Paunakte 5:3 - Syin Chin Bible

³ Pasal dang khat ii a zi muk sia khuaitui bangin thum tha tu a, ama ii hong napna in olive thau bangin neal tu hi,

Paunakte 5:3 Iomraidhean Croise

Psalm Late 55:21

A kammal ahile noaidiat sangin neal zaw ahihang, a thinsung ah etsatna om hi; a kammalte sia sathau bangin neal a, ahihang tuate in namsau hiamte bangin bantan hi.

Paunakte 2:16

Nangma in numei paktat khat po ii kamthum taw hong zolnate na nalh zo tu hi,

Paunakte 22:14

Palngulna sia thaang hi a — Topa thin uukna a thuakte tua thaang sungah awk hi.

Paunakte 5:20

Ka tapa awng, banghangin na itna sia numei dang khat pia tu ni ziam? Banghangin ngualdang khat zi ii ngaibannate lungngul zaw tu ni ziam?

Paunakte 6:24

Tua hilnate in numei pha ngawlte kung panin hong keam tu hi; midangte zite ii zolna kammalte pan hong keam tu hi.

Paunakte 7:21

Tuabangin ama in tangvalpa sia ama thiamna taw zol a, numei ii kamthum kamzol in tangvalpa zo hi.

Paunakte 7:5

Tuate in ngual zite kung panin nang hong keam tu hi, zolna kampau thei numeite kung panin hong keam tu hi.

Thuhilsya 7:26

Thina sangin a khaa zaw khat ka mu hi — tua in thaang taw a kibang numei ahi hi. Ama ii hong itna in ngeen bangin nang hong man tu a, ama hong koaina in thikkhau khat bangin nang hong heencip tu hi. Pathian ii deina bangin a ngamta sia in tuabang numei pial thei a, ahizong a khial sia, a thaang sungah awk hi.

Solomon ii La 4:11

Kong it ngaino awng, na muk sia khuaitui bangin thum a, na leei sia kei atu in, khuinoai le khuaitui ahi hi. Na puansilhte sia Lebanon ii paaknamtui namcinte nam hi.