Philemon 1:1 - Syin Chin Bible

¹ Christ Jesus atu a, thong a taak Paul le ih suapuipa Timothy in — koma ngualtamh le ka nasep puipa uh Philemon tungah,

Philemon 1:1 Iomraidhean Croise

Sawltakte 16:1

Paul in Derbe le Lystra khua Timothy kici Tapidaw khat ii teenna ah khualhaw suak hi. A nu zongh Jew minam Tapidaw khat hi a, ahihang a pa sia Greek te ahi hi.

1 Corinth te 3:9

Banghang ziam cile kote sia Pathian taw kipawlin naseam khawmte ka hi uh a, note in Pathian ii lo na hi uh hi. Note in Pathian inn na hi si uh hi.

2 Corinth te 1:1

Pathian ii deina taw Christ Jesus ii sawltakpa ahi Paul le ih suapuipa Timothy in — Corinth khua ah Pathian ii pawlpi le Achaia ngam bup ah Pathian ii mihingte theampo tungah lai kong thaak uh hi:

Galatia te 3:26

Note theampo sia upna tungtawnin Christ Jesus taw na kipumkhatna uh hu in Pathian ii tate na suak siat uh hi.

Ephesus te 3:1

Hisia thu hu in, no Gentile te atu in Christ Jesus ii thongtaakpa keima Paul in, Pathian tungah thu ka ngen hi.

Ephesus te 4:1

Tua ahiciang Topa ii na ka sep hu in, thongtaak keima in, Pathian ii note hong sap hun laitakin hong koisak bang nuntakna zia taw na nuntak natu in, kong hanthawn hi.

Ephesus te 6:20

Tu laitakin, thonginn sungah om ka hi hang, hi lungdamna thu atu in, keima sia tongciin ka hi hi. Lungdamna thu ka son tu bang a, hangsan takin ka son ngam natu thu hong ngetsak tavun.

Philippi te 1:1

Christ Jesus ii naseamte ahi Paul le Timothy in — Christ Jesus taw pumkhat a om pawlpi lampuite le, Husyate a kihel Philippi ah a om Pathian ii mite theampo tungah lai kong thaak uh hi.

Philippi te 2:25

Keima hong hu tu in kamtai a na zak sa uh, kei taw kop a, naseamin ngal hong do pui ih suapui Epaphroditus kong paisak kul tu hi ci in ka ngaisun hi.

Philippi te 4:3

Tuaciang a thumaan ka naseppui noma zongh in, hi numeite na hu tu uh ka dei hi; banghang ziam cile amate sia Pathian ii nuntakna laibu sungah a om Clement le ka naseppui dangte theampo taw kop in, lungdamna thu kizel natu in keima taw nasia tak a diangte ahi uh hi.

Colossae te 1:1

Pathian ii deina taw Jesus Christ ii sawltak khat ahi Paul le ih suapuipa Timothy in —

Colossae te 4:11

Justus zongh a kici Joshua zongh in paupuina kam hong thaak hi. Hite thum in Jew te sung pan hong kikhealte hi a Pathian ngam atu kei taw na a seam khawmte hi a, amate in nasia takin hong hute ahi uh hi.

1 Thessalonica te 3:2

Tua lanin, Christ huvau Lungdamna Thupha hil a, Pathian atu ko taw naseam khawm ko ii suapui Timothy kong paisak uh hi. Hong thakhosak tu le, na upna uh sungah hong hu tu in kong paisak uh a,

2 Thessalonica te 1:1

Paul, Silas le Timothy in — Ih Pa Pathian le Topa Jesus Christ neisa Thessalonica pawlpi mite tungah lai kong thaak uh hi:

2 Timothy 1:8

Tua ahikom, Topa atu tetti panna ah maizum heak in, Christ atu in thongtaakpa kei atu zonghin maizum heak in. Tua hi zaw ngawlin Pathian nasep natu thahatna hong piak bangin, Lungdamna Thupha atu thuakna sungah na kihel in.

Philemon 1:23

Christ Jesus atu in ka thongtaakpui Epaphras in note hong paupui hi,

Philemon 1:24

tuabang ma in ka naseppui Mark, Aristarchus, Demas le Luke in note hong nukset uh hi.

Philemon 1:9

Ahihang nang hong it ka hikomin, kong thuum zaw hi. Keima Paul sia Christ Jesus ii tongciin hi a, ama hu in tu laitak mama in thongtaak zongh hi napi, hi bangin thuumna kong zangh zaw hi.