Nehemiah 3:1 - Syin Chin Bible

¹ Khuapi ii luphung sia hi bangin kiciang kik hi. Thiampi Lianbel Eliashib le a thiampipuite in Tuu Kongpi vawt kik a, aapin, tuaciang kongpite a omna mun tek ah koi uh hi. Amate in luphung sia Zakhat Tausaang le Hananel Tausaang dongin aap uh hi.

Nehemiah 3:1 Iomraidhean Croise

Nehemiah 12:10

Joshua sia Joiakim ii pa hi a; Joiakim sia Eliashib ii pa hi; Eliashib sia Joiada ii pa hi;

Nehemiah 12:30

Thiampite le Levi te in amate, mipite, kongpite le khuapi luphung atu in a zeksa thiansuana seam hi.

Nehemiah 12:39

tua mun pan Ephraim Kongpi, Jeshanah Kongpi, Ngasa Kongpi, Hananel Tausaang le Zakhat Tausaang te kaantan in Tuu Kongpi ah ka pai uh a, Biakinnpi kongpi hui ah ka tawp uh hi.

Nehemiah 13:28

Joiada sia Thiampi Lianbel Eliashib ii tapa hi a, ahizong Joiada ii tapate khat in Beth Horon khua pan Sanballat ii tanu teenpui ahikom Jerusalem pan Joiada ka hawlkhia hi.

Nehemiah 13:4

Biakinn vanh kholna inndoite a uk thiampi Eliashib sia Tobiah taw khuangei hialma a thu kisi in om uh hi.

Nehemiah 3:20

Zabbai ii tapa Baruch in Thiampi Lianbel Eliashib inn kongbiang dong a khen zom sia, ciang hi;

Nehemiah 3:21

Uriah ii tapa, Hakkoz ii tupa ahi Meremoth in Eliashib inn mong dong a khen zom sia, ciang hi.

Nehemiah 3:32

Khamh seakte le sumzuakte in a king a om inndoi sia pan Tuu Kongpi dong a khen khakbel luphung sia, ciang uh hi.

Nehemiah 6:1

Kongpi lam ah kongpite bulh ngawl lai ka hi uh hang, luphung cian ka man zawkna uh thu le a hawngvang mun a om nawn ngawlna thu Sanballat, Tobiah, Geshem le ka ngal dangte in za uh hi.

Nehemiah 7:1

Tu in luphung cian kik kiman zo a, kongpite kibul siatin biakinn cingte, a thiangtho biakna lasa pawlte le a dang Levi te a nasep tek kihawmsak zo hi.

Psalm Late 30:1

Topa awng, Nangma in kei hong hun zo na hikom, Nang kong pok hi, tuaciang kei tungah ka ngalte in nong enthawsak bua hi.

Psalm Late 48:12

Pathian mite awng, Zion kiimkot ah pai vun a, ngalvilna tausaangte a phakza sim vun;

Paunakte 3:6

Na sep na vawt theampo sungah Topa phawk in, tua hile ama in a maan lampi hong lak tu hi.

Paunakte 3:9

Leitang tung pan a piang theampo sung pan a phabel sia piakna taw Topa patoai in.

Jeremiah 31:38

Topa in, “Hananel Tausaang panin nitumna sang Kiing Kongpi dong Jerusalem khua buppi sia keima ii khuapi in a kisak kik tu hun hong theng tu hi.

Daniel 9:25

Hi thu ciamtee in tel in: Jerusalem a kipua kik natu thupiakna a om hun pan kipan Pathian ii teal lampui pa hong thet dong kum sali mun salivei hun ngei tu hi. Jerusalem sia a lampite le a kidalna kulh khote taw kivawt kik tu a, kum sawmluk le kum nii ii a salivei kumte dong kho tu a, ahihang hi hun sia buaina hun hi tu hi.

Zechariah 14:10

Saksang Geba panin thangsang Rimmon dong ngamkuam buppi leitam kisua tu hi. Jerusalem sia kiim le paamte sangin saangzaw tu hi; khuapi in Benjamin kongpi pan nidang kongpi omna ngei Kiing Kongpi dong, tuaciang Hananel Tausaang pan kumpite sapittui suuknate dongin kithung tu hi.

John 5:2

Jerusalem Tuu Kongpi hui ah, talaap nga taw kithua tuicing khat om hi; tua mun sia Hebrew kam in Bethzatha kici hi.

Thuhil kikna 20:5

“Tuasia ciang ngalkap bute in a mite tungah, ‘Hi sungah inn thak a sak zawk bek hi a, aapna a vawt ngawl lai khat pawpo a om ziam? A om le a inn ah cia kik tahen. Tua hi ngawlin ngal sungah ama a kithat le a inn sia mi dang khat pawpo in aapna vawt tu hi.