Nahum 2:4 - Syin Chin Bible

⁴ Lampite kaantanin siphu ngalleangte tai kheukho a, khuapi khawlmunte kaantan in kinuntaw kawkoai hi. Amate mei lomsawm det te bangin taang vazak a, khualeng bangin peak kawkoai hi.

Nahum 2:4 Iomraidhean Croise

Paunakte 31:21

Vuuk a kiak hangin a thin a ngim bua hi, banghang ziam cile a innkuanpuite in puan lum nei uh hi.

Isaiah 37:24

Na siphu ngalleang theampo taw Lebanon mualsaangbel sia na zawna thu, kei tungah a kisuangtaak tu in na naseamte nong puak hi. Nangma in a saangbel cedar thingkung le a hoibel cypress thingkungte tua munah phuktan in, ngam thuk belnate dong na thetna sia kisuantaak na in nong nei hi.

Isaiah 66:15

Topa sia meikuang taw hong pai tu hi. Ama sia a thin a uuk sakte tungah daan pia tu in vuipi ii tha tungah to tu hi.

Jeremiah 4:13

En vun, meeite bangin ngal hong pai hi. Amate ii siphu ngalleangte sia suumpei taw kibang a, a siphute sia muvanlaite sangin ngang zaw uh hi. Ei a lel ih hi hi! Ei a lal ih hi hi!

Jeremiah 46:9

Siphute a pai natu le siphu ngalleangte a mui a pei natu thupia vun! Ngalkapte kuansak vun: Ethiopia le Libya pan lum toaite le, Lydia mi thalkaap thiamte kuansak vun’ ci hi,” a ci hi.

Ezekiel 23:24

Amate in siphu ngalleang le vanh puakna leangte kengin ngalkaphonpi khat taw saksang pan hong sim tu uh hi. Lum le thik lukhu taw kidalin nang hong kiim uum tu hi. Nang sia amate tungah kong aap tu a, amate ii thukham te taw thu hong khen tu hi.

Ezekiel 26:10

A siphute ii peang pan a leang leivui khu in nang hong tuam tu hi. Siphu leangte le siphu ngalleangte paina a nging sia in a lalsa khuapi kongpite a kaantan ciang, note luphung liingsak tu uh hi.

Ezekiel 26:7

Vaanglianpipa Topa in, “Kumpi theampo sung pan a lianbel kumpi — Babylon kumpipa Nebuchadnezzar — sia Tyre khua sim tu in kong kuansak tu hi. Ama in saksang panin ngalkap honpui khat taw siphu le siphu ngalleangte le siphu ngalkapte taw hong kuan tu hi.

Daniel 11:40

“Syria kumpipa ii hun a bo kuan ciang, Egypt kumpipa in ama sim tu hi, Syria kumpipa in a tha nei theampo taw, siphu ngalleangte, siphute le teambaw tam mama zanghin Egypt kumpipa do kik tu hi. Ama in namthuam tuikhang bangin ngam tam mama sim tu hi.