Nahum 2:1 - Syin Chin Bible

¹ Nineveh awng, nang hong kisim hi! Nang hong vaat tham tu vaangletna hong pai zo hi. Ngalnan natu te kinging vun! Lampi cing vun! Ngalsim tu in kithoai vun!

Nahum 2:1 Iomraidhean Croise

2 Khangtaanghthu 25:8

Amate in ngal kisimna ah nang hong thahatsak zaw tu hi, ci in um tha tu ni hi, ahihang zawna le lelna a pia vaang a nei sia Pathian hi a, ama in na ngalte hong lelsak tu hi,” ci hi.

Psalm Late 50:14

Pathian tungah lungdamkona sia nangma sangaw biakpiakna hi zaw tahen, Vaanglianbelpa tungah piak tu a, na kamciam bangin pia siat in.

Psalm Late 65:2

banghang ziam cile nangma in thungetnate na zo hi. Mun theampo panin mihingte in

Isaiah 29:7

tuasia ciang Pathian ii biaknatau khuapi a sim minamte ii ngalkap hon theampo, a ngalhiam le a ngalvanh a vekpi — na theampo — zanin khua ngaisut bang, mangmat khat bangin mang vadi tu hi.

Isaiah 29:8

Jerusalem sim tu in a kikhawmtua minamte theampo sia, andu ngilkial in a pukthi dek mihing khat in a mang in an ne a, a khanlaw ciang a ngilva tuan ngawl, ahibuale tuidu dangtaak mihing khat in a mang in tui ne a, a khanlaw ciang a dangko in a thoto taw kibang tu hi.

Isaiah 52:7

Mualte kaantan in thupha, kilemna thu puak a hong pai kamtaipa khat ih mu tu sia lamdang lawlawm hi! Ama in ngalzawna thangsak a, Zion tungah, “Na Pathian sia kumpi ahi hi!” ci hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 50:23

Babylon in leitung buppi sek taw seaktham a, tu in tua sek sia taltan zo hi! Tua ngam ah a piang thute minam theampo in lamdang sa in ingh uh hi.