Paunakte 2:4 - Syin Chin Bible

⁴ Ngunn ahizong a kiseal sum manphate ahizong na zon tu bangin nasia takin zong in.

Paunakte 2:4 Iomraidhean Croise

Pianciilna 26:32

Tua ni in, Isaac ii naseamte hong pai in amate tawsa, tuikhuk thu ama tungah son hi. Amate in, “Tui ka mu zo uh hi,” ci hi.

Job 3:21

Amate in a thi tu ngak ahihang tuasia theng ngeingawl hi; amate in sumngum khat po sangin thaankuul deizaw uh hi.

Psalm Late 119:127

Khamh le, khamh ciitak sangin na thupiakte ka itzaw hi.

Psalm Late 119:14

Hau mama tu sangin na thupiakte zuina sungah lungpilna ka nei zaw hi.

Psalm Late 119:72

Leitung ah a om sum le vanh manpha theampo sangin nong piak na thukham in kei atu in khiakna nei zaw hi.

Psalm Late 19:10

Tuate sia khamh pha belte sangin dei huai zaw a, khuaitui thiangbel sangin thum zaw lai hi.

Paunakte 16:16

Khamh le ngunn sangin ciimna le heakna nei tu phazaw hi — phazaw pek hi.

Paunakte 2:3

Hi hi, ciimna ngen in; a thuk mu theina nei natu maangkaa in.

Paunakte 23:23

Thumaan thutak, ciimna, sintheina le khua ngaisut theina, hite sia a man piak taak a, ahizong na zuak tu in manpha lei hi.

Paunakte 4:7

Ciimna ngana sia na vawt thei sung pan a thupibel ahi hi. A dang theampo na nga tazong thuthuk muna ma kan in.

Paunakte 8:17

Kei hong itte ka it hi; kei hong zong po in hong mu thei hi.

Thuhilsya 4:8

Hi sungah ama nguakin a teang khat om hi. Ama in tapa le nei ngawl, suapui le nei ngawl hikale ama sia na seam tawntung a, bangma hunin a hauna taw lungkim ngeingawl hi. Ama le ama nopsaknate nialin, akua atu in nasia takin na seam ziam? Tuasia zongh luithawthong hi a, tuaciang a ngim huai mama nuntakzia ahi hi.

Matthew 13:44

“Vantung ngam thu hi bang ahi hi. Pasal khat in lo khat sungah sum kiphual khat mu hi. Ama in lei huk kikin, lungdam mama ahikom a neisa theampo zuak a, tua zawkciang pai kikin, tua lo lei hi.

Matthew 19:29

Tuaciang a kuama po kei hu in, a inn, a suapuipate, a suapuinute, a pa, a nu, a tate, a leitang khat pawpo a nusiate in, a see zakhat sangin tamzaw in saang tu a, tawntung nuntakna kipia tu hi.

Luke 16:8

Tua hu in, a topa in a thumaan ngawl sumkeampa ii thimthel pilna teng pok hi; banghang ziam cile hi leitung mihing thimthelte sia vai tuatuam sepna ah khuavak sung om mihingte sangin pilzaw pek hi.”