Paunakte 1:4 - Syin Chin Bible

⁴ Tuate in heakna a nei ngawl lai khat pilsak thei tu a, tuaciang in khangnote kicinna a nei thei natu dan hil hi.

Paunakte 1:4 Iomraidhean Croise

Psalm Late 116:6

A hun tu a nei ngawlte Topa in sungsia a; a lau huaina sungah ka om ciangin ama in kei hong hun hi.

Psalm Late 119:130

Na hilnate na thiang sonna in khuavak pia a, a he ngawlte ciimna pia hi.

Psalm Late 119:9

Khangno khat in ama nuntakna bangbangin a thiangtho in a keam thei tu ziam? Na thupiakte zuina taw keam thei tu hi.

Psalm Late 19:7

Topa thukham sia cialcing a; thahatna thak a pia hi. Topa thupiaknate sia muan thamman a, a kitaangsamhte atu in ciimna pia hi.

Psalm Late 34:11

A khangmoi ka lawmte awng, hong pai tavun a, hong ngai tavun, Pathian patoai tu zia kong hil tu hi.

Paunakte 3:21

Ka tapa awng, na ciimna le a thuk na muna sia keamcing in kholet in. Na kung panin taisua heak in.

Paunakte 8:12

Keima in Ciimna ka hi hi, thuthuk mu theina ka nei hi; keima in heakna le thukhenna maan ka nei hi.

Paunakte 8:17

Kei hong itte ka it hi; kei hong zong po in hong mu thei hi.

Paunakte 8:32

“Tu in, khangmoite awng, hong ngai tavun. Ka ci bangin vawt vun, na lung uh dam tu hi.

Paunakte 8:5

Puicing ngawl lai nu ziam? Puicin natu in kisin vun. Mawmaw nu ziam? Ngaisut theina na nei natu in sin vun.

Thuhilsya 11:9

Khangnote awng, na khangmoi hun nuamsa vun. Na khanmoi lai in lungdam vun. Na vawt nop po vawt vun a, na lungngulna bangin ngamta vun. Ahihang Pathian in na vawtna tungah thu hong khen tu cisia ciamtee tavun.

Isaiah 35:8

Tua munah, “Thianthona ii lampi” a kici lampi lian khat om tu hi. Mawneite kuama in tua lampi tawn nawn ngawl tu hi; tua lampi a tawnte sia a mawmawte zongh lam pial ngawl tu hi.

Thuhil kikna 4:6

Thumaan takin zui vun, tua hile hisia in minam dangte tungah, na ciimna uh lak tu hi. Hi thukhamte theampo a zaak uh ciang, amate in, ‘Hi minam liante sia bangza in ciim a thu he zen ziam?’ ci tu uh hi.

2 Timothy 2:22

Khangno lungngulnate pialin, tuaciangin thumaan thutang, upna, ki itna, thinnopna sia, thinsung thiangtho taw Topa tungah huna ngen a, a aute taw nga khawm tu in na hanciam in.

Titus 2:6

Tuabang ma in pa khangmoite sia, amate le amate ki uk zawk natu in hanthawn ta'n.