Paunakte 1:1 - Syin Chin Bible

¹ Israel kumpipa David tapa Solomon ii paunakte ahi hi.

Paunakte 1:1 Iomraidhean Croise

1 Kumpite 2:12

Solomon in a pa David ii kumpi za lua a, ama ii kumpi vaangletna kip hi.

1 Kumpite 5:12

Topa in a kamciam lenin Solomon sia ciimna pia hi. Hiram le Solomon kilaklaw ah kilemna om hi, tuaciang amate ngeal sia khat le khat kihu natu thukimna lai kho khat vawt hi.

1 Khangtaanghthu 22:9

Ahitazong ama in kamciam khat hong pia hi. Ama in, ‘Tapa khat na nei tu a tua na tapa in kilemna taw ngam uk tu hi, banghang ziam cile a ngalte theampo taw ngal kilemna ama ka pia tu hi. Ama min sia Solomon hi tu hi, banghang ziam cile ama kumpi maan hun sung tengin Israel ngam sungah kilemna le ngammuanna ka pia tu hi.

1 Khangtaanghthu 28:5

Ama in tapa tam hong pia a tuate theampo sung pan Topa ii kumpi ngam Israel uk tu in Solomon teal hi.

1 Khangtaanghthu 29:23

Tuabangin Topa ii kipsak kumpi tokhum tungah a pa David za laih in Solomon to hi. Ama in a cialcing kumpipa khat hi a, Israel minam bup in a thu ni uh hi.

1 Khangtaanghthu 29:28

Ama hau in kizakta a, a khan haam mama zawkciang thi in, a tapa Solomon in a kumpiza laih hi.

Paunakte 10:1

Hite sia Solomon ii paunakte ahi hi: Tapa ciim in a pa angtangsak a; a mawmaw sia in a nu khuangaisak hi.

Paunakte 22:21

tuaciang tuate in thumaan thutak sia bang tatak ziam ci in hong hil tu hi. Tua zawkciang tuate a zong tu in hong kipaisak ciang a maan thu nong ciapui tu hi.

Paunakte 25:1

Judah Kumpipa Hezekiah kumpi zum sung pan ettee in a ki at kik Solomon paunakte om thua lai hi.

Thuhilsya 1:1

Hite sia David ii tapa Jerusalem kumpipa ahi Thuthuk ngaisunpa ii kammalte ahi hi.

Thuhilsya 12:9

Thuthuk Ngaisunpa sia ciim ahikom ama in a heak thute mihingte tungah hil hi. Ama in paunakte encian a, tuate a maanna sittel hi.

John 16:25

“Sonteena kammalte zangh in, hi thute kong son zo hi. Ahihang sonteena kammalte zangh ngawlin, Pa ii thu thiang takin kong son tu hun hong theng tu hi.