Nehemiah 1:5 - Syin Chin Bible

⁵ “Vantung ah a mang Topa Pathian awng! Nang na lian a, nangma kiita in ka om uh hi. Nangma hong itte le na thupiak a zuite tungah na thuciamna thumaan takin na len hi.

Nehemiah 1:5 Iomraidhean Croise

1 Kumpite 8:23

thu ngen hi, “Israel ii Topa Pathian awng, a tungsang vantung ah ahizong, a nuaisang lei tungah ahizong nang taw a kibang pathian om ngawl hi! Na mite taw na thuciamna na kholet a, amate in thin theampo taw na thu hong ni in a nuntak ciangin na itna na lak hi.

1 Khangtaanghthu 17:21

Nangma aituam mite hong suak tu in sila pan na suatak Israel mite taw a kibang leitung ah minam dang om ngawl hi. Amate tungah a lamdang na liante na vawtna taw leitung bup ah na minthanna kizel hi. Egypt panin na mite suatak a, amate mailam a nawk ciang minam dangte na notkeak hi.

Ezra 1:2

“Hisia in Persia kumpilianpa Cyrus ii thupiakna ahi hi. Vantung Pathian, Topa in leitung bup uk tu in keima hong koi zo a, Judah ngam Jerusalem ah ama atu biakinn khat sa tu in vaipuak hong pia zo hi.

Nehemiah 2:4

Kumpilianpa in, “Na dei sia bang ziam?” ci in hong dongh hi. Vantung Pathian tungah thu ka nget zawkciang,

Nehemiah 4:14

Mite thinngimna ka mu ciang amate tung, a lampuite tung le uliante tungah, “Ih ngalte kiita heak vun. Topa bangza lian a bangza kiitakhuai ci sia phawk vun a, na ngammipuite atu, na tate atu, na zite atu le na bangkuate atu in ngalsim tavun,” ka ci hi.

Nehemiah 4:8

Tua ahiciang, amate kipawlin Jerusalem simin buaisak sawm uh hi,

Nehemiah 9:32

“Oh, Pathian, kote Pathian awng, bangzata lian ni ziam! Bangzata kiitakhuai a, bangzata na vaanglian ziam! Na thuciamte thumaan takin na len hi. Assyria kumpite ii kote hong nencip hun pan kipan, tu dong ciang ngawngawn bangzata ngimna thuak khu ziam! Koma ii kumpite, lampuite, thiampite le kamsaangte, taanghpupite le mite theampo in ngimna thuak uh hi. Bangzata ngim nga zo khu ziam hong phawk ta'n!

Psalm Late 47:2

Topa a Saangbel Pa sia kiitak tu ahi hi; Ama in leitung theampo a uk kumpilian pa ahi hi.

Psalm Late 76:8

Vantung panin na thukhenna na kitelsak hi; leitung ah a kinengcip theampo hut natu,

Psalm Late 89:2

Na itna in a tawntung atu in kikhomsuan tu ci in ka he a, na thumaanna in van bangin kip hi.

Psalm Late 89:3

Nangma in, “Ka teal mihing pa taw thuciamna khat ka vawt zo hi; ka naseampa David tungah kamciam ka pia zo a,

Psalm Late 89:8

Vaanglianbelpa Topa Pathian awng, nang za in kuama thahat ngawl hi; Topa awng na theampo ah nang na thumaan hi.

Pusuana 20:6

Ahizong kei hong it in, ka thukhamte a zuite ahile ka itna a khang tul tampite tungah ka lak tu hi.

Thuhil kikna 7:12

“Hi thupiakte ngai in, thumaan takin na zui uh le, na taanghpupite tungah a kamciam bangin Topa na Pathian in noma taw a thuciamna keam suak tu a, a itna kip hong lak tu hi.

Thuhil kikna 7:21

Tua ahiciang hi mite kiita heak vun. Topa na Pathian sia note taw omkhawm hi; ama sia a lian Pathian hi a, ih kiitak tu pa ahi hi.

Thuhil kikna 7:9

Topa na Pathian sia Pathian khat bek ahi hunlam le ama ii thumaanna phawk vun. Ama in a thuciam keamcing tu a, ama a itte le a thupiakte a zui mihingte khang tulkhat dongin a itna kip lak tu hi,