Paunakte 13:2 - Syin Chin Bible

² Mihing phate sia amate pauna tung panin thaman kipia tu a, ahihang ngualtheam theite sia andu ngilkial bangin ngoltol ngamtatna dei hi.

Paunakte 13:2 Iomraidhean Croise

Psalm Late 140:11

Midangte maw a suan khialte, zawna nga heak hen; mihing ngoltolte sia siatna in ban tahen a, lalsak tahen.

Psalm Late 75:8

Topa in a khut sungah hai khat toai in, a thin uukna zu ciik taw kidim hi. Ama in tua zu bungh keak in a seksol theampo in ne uh hi; a mal bo dongin amate in ne siat uh hi.

Paunakte 1:18

ahihang mihing tuabangte in amate le amate thaang kisia uh a, tua thaang sungah amate thi tu uh hi.

Paunakte 1:31

Tua ahikom, nangma taw a kiphu bangin na nga tu hi, tuaciang nangma ngamtatna ma in na ci hong nasak tu hi.

Paunakte 10:11

Mihing pha khat ii kampaute in nuntakna tuinaak hi a, ahizong a seksol khat ii kammal in a ngoltol pianzia phualseal hi.

Paunakte 11:23

Mihing phate ii deite sia phatna taw tawp tawntung hi; mihing seksolte ii a deite a nga uh ciang a kuama po thin uuk hi.

Paunakte 12:14

Na thaman sia na pauna le na sepna tung pan kituat tu hi; nang taw a kiphu bang na nga tu hi.

Paunakte 18:20

Na ci pawpo taw kizui in thupiangte na nuntakpui kul tu hi.

Paunakte 18:21

Na kampauna in nuntakna hong keam thei a, tua ahibuale zong hong lalsak thei hi; tua ahikom na kammal tung pan a piang thute lungkimin na thuak kul hi.

Paunakte 4:17

Seksolna le ngoltolna sia amate atu in an le tui bang ahi uh hi.

Hosea 10:13

Ahihang siatna thaicii na ciing uh a, tuate anlaak in na nei uh hi. Na leilotnate pan a piang a ngate na ne zo uh hi. “Na siphu ngalleangte le ngalkap tam na neina na suan hu in

Habakkuk 2:17

Lebanon taamthing na phuktham zo a; tu in nang hong kiphuk vawk tu hi. A ngamsate na that a, tu in tua ngamsate in hong lausak tu hi. Leitung le a khuapite tungah na ngongtatnate hang le tual na tha uh hang in tuabang in piang tu hi.

Habakkuk 2:8

Ngam tam mama ah mihingte na suttol uh hi, ahizong tu in a nungta laite in no hong suttol tu hi, banghang ziam cile noma in mihing na that uh a, leitung mite tung le a khuapite tungah na ngongtatna hang ahi hi.

Thupualaakna 16:6

Amate in Pathian ii mihingte le, kamsaangte chisan keesak ahikom amate dawn tu in chisan a pia zo hi. Amate in a kiphu a kilawm in thuak hi,” a ci ka za hi.