Philemon 1:17 - Syin Chin Bible

¹⁷ Tua ahikom nangma ii na naseppui bangin, kei nong ngaisun le, keima nong saan tu bangin, ama na saang kik in.

Philemon 1:17 Iomraidhean Croise

Matthew 10:40

“A kuama po no hong saangte sia, kei hong saang ahi hi; tuaciang kei hong saangte sia kei hong sawlpa saang ahi hi.

Matthew 18:5

Tuaciangin hi bang patang khat kei min taw a saangte in, keima hong saang ahi hi.

Matthew 25:40

Kumpipa in, ‘A maan tak ka ci ciang, hi ka suapuite a nobel khat tungah na vawt uh sia kei tung a hong vawt na hi uh hi!’ ci in zo tu hi.

Sawltakte 16:15

Ama le a innkuanpuite in tui a kiphum zawkciangin, ama in ko hong sam hi, “Kei sia Topa a um tatak mihing khat ci in na khensat uh le, hong pai tavun a, ka inn ah hong taam tavun,” ci hi. Ama inn ah ka pai natu in hong zol hi.

2 Corinth te 8:23

Titus ahile, keima naseppui hi a, note hong hu tu in keima taw naseampa ahi hi; amate taw a kithawl suapui dangte sia pawlpite taangmi hi a, Christ minthangsak hi.

Ephesus te 3:6

A thuku sia bang ziam cile Gentile te le Jew te in Pathian thupha sia lungdamna thu hangin saang khawm thei hi; amate in pumpi khat ii nate hi tek a, Pathian ii Christ Jesus tungtawn a kamciam a piakte nga tek hi.

Philippi te 1:7

Ka thinsung ah no kong phawk tawntung hi! Tuabangin kong phaw sia kei atu in a kilawm thu ahi hi. Banghang ziam cile, tu laitak thonginn sungah ka om laitak ahizong, lungdamna thu ii a maanna sia huuk tu le kipsak tu in ka suatak laitak ahizong, Pathian ii hong piak hi phattuamna nong saan pui tek uh hi.

1 Timothy 6:2

Tapidawte nei silate in a tote simmaw heak hen, banghang ziam cile, amate in unau khat ahi uh hi. Tua hi zaw ngawlin amate in a phazaw in na sepsak tahen, banghang ziam cile, phattuamna a ngate sia amate ii a it thu umte ahi hi. Hi thute hilin na hanthawn in.

Philemon 1:10

Tua ahikom, Onesimus luangin ngetsakna khat kong nei hi, ama sia Christ sungah ka tapa hi zo hi; banghang ziam cile thong sungah ka om sung ma in, thaa vai ah ama ii a pa ka suak zo hi.

Philemon 1:12

Tu in nang kungah ama kong puak kik a, ka thinsung theampo taw ka phawk nginge hi.

Philemon 1:18

Nang tungah ngamtat khialna hong nei a, ahibuale, leiba hong nei le zong, keima ii kong bat bangin na ciamtee in.

Hebrew te 3:1

Pathian hong sapsa zongh ahi, ka Tapidaw suapuite awng! Ih pualaak upna ii Thiampi Lianbel tu in, Pathian ii a sawlpa Jesus ngaisun vun.

Hebrew te 3:14

Banghang ziam cile a kipat pan ih nei kimuanna sia a tawp dongin ih kholet le ei theampo sia Christ taw a kikopte ih hi hi.

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.

1 Peter 5:1

Pawlpi upa khat ahi keima in no pawlpi upate tungah kong thuum hi. Keima sia Christ thuakna ii tetti khat ka hi a, maisang hong kilangh tu minthanna a nga tu khat ka hi hi.

1 John 1:3

Pa le a Tapa Jesus Christ taw ka kipawlkhopna sungah nong pop thei natu in, ka mu ka zaak uh teng no tungah kong phuang uh hi.