Nehemiah 4:2 - Syin Chin Bible

² A lawmte le Samaria ngalkapte mai ah ama in, “Hi a huathuai Jew te in bang teng vawt kisa ziam? Khuapi puua kik nuam ziam? Sangaw biakpiaknate piakna taw ni khat sungin nasep zo thei tu in kingaisun ziam? Uksuang tawng kaanghmong teng taw inn sak natu suang vawt thei tu ki um ziam?” ci hi.

Nehemiah 4:2 Iomraidhean Croise

Ezra 4:4

Tuaciang tua ngam sungah a teang mite in a sak ngawl natu in Jew te thinkiam sakin lauthawn tu hanciam uh hi.

Nehemiah 12:27

Jerusalem khuapi luphung a ki aap ciang, daakbute le tengtonghte tumin lungdamkona late taw a ki aapna poai ah a kihel thei natu in Levi te sia a teenna tek pan kikaikhawm hi.

Nehemiah 12:43

Tua ni in sangaw biakpiakna tam mama kipia a, mipite lungdamna taw kidim uh hi, banghang ziam cile Pathian in amate lungdamsak mama hi. Numeite le patangte tua poai ah kihel in, amate ii awngingte a khualana pan kiza kawkoai thei hi.

Nehemiah 4:10

Tuaciang amate in Judah mite ii a nei la khat sia sa uh hi: “Eite vanhngit pua in nasep ngimin ih tha kiam a; Uksuang tawng tua tu tam mama hi. Tuni in bangbang luphung ciang zo tu hi ziam?”

Nehemiah 6:15

Ni 52 a kisep zawkciang Elul tha ni 25 ni in luphung bup kiman thiang hi.

Psalm Late 83:4

Amate in, “Hong pai tavun, amate ngam sutham tawng, tua hile Israel te sia a tawntungin kimangil tu hi,” ci uh hi.

Jeremiah 26:18

“Hezekiah sia Judah kumpi ahi lai in, Moresheth khua mi kamsaang Micah in mi theampo tungah Vaanglianbelpa Topa in hi bangin, ci hi, ‘Zion sia lo khat bangin kitho tu hi; Jerusalem sia ninthuk suak tu a, Biakinnpi dinna mual sia dui suak tu hi.’

Jeremiah 33:24

“Ka tealsa innkuan nii, Israel le Judah te sia keima in niil zo hi ci a mihingte ii a son na phawk ziam? Tua ahikom amate in ka mite nomu a minam khat in ngaisun nawn ngawl uh hi.

Daniel 9:25

Hi thu ciamtee in tel in: Jerusalem a kipua kik natu thupiakna a om hun pan kipan Pathian ii teal lampui pa hong thet dong kum sali mun salivei hun ngei tu hi. Jerusalem sia a lampite le a kidalna kulh khote taw kivawt kik tu a, kum sawmluk le kum nii ii a salivei kumte dong kho tu a, ahihang hi hun sia buaina hun hi tu hi.

Habakkuk 3:2

Topa awng, na sep na vawtte ka za zo a, zakta in lamdang ka sa mama hi. Tu in ko hun sung zongh ah nasep lianpi na sep ngeite hong seam kik ta'n. Na thin uuk ciang zong hesuakna hong nei ta'n.

Zechariah 12:8

Tua hun ciang Topa in Jerusalem a teangte dal tu a, amate sungah a thazawm belte ngawngawn David bangin hat tu uh hi. David suan le paalte in Topa ii vantunglalang bang ahizong Pathian mama bang ahizong amate lampui tu uh hi.

1 Corinth te 1:27

Pathian in mihing ciimte maizumsak natu in, leitung mite ii lui thawthong a sakte teal a, mihing thahatte a maizumsak natu in, leitung mite ii thazawm a sakte teal luih hi.