Nehemiah 1:6 - Syin Chin Bible

⁶ Topa awng, hong en ta'n a, Israel mi na naseamte atu a sun a zanin ka thungetna hong ngai ta'n. Koma Israel mite mawna khialna teng hong pualaak khi hi. Ka taanghpupite le keima ka maw zo uh hi.

Nehemiah 1:6 Iomraidhean Croise

1 Kumpite 8:30

Kei ii thungetna le na mite ii hi mun maingat in thu hong nget ciang hong za ta'n. Vantung na inn sung panin hong za ta'n a, kote hong maisak ta'n.

1 Kumpite 8:47

na mite ii thungetna ngai in. Tua ngam pan amate kisik kikin na tungah a seksolna le a mawna pualaak in thu hong ngen le, amate thungetna na ngai in, Oh Topa awng.

2 Khangtaanghthu 28:10

Tu in Jerusalem le Judah ngam panin numei pasalte noma sila na suaksak nuam uh hi. Topa na Pathian tungah zongh mawna khialna na vawt uh hunlam kihe ngawl nu ziam?.

2 Khangtaanghthu 29:6

Ih taanghpupite in Topa ih Pathian tungah thumaan ngawl a, Topa diksak ngawlte vawt uh hi. Amate in Topa nusia in ama teenna mun nungngat uh hi.

2 Khangtaanghthu 6:40

“Oh ka Pathian awng, tu in kote hong en ta'n a, hi mun pan kong thungetnate hong ngai ta'n.

Ezra 10:1

Biakinnpi mai ah Ezra kapin hi mawna khialnate pualaakin kunin a thunget laitak a kiim ah Israel te — pasalte, nupite le patangte — kikhawm a, nasia takin kap uh hi.

Ezra 10:11

Tua ahiciang tu in na taanghpupite ii Pathian, Topa tungah na mawnate pualaak vun a, ama diksak bangin ngamta vun. Ih ngam sungah a teang ngamdangmite kung pan a tuamin om vun a, na ngamdang zite taw kikhen vun,” ci hi.

Nehemiah 1:11

Tu in ka thungetna le nangma hong patoai nuam na naseam dangte theampo ii thungetnate hong ngai ta'n. Tuni in taangtutna hong pia ta'n a, kumpilianpa in hong hesuaksak ta'n.” Tua hun lai in keima in kumpilianpa sapittui a pia pa ka hi hi.

Psalm Late 102:17

A kitaisan sa a mite thungetna ama in ngai tu a, za tu hi.

Psalm Late 106:6

Ka taanghpupite ii maw bangma in ko zongh ka maw zo uh hi; kote in seksolin ka ngilo uh hi.

Psalm Late 130:2

Topa awng, ka auna hong za ta'n; hu ngen a kong sapna hong ngai ta'n!

Psalm Late 32:5

Tuasia ciangin nang tungah ka mawnate kong pualaak a, ka tatkhialnate ka seal bua hi. Tuate nang tungah pualaak tu in ka khensat hi, tuaciang nangma in ka mawnate theampo nong maisak hi.

Psalm Late 34:15

Topa in thutangte encing a, amate aunate ngai hi;

Psalm Late 55:17

Zingsang, sun le zan in ka thuumnate le ka taunate ama kungah paito a, tua ahikom ama in ka aw hong za tu hi.

Psalm Late 88:1

Topa Pathian ka ngumpa awng, nitangtumin au a hu kong ngen hi, tuaciangin zanin na mai ah kong pai hi.

Isaiah 6:5

Keima in, “Kei atu bangma lam et om ngawl hi! Kei a lal hi ing, banghang ziam cile ka muk pan a pusuak kammal sim sia mawna veu hi a, a kampau sim mawna veu ahi mite sungah ka teang hi. Tuabang teng ahitazong, Kumpipa, Vaanglianbelpa Topa sia ka mittang vateak taw ma in ka mu zo hi,” ka ci hi.

Kaa late 5:7

Koma taanghpupite mawna hi a; ahihang tu in amate om nawn ngawl hi, amate mawna hu in kote in ngimna ka thuak uh hi.

Daniel 9:15

Oh “Topa kote Pathian awng, na mite Egypt ngam pan nong paipuina taw in na vaangletna nong lak a, na vaangletna kiciamtee lai hi. Ka maw zo uh hi; khialna ka vawt zo uh hi.

Daniel 9:20

Keima mawna khialna le Israel ka mite ii mawna khialna pualaak in thu ka ngen tan a, Topa ka Pathian tungah a Biakinnpi thiangtho a ngeina bangin a pua kik natu tatsat ngawlin hesuak ka ngen hi.

Daniel 9:4

Topa ka Pathian tungah thungen in ka mite ii mawna khialnate ka pualaak hi. Keima in, “Topa Pathian awng, nang na lian a kong zakta uh hi. Na thuciamna tungah na thumaan a, nang hong it te le na thupiakna bang a seamte a tawntungin na it hi.

Daniel 9:5

“Kote khialna ka vawt zo uh a, ngilo in ka maw zo uh hi. Sep tu in nong thupiakte kong nial uh a, a maan nong lakna pan ka pial zo uh hi.

Daniel 9:8

Kote kumpite, hong ukte le taanghpupite in a maizumhuai in ngamta uh a, Topa nang tungah hong maw zo uh hi.

Luke 18:7

Tua ahile Pathian in ama ii mihingte, sun taw zan taw hu ngen in a au te ii phat tuam natu in thukhensak ngawl tu ziam? Amate a hu tu sia a haisaang tu ziam?

Ephesus te 2:3

A tatakin eite zongh, amate bang ih hi ngei a, ih pianpui lungngulnate taw ih nungta zo hi, ih pumpi le ih thinsung taw a kisi bangin ih seam ih vawt hi. Ih pianlim in ngualdang bangma in, Pathian thin uukna thuak tu in, a kiciangtan sa ih hi hi.

1 Timothy 5:5

Ama nguak om a, kuama ama a en tu a nei ngawl meingong khat in, a lametna sia Pathian tungah koi a, sun taw zan taw ama ii hu natu in thungen hi.

2 Timothy 1:3

Ka taanghpupite ii sep bangin thinsung thiangtho taw a na ka sepsak Pathian tungah lungdam ka ko hi. Sun taw zan taw ka thungetna sungah nang kong phawk a, ama tungah lungdam ka ko hi.

1 John 1:9

Ahihang ih mawnate Pathian tungah ih pualaak le ama in a kamciamte keam tu a, tuaciang a maan sia seam hi: ama in ih mawnate hong maisak tu a, ih ngamtat khialna theampo pan hong thiansua tu hi.

1 Samuel 15:11

“Saul sia kumpipa in ka koi sia khuangai khi hi; ama in kei hong nusia a, tuaciang ka thupiakna hong ni ngawl hi,” ci hi. Samuel thin uuk a, zan khua in Topa tungah pakaai hi.