Nehemiah 1:1 - Syin Chin Bible

¹ Hi sia in Hacaliah ii tapa Nehemiah ii a zawsa nasep teng tepteena ahi hi. Artaxerxes ii Persia kumpilian a sep a kum kul kum, Kislev tha in Susa khuapi ah keima Nehemiah ka om hi.

Nehemiah 1:1 Iomraidhean Croise

Ezra 10:9

Tua ni thum sung, a tha kuana, ni kul ni in Judah le Benjamin ngam sungah a teang pasal theampo, Jerusalem khua ah pai in biakinn leitual ah kikhawm uh hi. Tua hun sung ngua tam mama zu ahikom khua hun phat ngawl hang le kikhopna a thupina hangin mipi theampo ling vakil uh hi.

Nehemiah 10:1

A min a thu masabel sia Hacaliah ii tapa ngamukmang Nehemiah hi a, tua zawkciang Zedekiah in a minthu hi. A nuai a te zongh in a minthu uh hi: Seraiah, Azariah, Jeremiah, Pashhur, Amariah, Malchijah, Hattush, Shebaniah, Malluch, Harim, Meremoth, Obadiah, Daniel, Ginnethon, Baruch, Meshullam, Abijah, Mijamin, Maaziah, Bilgai le Shemaiah. Azaniah ii tapa Jeshua, Henadad bee le phung Binnui, Kadmiel, Shebaniah, Hodiah, Kelita, Pelaiah, Hanan, Mica, Rehob, Hashabiah, Zaccur, Sherebiah, Shebaniah, Hodiah, Bani, le Beninu. Parosh, Pahath Moab, Elam, Zattu, Bani, Bunni, Azgad, Bebai, Adonijah, Bigvai, Adin, Ater, Hezekiah, Azzur, Hodiah, Hashum, Bezai, Hariph, Anathoth, Nebai Magpiash, Meshullam, Hezir, Meshezabel, Zadok, Jaddua, Pelatiah, Hanan, Anaiah, Hoshea, Hananiah, Hasshub, Hallohesh, Pilha, Shobek, Rehum, Hashabnah, Maaseiah, Ahiah, Hanan, Anan, Malluch, Harim, le Baanah ahi uh hi.

Nehemiah 2:1

A tha li zawk ni khat ni in Artaxerxes kumpilianpa ii an a neak laitakin sapittui ka pia hi. Ama in nidang in ka hee maipuak hong mu ngeingawl ahiciang,

Nehemiah 5:14

Artaxerxes ii kumpilian a sep zawk kum kulna pan kipan kum 32 dong, kum sawm le kum nii sung theampo Judah ngam uk ka sep sungin ngamukmang khat ka hina taw ka nga an sia keima le ka mealheakte in ka ne bua uh hi.

Esther 3:15

Kumpipa ii thupiakna taw Susa khuapi ah tua thutanna a heak kim natu in kizasak a, laitaite in tua thuthak sia ngamkete ah puak uh hi. Susa khuapi sungah a buaisak laitakin kumpipa le Haman tokhawm in zu ne uh hi.

Daniel 8:2

Ka mukholna sungah thakhatin Elam ngamkhen sung a ki uumcip Susa khuapi sungah keima le keima ka kimu hi. Keima sia Ulai ngunhui ah ka ding a,

Zechariah 7:1

Darius sia kumpilianpa in a maan zawk a kum lina, a tha kuana (Kislev tha), a ni li ni in Topa in kei tungah thu khat hong pia hi.