Paunakte 10:2 - Syin Chin Bible

² Thumaan ngawlna taw na nga hauna in bangma phattuamna hong pia ngawl tu hi, ahihang thumaanna in na nuntakna hong ngum thei hi.

Paunakte 10:2 Iomraidhean Croise

Paunakte 11:4

Na thi ni hong thet ciang haunate in bangma phattuamna hong pia zo ngawl tu hi, ahihang thumaanna in na nuntakna hong ngum thei hi.

Paunakte 12:28

Thutang hina in nuntakna lampi hi; seksolna sia thina lampi ahi hi.

Paunakte 13:11

Ol takin hauna na nga le na bosak pal tu hi. A haksa zaw in na thalaw le a tamzaw na nei tu hi.

Paunakte 21:6

Thumaan ngawlna taw na nga hauna bo pal tu a, ahihang thina thaang sung hong tumpui ma in bo ngawl tu hi.

Ezekiel 7:19

Amate in a khamh le a ngunnte lampi ah ninteak bangin vawk tu uh hi, banghang ziam cile Topa ii thin uuk ciangin, khamh le ngunn in amate hun zo ngawl hi. Khamh le ngunn in amate deina lungkimsak thei ngawl a, a ngil uh vasak thei ngawl hi. Khamh le ngunn in amate sia mawna sung zotpui hi.

Daniel 4:27

Tua ahiciang kumpipa awng, kong thuhilna hong ni ta'n. Mawna na vawt kheal in a, a maan in seam in, tuaciang a zawngte hesuak in. Tua hile na nuamsa tawto tu hi,” ci in zo kik hi.

Zephaniah 1:18

Tua ni in Topa in a thinsona hong lak ciang a ngunn a khamh te theampo zongin amate a hun zo buatu hi. Leitung bup sia a thin uukna meikuang in susia tu hi. Leitung a teang mihing theampo bona — thakhat thu in a bona — ama in tungsak tu hi.

Romete 2:5

Ahihang note na thin uh pui in na lungtang uh sak hi, tua ahikom Pathian sia thin uukna le thutang taw thu a khen Ni ciangin na daan khak tu uh sia a nasia seseam in hong kilangh tu hi.

Romete 5:21

Tua ahikom mawna in thina taw hong uk bangma in, Pathian ii thuthiamna in thutang suana taw hong uk a, ih Topa Jesus Christ tungtawnin tawntung nuntakna sungah hong then hi.

Philippi te 3:9

Thukham zuina taw a kinga theite nam ahi keima aituam thutang suana khat sia ka nei nawn bua hi. Christ ih upna tungtawnin hong kipia, Pathian kung pan hong pai upna a kibulphu thutang sia tu in ka nei zo hi.