Philemon 1:9 - Syin Chin Bible

⁹ Ahihang nang hong it ka hikomin, kong thuum zaw hi. Keima Paul sia Christ Jesus ii tongciin hi a, ama hu in tu laitak mama in thongtaak zongh hi napi, hi bangin thuumna kong zangh zaw hi.

Philemon 1:9 Iomraidhean Croise

Psalm Late 71:18

Tu in ka huai zo a ka puak zongh kaang zo hi. Kei hong nusia heak in, Pathian awng! hong pai pheang tu khang kikte tungah na vaangletna le na thahatna ka thansak laitakin keima taw hong omkhawm ta'n.

Psalm Late 71:9

Tu in ka khanhaam ciangin kei hong nial heak in a; ka thatual ciangin kei hong nusia heak in.

Paunakte 16:31

Khansauna sia a thutangte ii thaman ahi hi; puakkaanna in minthanna kumpilukhu ahi hi.

Isaiah 46:4

Keima in note Pathian ka hi a, na huai na teak na puakkaan dong kong ou kong keam tu hi. Keima in note kong vawt a kong khoi tu hi; note kong hu tu a, kong suatak tu hi.

Romete 12:1

Tua ahikom suapuite awng, Pathian ii a lian mama hong hesuakna hu in hi bangin note tungah kong ngen hi; noma le noma Pathian tungah a hingtang biakpiakna in kinei tavun a, ama ii dik a sak naseam tu in na ki aap tavun. Na piak tu uh biakna maan sia hisia ahi hi.

2 Corinth te 5:20

Tua ahiciang hi sungah kote Pathian ma in kote tungtawnin note tungah hong thuum bangma in Christ atu in thuson ka hi uh hi. Christ ii taangin kong thuum uh hi: Pathian in a ngalte na hina uh pan, a lawmte hong suaksak tahen!

2 Corinth te 6:1

Tua ahiciang, Pathian taw ko ii nasep khopna sungah Pathian ii thuthiamna a saangte in, tua thu thiamna sia a luithawthong a suasak ngawl natu in kong thuum uh hi.

Galatia te 3:26

Note theampo sia upna tungtawnin Christ Jesus taw na kipumkhatna uh hu in Pathian ii tate na suak siat uh hi.

Ephesus te 3:1

Hisia thu hu in, no Gentile te atu in Christ Jesus ii thongtaakpa keima Paul in, Pathian tungah thu ka ngen hi.

Ephesus te 4:1

Tua ahiciang Topa ii na ka sep hu in, thongtaak keima in, Pathian ii note hong sap hun laitakin hong koisak bang nuntakna zia taw na nuntak natu in, kong hanthawn hi.

Ephesus te 6:20

Tu laitakin, thonginn sungah om ka hi hang, hi lungdamna thu atu in, keima sia tongciin ka hi hi. Lungdamna thu ka son tu bang a, hangsan takin ka son ngam natu thu hong ngetsak tavun.

1 Timothy 1:12

Ka nasep natu in thahatna hong pia Jesus Christ ih Topa tungah lungdam ka ko hi. Ama ii na seam tu in kilawm hong sakna le nasep hong piak hu in, ama tungah ka lungdam hi,

Titus 2:2

Pasal khanghaamzawte sia a kilawm bang ngamtatna nei tu, khuangaisun thei tu, amate le amate ki uk zo tu; a upna uh maan tu, ki itna nei tu, tuaciang thuak zawkna a nei natu uh in na hil in.

Hebrew te 13:19

Note kungah hai ngawlin, Pathian ii kei hong paisak kik pal natu thu nong ngetsak thua lai tu uh nasia tak kong thum hi.

1 Peter 2:11

Hi leitung ah khualmite le ngaltaite ahi no ka lawmte tungah hi bangin, kong thuum nuam hi! Na pumpi cii le sa deinate zawp heak vun, tuate in thaa taw kido tawntung uh hi.

Thukhente 21:22

Amate ii pate, suapuite in no kungah hong pai in lungkim ngawlna hong pau le, ‘Nong hesuakna in hong keamsak po tavun, banghang ziam cile amate sia ka zi tu a ngal kidona pan ka laak uh hi ngawl hi. Tuaciang no zongh in ko nong piak uh hi ngawl ahiciang, na kamciam uh a paltan suak ngawl nu hi,’ ci thei tu nu hi,” ci uh hi.