Nehemiah 3:4 - Syin Chin Bible

⁴ Uriah ii tapa, Hakkoz ii tupa ahi Meremoth in a khen zom sia, ciang hi. Berechiah ii tapa, Meshezabel ii tupa ahi Meshullam in a khen zom sia, ciang hi. Baana ii tapa Zadok in a khen zom sia, ciang hi.

Nehemiah 3:4 Iomraidhean Croise

Ezra 2:61

A nuai a thiampi bee le phungte in a pianna khang ngui a lak tepteena sia mu zo ngawl uh hi: Habaiah, Hakkoz, le Barzillai ahi hi. (Barzillai thiampi bee le phung pianna taanghpupi in Gilead ngam Barzillai bee le phung pan numei khat teenpui a, a sunghpa ii bee le phung min la hi). A taanghpupite sia a kuate ci lak thei ngawl ahikom amate sia thiampi tu in kisaang ngawl hi.

Ezra 8:33

Tua zawk ni li ni in Biakinnpi ah pai in tua ngunn, khamh le vanh zakte toai ka tee zawkciang in Uriah ii tapa thiampi Meremoth tungah ka aap uh hi. Ama taw in Phinehas ii tapa Eleazar le Levi te nii ahi, Jeshua ii tapa Jozabad le Binnui ii tapa Noadiah zong om uh hi.

Nehemiah 3:21

Uriah ii tapa, Hakkoz ii tupa ahi Meremoth in Eliashib inn mong dong a khen zom sia, ciang hi.

Nehemiah 3:3

Hassenaah ii bee le phung in Ngasa Kongpi vawt hi. Amate in a zawlte thung a kongpite bulh in, kongpi kha natu in a kalhnate le a zawlte thua uh hi.

Nehemiah 3:30

Shelemiah ii tapa Hananiah le Zalaph ii tapa lukna Hanun in a khen zom sia a nii veina in ciang hi. Berechiah ii tapa Meshullam in a inn mai ah a khen zom sia, ciang hi.

Nehemiah 3:5

Tekoa mite in a khen zom sia ciang ahihang, khua sung lampuite in nasep ukte ii amate sep tu a, a see nasepte nial uh hi.

Nehemiah 6:18

Tobiah ii sunghpa sia Jew mi Arah ii tapa Shecaniah a hi hu in Judah ngamsung mi tam mama ama sangah pang uh hi. Tua banah a tapa Jehohanan in Berechiah ii tapa Meshullam ii tanu teenpui hi.

Nehemiah 7:63

A taanghpupite ii khangngui tepteena lai a lak tu a mu zo ngawl thiampi bee le phungte sia a nuai a teng hi: Hobaiah, Hakkoz le Barzillai te hi. (Barzillai thiampi bee le phung ii taanghpupi in Gilead mi Barzillai bee le phung numei khat teenpui a, a sunghpa min la ahikom Barzillai bee le phung kici hi.) A taanghpupite pianna lak thei ngawl ahikom amate thiampi in kisaang ngawl hi.