Nehemiah 1:4 - Syin Chin Bible

⁴ Hi thu teng ka zaak ciang to suk in ka kap hi. Ni tam mama khuangai in ka mau a an ka ne bua hi. Pathian tungah thu ka ngen a,

Nehemiah 1:4 Iomraidhean Croise

2 Samuel 12:16

David in a ta dam natu Pathian tungah thu ngen hi. Ama in bangma ne nuam ngawl a, zan simin ama ii inndoi sungah pai in suat tungah lum hi.

2 Kumpite 22:19

tuaciang Jerusalem le a mite daan piak tu ka tawn na te na zaak ciang kisiik kikin kiniamkhiakna taw ka mai ah na puansilh eaukeak in kap ni hi. Mit mu bek zongin a lauhuai mama na mun ka suaksak tu a, mihingte in tua mun ii min sia haamsiatna kammal in a zangh tu hi. Ahihang na thungetna hong za zo khi hi,

2 Khangtaanghthu 6:13

Solomon in dawtuam khat taau taw vawtin leitual laizang ah koi hi. Tua kingli nei dawtuam sia king khat metre 2.2 veu zai in, metre 1.3 saang hi. Ama in hi dawtuam tungah kaato in mi sim ii mu theina munah khupdin in a khutte vantung sangah laamto hi.)

Ezra 1:2

“Hisia in Persia kumpilianpa Cyrus ii thupiakna ahi hi. Vantung Pathian, Topa in leitung bup uk tu in keima hong koi zo a, Judah ngam Jerusalem ah ama atu biakinn khat sa tu in vaipuak hong pia zo hi.

Ezra 10:1

Biakinnpi mai ah Ezra kapin hi mawna khialnate pualaakin kunin a thunget laitak a kiim ah Israel te — pasalte, nupite le patangte — kikhawm a, nasia takin kap uh hi.

Ezra 9:3

Hi thu ka zaak ciang thinkiam in ka puan ka eaukeak a, ka sam le ka khamul bot in khuangai in ka to cip hi.

Ezra 9:5

Nitak sangaw biakpiak hun hong thet ciang khuangai in ka omna mun pan thoto in ka puan ek sil lai teng ma taw khupdin in ka khutte laamin Topa ka Pathian tungah thu ka ngen hi.

Nehemiah 2:20

Keima in, “Vantung Pathian in kote zawna hong pia tu hi. Kote ama naseamte hi a, nasep ka kipan tu uh hi. Ahizong note in Jerusalem ah neisa te taw kisai in thu na nei bua uh a, tuaciang a taanghthute sungah no kihelna uh om ngawl hi,” ci in ka zo hi.

Nehemiah 2:4

Kumpilianpa in, “Na dei sia bang ziam?” ci in hong dongh hi. Vantung Pathian tungah thu ka nget zawkciang,

Psalm Late 102:15

Minam tuatuamte in Topa kiita tu hi; leitung ah kumpite theampo in ama ii vaangletna kiita tu hi.

Psalm Late 136:26

Vantung a om Pathian tungah lungdamko vun, ama ii itna kip tawntung hi.

Psalm Late 137:1

Babylon ngunte hui ah ka to uh hi; tua munah Zion ka phawk uh ciangin ka kap uh hi.

Daniel 10:2

Tua hun laitakin keima in, nipi thum sung mau in ka om hi.

Daniel 2:18

Vantung Pathian in amate hesuak a, tua thu tumdang sia sonthiang thei in, Babylon ngamsung a kumpi thudok dangte taw a kithalup khop ngawl natu in, ama in a lawmte thungen tu in sawl hi.

Daniel 9:3

An ka tang a, khau-ip puan silhin vut sungah to in, Topa Pathian tungah hesuak ngenin nasia tak thu ka ngen hi.

Jonah 1:9

“Kei Hebrew mi khat khi hi,” ci in Jonah in zo hi. “Lei le tuipi a vawt, vantung Pathian, Topa ka bia hi,” ci hi.

Zephaniah 3:18

Mihingte poai khat sungah a lungdam bangma hi tu hi.” Topa in “Lal natu hong tawnnate ka vengsak zo hi; tuaciang na min daina teng kong laaksak zo hi.

Romete 12:15

A lungdamte taw na lungdam khawm vun a, a kapte taw na kap khawm vun.