Nehemiah 7:2 - Syin Chin Bible

² Jerusalem khuapi a uk tu in mihing nii ka koi a, ka suapuipa Hanani le kulhpi a uk ngalkapmangpa Hananiah ahi hi. Hananiah sia a muanhuai le Pathian a kiita khat hi a, kuama taw kibang ngawl hi.

Nehemiah 7:2 Iomraidhean Croise

Pianciilna 42:18

A ni thum ni in Joseph in amate tungah, “Keima in Pathian kiita mihing khat ka hi a, thu khat hangin na nuntakna uh kong khoaikhe tu hi.

2 Samuel 23:3

Israel ii Pathian pau zo hi; Israel a dal pa in kei tungah hong ci hi: “Thutang khenna taw a uk kumpipa, Pathian thu ni in a uk pa sia,

1 Kumpite 18:12

Ka pai po ciang Pathian ii thaa in nang sia heak ngeingawlna mundang khat pawpo ah hong tua luilam le bang law tu khi ziam? Tuasia ciang Ahab munah nang hi sungah om hi ka ci ciang, ama in hong mu zo buale kei hong thatlum tu hi. Ka no ciang a thu um, Topa a biapa ka hi hunlam sia ciamtee in.

1 Kumpite 18:3

tua ahikom Ahab in kumpi inn a uk pa Obadiah sam hi. (Obadiah sia Topa a bia thu um khat hi a,

Nehemiah 1:2

Ka suapui khat ahi, Hanani sia midang pawlkhat taw Judah pan hong theng a, amate tungah Jerusalem khuapi thu le Babylon saltanna pan a cia kik Jew mipuite thu ka dongh hi.

Nehemiah 13:13

Vanh kholna inndoite uk tu in, a nuai a teng: thiampi Shelemiah; thukham a he mipil Zadok; le Levi mi Pedaiah ka koi hi. Mattaniah ii tupa, Zaccur ii tapa ahi Hanan in amate hu tu hi. Hi mite in a naseppuite tungah thumaanna taw an hawm tu in a muanhuai mite ahi sia ka he hi.

Nehemiah 2:8

Kumpi thingtaamte a keam pa Asaph tungah Biakinnpi cinna kulh kongpite, khuapi luphungte le ka teen natu ka innthingte atu in thing hong piak natu zongh lai hong thaaksak natu ka ngen hi. Pathian in kei hong ompui ahikom ka nget theampo kumpilianpa in hong pia hi.

Nehemiah 5:15

Ka mai ah ngamukmang a seam peuma mipite ii vanhngit hi a, ni simin a an tu le a sapittui tu in ngunn dangkatang 40 veu ngen uh hi. A naseamte ngawngawn in mipite nengcip hi. Ahizong keima in Pathian zakta ka hikom tuabangin ka ngamta bua hi.

Nehemiah 7:3

Amate tungah, Jerusalem kongpite zingsang nisua zawk mateng a kihon ngawl natu le nitum ciang kongcingte a cia ma in kongpi a kha natu in ka sawl hi. Amate tungah Jerusalem ah a teang mite sung pan khuapi cingte panmun pia a, pawlkhat sia a kisamh na munte ah, a dangte sia amate innhuang tek a cing tu in a koi natu zongh ka vaitha hi.

Job 1:1

Uz ngam ah a teang Job kici mi khat om a, ama in Pathian bia in, ama ii tungah thumaan hi. Ama mihing pha khat hi a, siatna peuma a vawt ngawl natu in kidawm hi.

Psalm Late 101:6

Pathian tungah a thumaante sia ka thukim tu a amate sia ka kumpi inn sungah ka teangsak tu hi. A thumaan a citakte sia keima na ka seamsak thei tu hi.

Pusuana 18:21

Tua banah mipil mithiam pawlkhat tealin a, mihingte lampui tu in koi in: tuate sia mihing a tul, a za, a sawmnga le a sawm sim te ii lampuite hi tu hi. Amate sia Pathian a kiita mihing muanhuai le sumnguk ne thei ngawlte ahi kul tu hi.

Daniel 6:4

Tuasia ciang nasep uk dangte le ngamkhen uk tengin Daniel ii kumpi ngamlian uk nasepna encik a, a khialna zon tu hanciam uh hi. Ahihang Daniel sia muanhuai a, a thumaan le a citak khat ahikom amate in a khialna, a thumaan ngawlna mu zo ngawl uh hi.

Mi Simna 12:7

Ka naseampa Moses taw ka kipaupui ciang sia a tuamdang khat ahi hi; Israel ka mite theampo ama in ka uksak hi.

Matthew 24:45

“Thumaan a, a ciim naseampa sia akua bangte ziam? Ama sia naseam dangte a uk tu le a hun a hun in an a pia tu in a kikoipa ahi hi.

Matthew 25:21

‘Pha hi, a thumaan naseam pha pa awng, tawmno na zeakna tungah thumaan na hikom, tampi zeakna ah a uk tu in kong koi tu hi. Kei taw lungdam khawm tu in hong pai ta'n!’ ci hi.

1 Corinth te 4:2

Tuabang naseam khat ii a taangsap thu sia a topa tungah a thumaan tu bek ahi hi.

2 Timothy 2:2

Tetti tam mamate ii mai ah ka thansak hilnate la in, ngualdang a hil sawn thei tu a muanhuaite tungah aap in.