Nehemiah 1:7 - Syin Chin Bible

⁷ Seksol ngamtatna taw nang kong langpan zo uh a, nong thupiakte ka zui bua uh hi. Na naseampa Moses tungtawnin nong piak thukhamte ka zui bua uh hi.

Nehemiah 1:7 Iomraidhean Croise

1 Kumpite 2:3

tuaciang Topa na Pathian ii vawt a hong sawl teng vawt in. A thukhamte le a thupiakna te a vekpi in Moses ii thukham sungah a ki at babang zui in, tua hile na paina po, na sepna pawpo ah na nuamsa thei tu hi.

2 Khangtaanghthu 25:4

Ahihang ama in Moses Thukham sungah Topa thupiak bang zui in tua ulian te ii tate that ngawl hi, Moses Thukham sungah: “A tate ii khialna liante hangin a nu le a pa kithat ngawl tu a, a nu le a pa khialna liante hangin a tate kithat ngawl tu hi; mihing khat sia ama mama ii vawt khialna lian hang bekin kithisak tu hi,” ci in om hi.

2 Khangtaanghthu 27:2

Ama in a pa ngamtat bangin, Topa ii dik a sak te seam hi; ahihang a pa bang hi ngawlin Biakinnpi sungah ngimnamtui halin maw ngawl hi. A mite ahile mawna vawt veve uh hi.

Ezra 7:6

Ezra sia lai thiam mipil khat hi a, Topa, Israel te ii Pathian ii Moses tungah a piak Thukham teng he sitset hi. Ezra in Topa a Pathian thupha nga ahikom, a nget theampo kumpilianpa in pia hi. Artaxerxes ii kumpi maan hun a kum sali kumin Ezra sia thiampite, Levi te, biakinn music thiamte, biakinn cingte le naseamte a kihel Israel te honkhat taw Babylon pan Jerusalem zuan hi.

Psalm Late 106:6

Ka taanghpupite ii maw bangma in ko zongh ka maw zo uh hi; kote in seksolin ka ngilo uh hi.

Psalm Late 89:31

amate in ka hilnate a melsia a, ka thupiakte a len bua ahile,

Psalm Late 89:32

amate mawnate huvau in daan ka pia tu hi; amate khialnate huvau in ka thuaksak tu hi.

Isaiah 1:4

No a khial a maw minam, siatna vawtin a seksol mihingte a lal tu hi zo nu hi! Na mawnate in note hong kaisuk hi! Israel te ii a thiangtho Pathian, Topa nialin na nungngat zo uh hi.

Daniel 9:11

Israel mite theampo in na thukhamte paltan in na son thute ngai nuam ngawl uh hi. Nang tungah kong maw uh hi, tua hu in na naseampa Moses ii thukham sungah a ki at haamsiatnate ko tungah nong tungsak hi.

Daniel 9:13

Moses thukham sungah a kison daan theampo nong thuaksak hi. Oh Topa kote Pathian awng, ahihang tu ngawngawn zongin ka mawna ka khialna te kisiik in, ahibuale na thumaan thutak zuina taw nang hong lungdamsak tu in, ka hanciam bua uh hi. Oh

Hosea 9:9

Gibeah ah a ngamtat bangin a sep a vawtna ah amate siat tawpin sia hi. Pathian in a mawna ciamtee tu a, tua hu in amate daan pia tu hi.

Thiampite 27:34

Hite Israel mite atu in Sinai Mual tungah Topa ii Moses tungah a thupiakte ahi hi.

Zephaniah 3:7

Ka ngaisutna ah tuasia ciang ka mite in kei hong thasia tu a, tuaciang ka tek nate hong saang tu hi, ka hilnate mangil ngeingawl tu hi ci in ka tuat hi. Ahihang hai ngawlin a ngamtat siat ngei ma in, a sia ngamta veve uh hi.

Malachi 4:4

“Israel mite theampo zui tu in, Sinai Mual tungah ka naseampa Moses ka piak thukhamte le thupiaknate, tuaciang hilciannate ciamtee tavun.

Thuhil kikna 4:1

Tuaciang Moses in mipite tungah, “Kong hil thukham theampo zui vun, tua hile na nungta tu uh a, Topa na taanghpupite ii Pathian ii note hong piak tu ngam na la tu uh hi.

Thuhil kikna 4:5

“Topa ka Pathian hong sawl bangin thukham theampo note kong hil zo hi. Na sim tu uh le na laak tu uh ngam ah hi thute zui vun.

Thuhil kikna 5:1

Moses in Israel mite theampo samin amate tungah, “Israel mite awng, tuni in kong piak thukham theampo ngai vun. Sin vun a, pha tak zui vun.

Thuhil kikna 6:1

“Hi thukham theampo note kong hil tu in Topa na Pathian in thu hong pia hi. Note tumin na laak tu uh ngam sungah tua teng zui tavun.

Thupualaakna 19:2

Ama ii thukhennate sia maanin tang hi! Ama in a paktatna taw leitung a lalsak pumpi zuaknu sia nilkeak zo hi. Pathian in ama daan pia hi, banghang ziam cile ama in Pathian naseamte thatlum hi,” ci uh hi.