Nahum 3:6 - Syin Chin Bible

⁶ Nang kong zawnsak vawt tu a, a kiihuai ninteak taw kong siin tu hi. Mihingte lau in nang hong salh tu uh hi.

Nahum 3:6 Iomraidhean Croise

Job 30:19

Ama in buannoai sungah kei hong lawn suk a, leivui taw in ka kibang hi.

Job 30:8

A mannung ngawl, a son thamman ngawl, min memeal nei ngawlte veu ahi hi! Amate sia ngamsung pan kinotkeak hi.

Job 9:31

Pathian in a kiihuai dum sungah kei hong lawn suk a, ka puansilhte ngawngawn in kei hong maizum pui hi.

Jeremiah 51:37

Tua ngam sia ngamsate teenna ninthuk suak tu hi. Tua mun sia thaadam huai mun hi tu a; kuama teang ngawl tu hi, a mute theampo in lau tu uh hi.

Kaa late 3:16

Ama in ka maitang lei ah hong tat a, suangtum tungah ka hate sutan hi.

Ezekiel 16:37

Hi sia hu in na lawmluite theampo — na etsat, na lawmpate kong khawmtua tu hi. Amate in a beamin kong kiim umsak tu hi, tua zawkciang na puante kong suut siatsak tu a, na nguaktang a na om sia kong ensak tu hi.

Nahum 1:14

Hisia in Assyria te taw kisai Topa thutanna hi: “Amate min a zomto tu in suan le paal nei ngawl tu hi. Amate ii pathiante biakinnte sungah a om milimte ka susia tu hi. Assyria te atu in thaankuul khat ka vawtkhol tu hi — amate a nungta tu in kilawm ngawl uh hi,” ci hi.

Habakkuk 2:16

Nangma zongh min phatna sangin maizumna taw na kituam zaw tu hi. Nangma zongh zu ne in na hoi vatut tu hi. Topa in daan piakna hai hong dawnsak tu a, na minphatna sia min siatna hong suak tu hi.

Zephaniah 2:15

Khuapi kiphasak mama, a thahatna suangin, ngam muang a kisa khat tungah tuabangin piang tu hi. A mite in amate khuapi sia simleitung ah khuapi lianbelin ngaisun uh hi. Bangza a ngamtongta mun, ngamsate tawl omna mun suak tu ziam! A kaantan in a pai pawpo in a mu ciang patau in ton tu hi.

Malachi 2:2

Na sep, na vawtna taw keima nong patoai uh kul tu hi. Kong ci bangin nong ngai bua uh le no tungah haamsiatna kong tungsak tu hi. Na kivaak natu a, na saan uh vanhte tungah haamsiatna ka tungsak tu hi. A tatakin ci leang, tuate tungah, haamsiatna tungsak zo khi hi, banghang ziam cile kong thupiakte no in na thupi sim bua uh hi.

Malachi 2:3

Na tate daan ka pia tu a, na sangaw biakpiakna nganhingte ii eak sungah na mai kong taat tu hi — tuaciang note eak kholna munah hong kipaipui tu hi.

Malachi 2:9

Note in ka deina nong ni bua uh a, ka mite na hil uh ciang zong, khat le khat doidan na hi uh ciang, Israel mite in note kong simmawsak kik tu hi.

1 Corinth te 4:13

hong kilan ciangin kamthiam taw ka zo kik uh hi. Kote in hi leitung ninteakte bang ka hi lel uh a; tu hun dong mama in, ko sia leitung mihing nilnamte ka hi uh hi!

1 Corinth te 4:9

Ko sawltakte sia vantunglalangte le mihing nam bup ii a et tu in mihon mai ah thidaan thuak tu mite bangin Pathian in a tawp khakna mun ma ah hong koi taw kibang ka sa hi.

Hebrew te 10:33

Note khat vevei ngual sungah a kilanghin hong kivawtsia a, tuaciang hun dangte ah hi bangin a kivawtsiate na pawlpui ngam uh hi.

Jude 1:7

Sodom, Gomorrah le a kiim khuapite zongh phawk tavun, tua vantunglalangte bangin ngamta a, numei le pa paktatna le ngeina ngawl bangin mawna vawt uh hi: amate sia mihing theampo ii a kidop thei natu in, tawntung meikuang sungah daan a thuak uh hi.