Nahum 1:7 - Syin Chin Bible

⁷ Topa pha hi; ngimna hun sungah a mite sungsia hi; Ama kung a zuante ama in keamthiam hi.

Nahum 1:7 Iomraidhean Croise

1 Khangtaanghthu 16:34

Topa tungah lungdamko vun, banghang ziam cile ama pha hi; ama ii itna in mong nei ngawl hi.

1 Khangtaanghthu 5:20

Amate in Pathian muangin a huu natu thungen ahikom Pathian in a thu ngetna sang a, Hagri le a pawlte zosak hi.

2 Khangtaanghthu 13:18

Tuabangin Judah mite in Israel tungah zawna nga hi, banghang ziam cile amate in a taanghpupite ii Pathian, Topa suang uh hi.

2 Khangtaanghthu 32:11

Ko khut sung panin Topa na Pathian in no hong hun tu hi ci in Hezekiah in hong son hi, ahihang Hezekiah in note hong theam a, ngilkial dangtaak in hong thisak tu hi.

2 Khangtaanghthu 32:21

Topa in vantunglalang khat paisakin Assyria ngalkap te le a ngalkapbute thatsak hi. Tua ahikom a kumpilianpa sia maimawlin Assyria ngam ah heak kik hi. Ni khat ni in ama sia a pathian biakinn sungah a om laitakin a tapate pawlkhat in a namsau uh taw ama thatlum hi.

2 Khangtaanghthu 32:8

Ama in mihing thahatna nei ahihang eite in hong hu tu le ih ngalte hong simsak tu in Topa ih Pathian kinei hi,” ci hi. A kumpipa ii hi kammalte in mite hanthawn hi.

Ezra 3:11

Amate in hi Topa pokna la sa kikik hi: “Topa pha hi, Israel a itna kip tawntung hi.” A kuama po in a tha neiza tek taw au in Topa pok uh hi, banghang ziam cile Biakinnpi tawdap a vawt kipan zo hi.

Psalm Late 1:6

Thutangte Topa in lamlakin dal a, ahizong a ngilote sia amate lalcip natu munah a pai uh hi.

Psalm Late 100:5

Topa pha hi; ama ii itna in bomaw a, ama thumaanna sia a tawntungin kikhomsuan hi.

Psalm Late 20:1

Ngimna na nga ciangin Topa in na biapuina hong zo tahen; Jacob ii Pathian in nang hong dal tahen!

Psalm Late 25:8

Topa sia pha a thutang ahikom mawneite tungah a tot tu uh lampi hil hi.

Psalm Late 27:5

Ngimna hun sungah ama in hong lia tu a, ama Biakinnpi sungah hong keamcing tu hi, tuaciang suangpi saang tungah ngammuangin hong koi tu hi.

Psalm Late 37:39

Topa in mihing thutangte hun a, ngimna hun sungah amate sungsia hi.

Psalm Late 37:40

Topa in amate hu a suatak hi; ama in mihing ngilote khut sung panin hun hi, banghang ziam cile amate a dal tu in ama zuan uh hi.

Psalm Late 46:2

Tua ahikom leitung keak a ngawk ngawp a mualte tuipi thuk sungah a kisep hial zong;

Psalm Late 50:15

Ngimna hong pai ciangin keima hong ko tavun; Noma kong hun tu a kei nong pok tu uh hi.”

Psalm Late 59:16

Ahihang na thahatna thu, la in ka sa tu hi; na itna kip sia zing simin a ngingin, la in ka sa tu hi. Nang sia ka bukna na hi zo a, ngimna sungah ka belhna na hi hi.

Psalm Late 71:3

Kei atu in a muanhuai belna mun le kei hong dal tu a kho kulhpi hong hi ta'n; nangma in ka bukna le ka kihuukna na hi hi.

Psalm Late 86:7

Ngimna hunte sungah nang kong ko hi, banghang ziam cile nangma in ka thungetnate nong zo hi.

Psalm Late 9:10

Topa awng, nang hong hete in nang hong muang tu hi; nang hong zuante na nusia bua hi.

Psalm Late 91:15

Kei hong biapui ciangin amate ka zo tu hi; ngim a nga ciangin amate taw ka omkhawm tu hi. Amate ka suatak tu a, ka upat tu hi.

Paunakte 18:10

Topa sia, tausaang kho taw kibang a, thutangte in zuanin ngammuanna nga thei hi.

Isaiah 25:4

Mizawngte le a cimawte in nang hong beal zo a, ngim le kham hun sungah ngammuanna nga uh hi. Vuipi vak ciang bukna na pia a, ni sat ciang nilim na pia hi. A ngilo mite in phalbi vuipi bangin le,

Isaiah 32:2

Amate khat simin vui vak ciang le suangval vak ciang belhna le bukna bang hi tu hi. Senneal kongaw ngam sungah luitui luang bang le ngam kolhna munah a om suangpi lian khat ii limh bang hi tu hi.

Isaiah 50:10

Topa zakta in, a naseampa thu a ni note theampo awng, na paina uh lampi zing tatak tha tu hi, ahihang Topa muangin, na Pathian uh suang vun.

Jeremiah 16:19

Topa awng, nangma in kei hong dal a thahatna hong pia pa na hi hi; ka ngim nga laitakin nong hu hi. Leimong panin minamte nang kungah hong pai tu uh a, “Ka taanghpupite in pathian maan ngawlte le kimanna a nei ngawl milimte simngawl bangma dang nei ngawl hi.

Jeremiah 17:17

Nang sia ka launa hong hi heak in; ngimna hong thet ciang ka ngammuanna mun na hi hi.

Jeremiah 24:5

“Keima, Topa Israel mite ii Pathian in Babylon ah a kipaipui mihingte sia hi theinga phate taw kibang a, ka phat vawt tu hi.

Jeremiah 33:11

Lungdam thinnuam in au nate, tuaciang mopoai ngualnopna awngingte na za kik tu uh hi. Mihingte in ka Biakinnpi ah lungdamko biakpiaknate pia in la a sak na za tu uh hi; amate in, ‘Vaanglianbelpa Topa tungah lungdamko vun, banghang ziam cile ama pha a, ama ii hong itna kip tawntung hi,’ ci tu uh hi. Hi ngam sia nidang bangma in ka nuamsasak kik tu hi. Keima Topa in ka son zo hi,” ci hi.

Kaa late 3:25

Ama a muangte theampo tungah Topa pha hi.

Daniel 3:28

Kumpipa in, “Shadrach, Meshach le Abednego ii Pathian pok vun! Ama in a vantunglalang sawl a, ama muangin, ama na a seam hi mihingte suatak hi. Amate in ka thupiakte ni ngawlin amate ii Pathian simngawl pathian dang khat pawpo mai ah kunin a biak tu sangin a nuntak nate khaam zaw uh hi.

Daniel 6:23

Kumpipa lungdam leilam a, tawpite khumna dum sung pan Daniel a kikaito natu in thupia hi. Tuabangin Daniel kaito uh a, liamna a nei vet ngawl hunlam mu uh hi, banghang ziam cile ama in Pathian muang hi.

Joel 3:16

Zion mual pan Topa hawk hi; Jerusalem pan a aw vanto bangin nging a; van le lei liing hi. Ahihang ama in a mite sungsia tu hi.

Zephaniah 3:12

A kiniamkhiak, a thinnip mite tualai ah ka nusia tu a, kei kungah hu ngenin hong pai tu hi.

Matthew 27:43

Ama in Pathian muang a, Pathian Tapa ka hi ci hi. Tua ahile Pathian in tu in a hunnuam ziam en tawng!” ci uh hi.

Matthew 7:23

Tuasia ciang, ‘Note hong he ngei bong, Ka kung pan taikeak vun, no misiate awng!’ ka ci tu hi.

John 10:14

Keima in tuucing pha ka hi hi. Pa in kei hong heak bangma in kei zongh in Pa ka he hi, tuasia bangma in ka tuute ka he a, amate in kei hong he uh hi. Amate atu in ka nuntakna ka pia ngam hi.

John 10:27

Ka tuute in ka aw hong ngai hi; amate ka he a, amate in ka nung hong zui uh hi.

Romete 11:22

Hisia san ah Pathian in bangza in cingh a, bangza nasia takin thukhen thei ziam ci in ih mu thei hi. Ama in a puk sate tungah nasia takin thukhen hi — ahihang ama ii cikna le thiamna sungah na om uh le ama cingh hi. Tuabang na hi bua uh le, no zongh hong kithiaktan tu hi.

Galatia te 4:9

Ahihang tu in Pathian na heak zawk uh ciang — tua ahibuale Pathian ii no hong heak zawkciang ci leang — banghangin tua a zawngkhal, a khuangai huai ukna nei thaate kung zuan kik thei nu ziam? Banghangin amate sila suak kik nuam nu ziam?

2 Timothy 2:19

Ahitazong Pathian ii a phaa sa, a kip tawdap sia kingawksak thei ngawl hi; tuaciang tua tungah hi kammalte ki at hi. “Topa in ama ii neisate he hi,” tuaciang “A kuama po Topa ii neisa ka hi a cite in ngamtat khialna pial tu hi.”