Paunakte 2:8 - Syin Chin Bible

⁸ Midangte tungah a kilawm tu bangin a ngamtate ama in sungsia a, ama tungah a kipiate ama in cing hi.

Paunakte 2:8 Iomraidhean Croise

Psalm Late 1:6

Thutangte Topa in lamlakin dal a, ahizong a ngilote sia amate lalcip natu munah a pai uh hi.

Psalm Late 145:20

Ama a it theampo ama in sungsia hi, ahihang a seksolte susia tu hi.

Psalm Late 23:3

Ama in thahatna thak hong pia hi. Ama hong kamciamsa bangin lampi maan tawn tu in lam hong pui hi.

Psalm Late 37:28

banghang ziam cile Topa in a maan dei a, a thumaan a mihingte a nusia bua hi. Amate a tawntungin sungsia a, ahihang a seksolte ii suan le paalte sia kinotkeak tu hi.

Psalm Late 37:31

Amate’ Pathian ii thukham sia a thinsung ah keam a, tua thukham panin a pial ngei bua hi.

Psalm Late 66:9

Ama in eite a nungta in hong keam a, ih liik tu a oai bua hi.

Psalm Late 97:10

Topa in siatna a ensante it hi; ama in ama mite ii nuntakna dal hi; mihing seksolte ii thahatna panin amate suatak hi.

Paunakte 8:20

Thutang lampi ka tawn a; thukhaikim lampi ka zui hi,

Isaiah 35:9

Tua munah tawpite om ngawl tu a, a kiitakhuai nganhingte in tua lampi kaantan ngawl tu hi. Topa ii suatak sa mihingte in tua lampi tawnin a inn uh ah cia tu uh hi.

Thuhil kikna 33:3

Topa in a mite it a, ama ii neisa mite sungsia hi. Tua ahikom, eite a peang ah kunin ama thupiakte ih zui hi.

1 Peter 1:5

Tua teng sia noma atu ahi hi, hun tawpkhak ni ciang a kilaak khia tu a kinging sa in a om, ngupna sia upna tungtawnin a nga note atu in, Pathian vaang taw tuate hong kepcingsak hi.

Jude 1:24

Tu in na puk ngawl natu in, hong keam thei a, ama ii minthanna mai ah a sitbaang ngawl le lungdamna lianpi taw hong then thei —

1 Samuel 2:9

“Ama in a thumaan a mite ii nuntakna dal hi, ahihang a seksolte sia khuazing sungah mang hi; mihing khat in ama hantang tha ngum hatna taw mualsuak zo ngawl hi.