung bup ah a kithethaang Pathian mite kong paupui hi.

1 Peter 2:25

Note sia lam amh tuute bang na hi uh hi, ahihang tu in na thaa uh hong Keampa le Tuucingpa zui tu in, hong kipui kik zo hi.

2 Peter 1:1

Jesus Christ ii sawltakpa le silapa Simon Peter in — Ih Pathian le Hunpa Jesus Christ thumaan thutang tungtawn a, kote ii upna za ma in a manpha upna, a neite tungah lai kong thaak hi:

Jude 1:1

Jesus Christ ii naseam, James ii suapuipa Jude kung pan — Pa Pathian ii itna sung le Jesus Christ ii kepcingna sung a nungta Pathian ii sapsate tungah laithak ahi hi:

Thupualaakna 1:1

Hi laibu sia Jesus Christ ii pualaak thute a kitepteena ahi hi. Hai ngawlin, a tung tu thute a naseamte tungah a lak thei natu in, Pathian in hi pualaakna pia hi. Christ in a naseampa John tungah a heaksak natu in, ama kungah a vantunglalang paisak a,

Thupualaakna 1:20

ka ziatsang khut sungah na mu aksi salite le khamh meivak khuam salite ii a kiphualseal a khiakna sia hi bang ahi hi: aksi salite sia pawlpi salite ii vantunglalangte hi a, meivakna khuam salite sia pawlpi salite ahi hi.

Thupualaakna 19:10

A peang ah ama bia tu in ka bok hi, ahihang, ama in, “Hong bia heak in! Keima in, Jesus ii hong pualaak thumaan thutak a kholet nangma le na suapuite theampo taw naseam khawm khat ka hi hi. Pathian bia in!” hong ci hi. Banghang ziam cile Jesus ii hong pualaak thumaan thutakin kamsaangte thinsung a hil sia ahi hi.

Thupualaakna 2:12

“Pergamum khua pawlpi tungah kamtai vantunglalang tungah hi bangin at in: “Hisia in a lang nii hiam namsau a neipa ii hong kam vaithak ahi hi.

Thupualaakna 2:8

“Smyrna khua pawlpi ii kamtai vantunglalang tungah hi bangin at in: “Hisia in a masa phitbel le a khakbel ahi, a thisa a nungta kikpa tung pan kam hong vaithak hi.

Thupualaakna 22:9

Ahihang ama in kei tungah, “Kei hong bia heak in! Keima in nangma le na suapuite ahi kamsaangte le hi laibu sungah a om thute a zuite theampo taw naseam khawm khat ka hi hi. Pathian bia in!” hong ci hi.