Philemon 1:14 - Syin Chin Bible

¹⁴ Ahitazong, nong hu natu kong sawl hamtang nuam bua hi; tua sangin, nangma thu in na ngamtat tu kong dei zaw hi. Tua ahikom, na thukim ngawl po bangma ka vawt buatu hi.

Philemon 1:14 Iomraidhean Croise

1 Khangtaanghthu 29:17

Mi theampo ii thinsung na ze et a, a citak mite tungah na lungkim hunlam ka he hi. Thumaanna le thinsung takpi taw keima uuk thu in hi teng theampo kong pia zo hi, tuaciang hi munah hong kikhawm na mite in nang kungah biakpiakna hong paipui tu sia bangza in lungdam ziam ci sia ka mu zo hi.

Psalm Late 110:3

Na ngalte na sim ni ciangin na mite in amate uuk thu in nang hong pawm tu hi. Zingsang tuung daaitui bangin na khangnote in nang kung mual thiangthote tungah hong pai tu hi.

1 Corinth te 9:17

Keima uuk thu in ka tealna taw ka nasep seam hi leng, thaman hong kipiak tu ka lamen tu hi; ahihang sep tu pealmaw in nei a, a seam ka hi hi, banghang ziam cile Pathian in kei hong muang a, hi vaipuak hong aap hi.

1 Corinth te 9:7

Ama ii sum zangh a, ngalkap sung a seam ngalkap om ngei na ziam? A sapithuan sung pan a piang sapitnga a ne ngawl lothopa akua om ngei ziam? Ama tuute ii noai a ne ngawl tuucingpa a om ziam?

2 Corinth te 1:24

Na up hamtang tu uh thu sia hamtangin kong sawl buatu uh a, na upna uh kip hi ci in kong he uh hi. Noma lungdam natu in note taw na a seam khawm ka hizaw uh hi.

2 Corinth te 8:12

Piak tu na thalawp uh le, na nei ngawlna tung pan hi ngawlin, na neina taw kizui in na piak tu za letsong sia Pathian in hong saang tu hi.

2 Corinth te 9:5

Tua ahikomin, piak tu na kamciamsa letsongte a kinging kholsa in a om natu in, keima kong pai ma, hi suapuite hong paikhol tu sia hanthot tu kul ka sa hi. Tua hile kei kong thet ciang, kingin sa suak tu a, tuaciang piak tu a kul hang hi ngawlin, thinzawna taw a pia nuam ka hina uh hong kilangh tu hi.

2 Corinth te 9:7

Tua hi a, mihing sim in ama khensat sa om bangin pia tu a, thinnop ngawlna taw, ahibuale piak nanak kul tu bangin ngaisutna taw pia ngawl tu hi; banghang ziam cile lungdam thinzo takin a pia sia Pathian in diksa hi.