Nahum 2:8 - Syin Chin Bible

⁸ A cimhtham tui cimna khat pan tuiluang bangin Nineveh pan mihingte taikeak uh hi! “Tawlnga vun! Tawlnga vun!” ci in khuapi pan aw nging hi — ahizong kuama heak kik ngawl hi.

Nahum 2:8 Iomraidhean Croise

Pianciilna 10:11

Tua ngam panin Assyria ah pai a, Nineveh, Rehoboth Ir, Calah khuapite,

Isaiah 13:14

“Babylon ah a teang ngamdangmite sia savaite kung pan a suakta sangai bang le a cing om ngawl tuute bangin amate ngam tek ah tai in kithethaang tu uh hi.

Isaiah 38:14

Ka aw theapin nging zo ngawl a, vakhu bangin ka kuul hi. Vantung ka etna in ka mit toi hi. Topa awng, hi ngimna theampo pan hong suatak ta'n.

Isaiah 47:13

Ngaisutna hong kipiak hangin vawt zawk na nei bua hi. Na aksi en theite — vantungte a khawk a khawkin khenin nang tungah bang thu piang tu ci in tha sim tha simin nang tungah ngaisutna hong pia na aksi en thiamte hong paisak ta'n a, amate in ngumsak in.

Isaiah 48:20

Babylon pan pusuak in, suakta takin pai vun! lungdamna taw hi thuphate au in son vun; “Topa in a naseampa Israel ngum zo hi!” ci in mun theampo ah thangsak vun.

Isaiah 59:11

Eite lauthawngin ih thinngim hi. Zawthawk vawtna pan le ahi ngawlin hong kivawtna pan hong ngum tu in Pathian ih thangai a, ahihang bangma piang ngawl hi.

Jeremiah 46:5

Topa in “Ahihang keima in bang mu khi ziam?” ci in dongh hi. “Amate lau in heak kik uh hi. A ngalkapte kinot kik hi; a ngalte kiita mama ahikom a ngang thei zaza in tai a, a nungsang en kik ngawl uh hi.

Jeremiah 47:3

Amate in, siphu khuasuan ngingte, siphu ngalleang ngingte, a mui ngingte za tu uh hi. Nute pate sia a tate en kik tu in hong heak kik ngawl tu uh a; amate ii khutte a pangh ah kaai suk niingniang tu hi.

Jeremiah 50:16

Tua ngam sungah thaicii kituu heak hen a, an kila heak hen. Tua munah a teang ngamdangmite theampo in Babylon a sim ngalkaphonpi sia kiita tu a, a inn a lo ah cia kik tu uh hi,” ci hi.

Jeremiah 51:13

Tua ngam in ngun tam mama nei a, nei le lamh hau mama hi, ahihang a hun bo zo a, a nuntakna khauzam sia kisaattan zo hi.

Jeremiah 51:30

Babylon ngalkapte ngalsim nawn ngawlin a kulh sungah om uh hi. Amate a thin uh no in numeite bang hi zo hi. A khuapi kongpite taltan zo a, a innte kaangh hi.

Nahum 1:1

Hi thu in Nineveh taw kisai thu hi a, Elkosh khua mi Nahum ii mukholna thu khat tepteena ahi hi.

Nahum 3:17

Na uliante sia khuatuap ni in pang tung a bok khaumaw honkhat bang ahi uh hi. Ahizong ni hong sua ciang amate leang vingveng in, a zotna mun kuama in he ngawl hi!

Thupualaakna 17:1

Khawbeam sali a nei vantunglalangte sali sung pan khat kei kungah hong pai in, “Hong pai ta'n, a minthang pumpi zuak nu, ngun tam mama hui ah a kisaat khuapi sia bangbangin daan kipia tu ziam, ci in kong lak tu hi.

Thupualaakna 17:15

Vantunglalang in hi bangin hong ci si hi, “Pumpi zuak nu ii a tung a to laitak na mu tuite sia ngamte, mihingte, minamte le kampaute ahi hi.