Nahum 3:1 - Syin Chin Bible

¹ Kitheamna, mi kithalupna, sutol tu le phuul tu bek ahi hauna taw a kidim khuapi a lal hi zo hi!

Nahum 3:1 Iomraidhean Croise

Psalm Late 62:10

Ngoltolna sungah thin muang heak vun; sutolna taw meetna bangma nga tu in ki um heak vun; na haunate a khangto hial zongin tuate suang heak vun.

Isaiah 17:14

Nitak sangin amate kiitakhuai mama a, ahihang zingsang in bo hi. Tuasia in ih ngam ih lei hong suttolte theampo ii thuak tu ahi hi.

Isaiah 24:9

Sapittui a neak uh hang lungdam in lasa thei nawn ngawlin; kuama in a limna he nawn ngawl hi.

Isaiah 42:24

A suttolte tungah Israel te a pia sia akua ziam? Eite ii a tungah ih maw, Topa ma ahi hi! Ama ii dei le oai bangin ih nungta bua a, ama ii hong hilnate bang ih mang bua hi.

Hosea 4:2

Amate in kamciamte pia a, paltan hi; amate leilot in, mihing that a, nguta in, kipalngul uh hi. Khialna liante khang a kithalupna khat zawkciang khat om hi.

Nahum 2:12

Tawpi in a neak tu sa manin a pui le a note atu balneen a; ama in akua sia sabekte taw dimh hi.

Nahum 2:13

Topa Vaanglianbelpa in, “Keima in na ngalpa ka hi hi! Na siphu leangte haltum tu khi hi. Na ngalkapte ngal sungah kithatlum tu a, midangte tung pan na laakte theampo hong laaksak tu khi hi. Na palaite ii ngetnate kiza nawn ngawl tu hi,” ci hi.

Habakkuk 2:12

Na lal zo hi! Khuapi khat sia kithalupna le khialna lian doppha in na saat hi.