Philemon 1:22 - Syin Chin Bible

²² Tuaciang kei atu in inn doituam khat, na koi kholsak in, banghang ziam cile note theampo ii thungetna sia, Pathian in hong saang tu a, note kungah kei hong zuansak kik tu hi, ci in lametna ka nei hi.

Philemon 1:22 Iomraidhean Croise

Sawltakte 27:24

‘Paul awng, lau heak in! Kumpilianpa mai ah na din kul tu hi. Pathian in nang tungah hong phatna taw na khualhaw pui theampo ii nuntakna suatak zo ni hi’ hong ci hi.

Sawltakte 28:23

Tua ahikom, Paul taw a ni kiciam a, tua ni in mihing tam mama Paul omna ah hong pai uh hi. Zingsang pan zan dong, amate tungah Pathian Ngam thu hil thiang a, Moses Thukham le kamsaangte lai at nate sisanh in, Jesus thu a tel thei natu hanciam in son hi.

Romete 15:24

tu in hong pai thei tu in ka kilamen hi. Spain ngam ah ka pai lamin note taw ka kimu nuam a, tawmvei kong taam zawkciangin, tua munah ka pai natu hong hu le uhte ka uk hi.

2 Corinth te 1:11

tua in kote nong panpui na uh taw thu nong ngetsakna uh hang ahi hi. Tua ahikom kote atu thu tam mama hong kingetsaknate hong kizo tu a, Pathian in ko thupha hong pia tu hi; tuaciang mihing tam mama in, kote atu nging takin lungdamkona nei thei tu uh hi.

Philippi te 1:19

banghang ziam cile nong thungetsakna uh le Jesus Christ ii Thaa kung pan hong pai huna taw kei hong kisuaktasak tu ci sia ka he hi.

Philippi te 2:24

Keima mama no kung kong pai pal thei natu in Topa ka muang hi.

Hebrew te 13:19

Note kungah hai ngawlin, Pathian ii kei hong paisak kik pal natu thu nong ngetsak thua lai tu uh nasia tak kong thum hi.

Hebrew te 13:23

Ih suapui Timothy sia thongsung panin kipusuaksak zo hi, ci sia kong zasak nuam hi. Hong theng pal nale, noma taw kimu tu in, kong tonpui tu hi.

James 5:16

Tua ahikom, na mawna uh sia khat le khat tungah kipualaak vun a, khat le khat thu na kingetsak vun, tua hile hong damsak tu hi. Mipha thumaan thutang khat ii thungetna in vaang nei hi.

2 John 1:12

Kong son tu tam mama om ahihang laikung laite taw hong at ngawl zaw tu khi hi; ih lungdamna a kicin natu keima hong haw in maitang kisi a thuson tu ka lamen zaw hi.

3 John 1:14

No taw kimu pal tu in lametna ka nei a, tua hun ciangin maitang kisi in ih son tu hi.