Biblia Todo Logo
Bìoball air-loidhne

- Sanasan -




Nehemiah 7:1 - Syin Chin Bible

1 Tu in luphung cian kik kiman zo a, kongpite kibul siatin biakinn cingte, a thiangtho biakna lasa pawlte le a dang Levi te a nasep tek kihawmsak zo hi.

Faic an caibideil Dèan lethbhreac




Nehemiah 7:1
12 Iomraidhean Croise  

Tua ahikom amate sia Syria te ngiaphual nusia in Samaria ah heak kik a, kongpi cingte oksan in, “Ko teng Syria te ngiaphual ah ka pai uh le kuama mu ngawlin, a pau a haam zongh za ngawl khu hi; a siphute le a laate zongh a khau uh kisuut ngawl hi; tuaciang puanbukte zongh Syria te ii nusiat bang linlian in om hi,” ci uh hi.


Hezekiah kumpipa in thiampite le Levi te ii nasep kipawlna puuapha kik a, tuabangin mi simin vaipuak nei tek hi. Tuate in meihal biakpiaknate, kipawlkhop biakpiaknate, biakinn biakpiakna sungah kihelna, Biakinnpi sung mun tuatuam ah Pathian min pokna le Pathian tungah lungdamkonate ahi hi.


Tuabangin Jerusalem Biakinnpi sak natu munah amate a ciakik kum, a tha nii tha in nasep kipan uh hi. Zerubbabel, Joshua le a taanglai ngamsung a mipuite, thiampite le Levi mite, a tatakin saltanna pan Jerusalem ah a cia kikte theampo in sep pui tek hi. Kum kul le a tungsia Levi te theampo Biakinnpi sak kikna ah nasep ki uksak hi.


Israel mite le Levi te in a kipia an, sapittui le olive thaute Biakinnpi vanhzakte kepna vanh kholna inndoite le thiampite nasepna mun, biakinn cingte le biakinn music thiamte omna inndoite ah tua tu uh hi. Eite in ih Pathian innpi ih ngaingon buatu hi.


A dang khua te le khuapi te sungah Israel mite, thiampite, Levi te, biakinn naseamte le Solomon naseamte ii suan le paalte sia amate khua tek, amate leitang tung tek ah teang uh hi. Judah ngam Jerusalem khua sungah a teang lampuite min tepteena a nuai a bang ahi hi: Uzziah ii tapa le Zechariah ii tupa Athaiah. A taanghpupi dangte sungah Amariah, Shephatiah le Mahalalel kihel a, Judah ii tapa Perez ii suan le paalte veu hi.


Hashabiah, Sherebiah, Jeshua, Binnui le Kadmiel te sawlna taw Levi te a pawl a pawl veu sua hi. Pathian mi David kumpipa thupiakna taw kizui in, pawl nii veu in kilaih in Pathian pok a, lungdamko uh hi.


Kongpi lam ah kongpite bulh ngawl lai ka hi uh hang, luphung cian ka man zawkna uh thu le a hawngvang mun a om nawn ngawlna thu Sanballat, Tobiah, Geshem le ka ngal dangte in za uh hi.


Ni 52 a kisep zawkciang Elul tha ni 25 ni in luphung bup kiman thiang hi.


Mite in ka mai ah Tobiah ii na pha a sep theampo son in, ka ci theampo zongh ama tungah son siat uh hi. Tuaciang ama in kei lau natu hanciam a, lai hong thaak tawntung hi.


Lean sinn:

Sanasan


Sanasan