Paunakte 1:11 - Syin Chin Bible

¹¹ A zezen in, amate in “Hong pai ta'n; ih thalup tu khat zong ka tawng! Mawna nei ngawl khat cimthoina in ngalvawt sin ve tawng!

Paunakte 1:11 Iomraidhean Croise

Psalm Late 17:12

Amate in tawpite bang hi a, hong balneen nuamin hong ngak hi.

Psalm Late 35:7

Bangma ahang om ngawl bulin amate in keima thaang hong sia hi, tuaciangin kei hong mat natu in vuum thuk khat to uh hi.

Psalm Late 56:6

Amate in a buliana munte ah kikhawm in, hong thatlum thei tu in ki um uh a, ka ngamtatna theampo hong encik hi.

Paunakte 1:16

Amate in a sia khat a vawt tu ngakla hi. Amate in thatlum tu in kinging tawntung hi.

Paunakte 1:18

ahihang mihing tuabangte in amate le amate thaang kisia uh a, tua thaang sungah amate thi tu uh hi.

Paunakte 12:6

Mihing seksolte ii kammalte in mihing thatlum thei a, ahihang a thutangte ii kammalte in tawnna a thuakte suatak hi.

Paunakte 24:15

Mihing thumaan khat suttol tu a tum, ahibuale a inn a laaksak nuam mihing seksol pa bang hi heak vun.

Paunakte 29:24

Nguta khat ii kipawl puipa sia a ngal ci phabel ahi hi. Thukhenzum sungah thumaan a son le nguta pa daan kipia tu a, tuabang a son buale Pathian in nguta pa haamsiat tu hi.

Paunakte 30:14

A zawngte le a kitaangsamhte tung pan ngitlo vai taw a nga thei zaza uh a duup mihing om hi; tuabangin amate nuntakna a zong uh mihing om hi.

Jeremiah 11:19

Thalup tu a, a kipaipui a tote a muang tuuno khat bang ka hi a, amate ii a sia hong sawmnate ahi hunlam ka he bua hi. “Thingkung a nga thiam laitakin phuktan tawng; ama sia kuama ii a phaw nawn ngawl natu in thatlum tawng,” amate in ci uh hi.

Jeremiah 5:26

“Mi ngilote ka mite ii sungah teang uh hi; Amate in ngeen taw vacim thaang a sia mite bangin mihingte man tu in thaangsia uh hi.

Micah 7:2

Ngam sungah thumaan mihing khat zongh taang ngawl a, Pathian tungah kuama thumaan ngawl hi. A kuama po in ngual a thalup thei natu hunpha ngak hi. A kuama po in a mipuite savai bangin vai hi.

John 15:25

Ahizong, amate Thukham sungah, ‘Amate in thu om ngawlpi in, kei hong ensan hi,’ ci in a ki at sia, a taangtun natu hi bang teng a pian kul hi.

Sawltakte 23:15

Tuaciang, tu in, noma le Council te in, Paul ii thu a maanzaw a kan nuam bangin, nong kiheang tu uh a, Rome ngalkap hon ukpa munah Paul hong paipui suk natu in na son tu uh hi. Ahihang hisung hong thet suk ma in, ama thatlum tu in ka kingingkhol tu uh hi,” ci uh hi.

Sawltakte 25:3

Paul sia Jerusalem ah a paisak natu ngen uh hi, banghang ziam cile amate in, lampi ah suamlup sawm uh hi.