Nehemiah 1:3 - Syin Chin Bible

³ Amate in, kei tungah a nungta lai teng a khua a tui a zot uh ciang haksatna lianpi a thuaknate le a kiim a paam a teang ngamdangmite ii a nomuna thu teng hong ko uh hi. Amate in Jerusalem luphungte a cimhtham in om lai a, kongpite a kihaltum pan kipan a kivawt kik ngawl laina thute zongh hong son uh hi.

Nehemiah 1:3 Iomraidhean Croise

1 Kumpite 9:7

tuasia ciang ka Israel mite sia ka piaksa ngam panin ka heam tu hi. Kei hong kibiak natu in ka koituam sa, hi Biakinnpi zongh ka nusia tu hi. Mun theampo pan mihingte in Israel sia nunau tu a, simmaw tu hi.

2 Kumpite 25:10

tuaciang ama ii ngalkapte in khuapi luphungte pheltham hi.

2 Khangtaanghthu 36:19

Ama in Biakinnpi le khuapi sia a kumpi innte le a nei a lam theampo taw haltum in khuapi uumna luphungte sutham hi.

Ezra 2:1

Saltaang tam mama te in Babylon nusia in Jerusalem le Judah ngam a khuapi tek ah ciakik uh hi. Nebuchadnezzar kumpipa in tualai ah thongtaak tu in a mat pan kipan amate a innkuan a innkuanin Babylon ngam ah saltaangin teang uh hi.

Ezra 5:8

“Nangma Kumpipa awng, kote Judah ngam sungah ka pai uh a, a lian Pathian ii Biakinnpi sia suangtum lian mamate taw kisa in, a pang zongh thing pangluaite a kithung in ka mu uh a, tua thu he lete kong oai uh hi. A nasep belcing mama a, ngaih vahuut uh hi.

Nehemiah 11:3

A dang khua te le khuapi te sungah Israel mite, thiampite, Levi te, biakinn naseamte le Solomon naseamte ii suan le paalte sia amate khua tek, amate leitang tung tek ah teang uh hi. Judah ngam Jerusalem khua sungah a teang lampuite min tepteena a nuai a bang ahi hi: Uzziah ii tapa le Zechariah ii tupa Athaiah. A taanghpupi dangte sungah Amariah, Shephatiah le Mahalalel kihel a, Judah ii tapa Perez ii suan le paalte veu hi.

Nehemiah 2:13

Zan lai ma in khuapi nusia in nitumna sang Kuam Kongpi tawnin thangsang Ngulpui Tuinaak kaantan in Ninthuk Kongpi ah ka pai hi. Ka pai kawmin khuapi luphung cimhthamte le mei ii kak kongpite ka en kawkoai hi.

Nehemiah 2:17

Ahizong tu in amate tungah, “Jerusalem lalcip in a kongpite kisusia ahikom ih ngim ngana teng en vun! Khuapi luphungte ciang kikin ih minsiatna teng bosak tawng,” ka ci hi.

Nehemiah 2:3

“Kumpipa awng, na khansau tahen! Ka taanghpupite a kiphumna khuapi laltham a, a kongpite kaanghtum siatin a om laitak bangbangin khuangai ngawlin om thei tu khi ziam?,” ci in ka zo hi.

Nehemiah 7:6

Saltaang tam mamate in Babylon ngam nusia in amate khuapi tek ahi, Jerusalem le Judah ah ciakik uh hi. A innkuanpuite sia Nebuchadnezzar kumpipa ii amate thongtaak tu a, a paipui pan kipan Babylon ah saltaangin teang uh hi.

Esther 1:1

Persia ngam khuapi Susa khua kumpi tokhum tung panin Xerxes kumpipa in India pan Ethiopia dong ngamke 127 uk hi.

Psalm Late 79:4

Kiimkot minamte in kote hong selno zazaan hi; amate in kote hong selno zazaan a hong nunau uh hi.

Paunakte 25:28

Na thin uukna na khaam zo buale luphung taw a ki uum ngawl, a kisim thei khuapi dongdai bangin na cimaw tu hi.

Isaiah 43:28

no hong ukte in ka inn thiangtho sia ninsak uh hi. Tua ahikom Israel tungah siatna kong thengsak hi; ka mite selnona ka thuaksak hi,” ci hi.

Isaiah 5:5

“Hi bangin ka sapithuan tungah ka vawt tu hi; a kiim uumna dalte ka lakeak tu a, a dalna ngawlte thiaktanin, ngamsate in ka nesak tu a, ka tuanhcilsak tu hi.

Jeremiah 24:9

Amate tungah tuabang tuasiatna ka thengsak tu a, leitung minamte theampo patau tu uh hi. Mite in amate sia ciammuina lelin nei a, nunau selno in, amate ka thethaangna mun theampo ah a min uh sia kihaamsiatna in zangh tu uh hi.

Jeremiah 29:18

Ngal, kialpi le natna taw amate ka zuizen tu a, leitung minam theampo in tuasia a mu uh ciang lau tu uh hi. Mun theampo ah amate ka thethaang tu a, amate tung thupiangte hangin mihingte ingh in lau tu uh hi. Mihingte in amate nunau in, a min uh sia kihaamsiatna in zangh tu uh hi.

Jeremiah 39:8

Tua hun sung ma in Babylon te in kumpi inn le mipite ii innte haltum a Jerusalem khua luphungte sutham uh hi.

Jeremiah 42:18

“Topa, Israel, ii Pathian in, ‘Ka thin uukna le ka thinsona Jerusalem khua mite tungah a kibuak bangma in, Egypt ngam ah na pai uh le ka thinsona sia note tungah hong kibuak tu hi. Midangte ii hong muna ah a cizathuai na suak tu uh hi; Mite in note ciammuina in hong nei tu a na min uh sia haamsiatna in zang tu uh hi. Hi mun sia na mu kik ngei nawn buatu uh hi,’ ci hi,” ka ci hi.

Jeremiah 5:10

Ka mite ii sapithuante ah a nguite saattan tu in ngalte ka paisak tu hi, ahihang a vekpi in ka susiasak buatu hi. A baakte heu in ka sawl tu hi, banghang ziam cile a baakte sia kei aa hi ngawl hi.

Jeremiah 52:14

tuaciang a ngalkapte in khuapi luphungte sutham uh hi.

Kaa late 1:7

Tu in a ngamkhing, a siacip sa Jerusalem khua in nidang a phatna nung phaw kik hi. A ngalte khut sung a thet ciang a hu tu kuama om ngawl hi; A ngallelna sia ama a zote in nuisan uh hi.

Kaa late 2:9

Kongpite sia leivum suangvum sungah kivuknelh a, a zawlte a bebekin kivaat tham zo hi. Kumpipa le namliante tu in saltaang in om hi. Thukham kihil nawn ngawlin, kamsaangte in mu kholnate Topa ii tung pan nga ngawl hi.

Kaa late 3:61

“Topa awng, amate ii kei hong lan nate na za zo hi, amate ii hong thasawm nate theampo na he hi.

Kaa late 5:1

Topa awng, ko tungah hong piang thute phawk in. Kote hong en ta'n a, ka maizumna uh mu in.

Thiampite 26:31

na khuapite ka lalcipsak tu a, na biakna munte siasak in, na sangaw biakpiaknate kong saang buatu hi.

Thiampite 26:33

Ngal kong thengsak tu a, ngamdang ah kong thethaang tu hi. Na leitang kitaisan tu a, na khuapite lalcip in kinusia tu hi.