Nahum 1:6 - Syin Chin Bible

⁶ Ama a thin uuk ciang akua nungta zo lai tu ziam? A lauhuai mama a thinsona ah akua nungta zo nawn tu ziam? A thin uukna meikuang tha suk a; suangte tamhthamin ama ii mai ah leivui suak hi.

Nahum 1:6 Iomraidhean Croise

1 Kumpite 19:11

Topa in ama tungah “Pusuak in a, mualdawn keima mai ah hong ding ta'n,” ci hi. Tua zawkciang Topa in kaantan a, vuipi nasia mama khat vasak in, mualnote kikhenthamsak a, suangtumpuite neenthamsak hi — ahihang tua vui sungah Topa om ngawl hi. Vui vak thim a, tua zawkciang zinliing hi — ahihang zinliing na sungah Topa om ngawl hi.

Job 26:11

Ama in van a len khuamte a teih ciang tuate lau a kilok in liing uh hi.

Job 40:11

A kiphasakte en in; na thin uukna lak in a, amate kiniamkhiaksak in.

Job 9:5

Ama in kidop natu thu son khol ngawlin mualpite khiin a, tuaciang a thin uukna taw tuate susia hi.

Psalm Late 130:3

Nangma in ko mawnate hong tepteesak hi thong lete akua peuma puavawkna pan suakta thei tu ziam?

Psalm Late 2:12

ama mai ah liinna taw kun vun; tua ahibuale ama thin uuk vat tu a, thakhat thu in na thi tu uh hi. Ama a bealte in a lungdamte ahi uh hi.

Psalm Late 76:7

Ahihang Topa awng, nang sia a kuama theampo in hong kiita hi. Na thin uuk ciang na mai ah kuama ding zo ngawl hi.

Psalm Late 76:8

Vantung panin na thukhenna na kitelsak hi; leitung ah a kinengcip theampo hut natu,

Psalm Late 90:11

Na thin uukna ii thahatna buppi akua in thuak ngei ziam? Na thinsona sia bangza lauhuai thei ci sia akua in he ziam?

Isaiah 10:16

Tu laitakin pha tak a, a kivaak phitphet tua mite daan pia tu in Vaanglianbelpa Topa in natna puak tu hi. Amate ii pumpi sungah a kuang tan mei khat om tu hi.

Isaiah 13:13

Vaanglianbelpa Topa keima in, ka thin uukna ka lak ni in, vantungte ka liingsak tu a, leitung sia ama omna pan kithingkeak tu hi.

Isaiah 27:4

Sapit huan tungah ka thin uuk nawn ngawl hi. Mot tu ling le lingkungte a om le ka haltum tu hi.

Isaiah 33:14

Zion ah mawnei mihingte lau na taw liing uh hi. Amate in, “Pathian ii thukhenna sia a kuang tawntung mei khat taw kibang hi. Tuabang meikuang sung pan akua suakta zo thong tu ziam?” ci uh hi.

Isaiah 66:15

Topa sia meikuang taw hong pai tu hi. Ama sia a thin a uuk sakte tungah daan pia tu in vuipi ii tha tungah to tu hi.

Jeremiah 10:10

Ahihang Topa, nangma in Pathian tatak na hi a, a nungta Pathian le tawntung kumpipa na hi hi. Na thin uuk ciangin leitung liing a; minamte in na thin uukna thuak zo ngawl uh hi.

Kaa late 2:3

Ama in a thinso in Israel te thahatna saattham hi. Ngalte hong kuan ciang ama in hong hu nuam ngawl hi. Kaanghmei bangin ama in ei hong zaap keak a, na theampo lalthamsak hi.

Kaa late 2:4

Eite sia ngal bang phetin a thaltangte taw hong tuung hi; Ih lungdamna le ih diksak theampo ama in thatlum hi. Hi lai Jerusalem ah ama ii thin uukna meikuang eite in ih thuak hi.

Kaa late 4:11

Topa in a thinsona teng nasia takin hong buak hi. ama in mei taw Zion halin kaanghtumsak hi.

Ezekiel 21:31

Ka thin uukna meikuang leang bangin kong tha ciang note in na phawk tu uh hi. Suksiat zia a thiam mihing cizat nei ngawl te tungah nang kong aap tu hi.

Ezekiel 30:16

Egypt meitaw ka hal tu a, tua ciang Pelusium sia ngimna nasia thuak tu hi. Thebes luphung te kisiatham tu a, tua khuapi ah namthuam tu hi.

Ezekiel 39:6

Magog ngam le thinmuang takin a mite teenna tuipi dung theampo mei taw ka hal tu hi, tuaciang mite theampo in, Keima, Topa ka hi hunlam hong he tu uh hi.

Ezekiel 7:8

“Hai ngawlin ka thin uukna ii thahatna na phawk tu hi. Na sepna sate tungah thu kong khen tu a, a thasiathuai na ngamtat nate theampo kong thuk kik tu hi.

Nahum 1:2

Topa Pathian in ama a demte kuama dual ngawl hi; ama in ama a nalhte daan pia hi. A thin uukna taw amate thuk kik hi.

Zephaniah 2:2

note vui ii muut taangvai bangin hong kibet ma, Topa thin uukna a kuang sia hong thet ma, ama thinsona hong lak ma in khua hong phawk tavun.

Malachi 3:2

Ahihang ama ii hong pai ni ciang, akua peuma in thuak zo tu hi ziam? Ama hong kilangh ciang akua nungta zo tu ziam? Ama in a pha satpia le thik a thiangsak meikuang taw kibang hi.

Malachi 4:1

Vaanglianbelpa Topa in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaanghtum tu a, amate taw kisai bangma a taang nawn buatu hi.

Thupualaakna 16:1

Vantunglalang salite tungah biakinn panin awnging tatak khat in: “Pai tavun a, Pathian thin uukna khawbeam salite leitung ah sungsuk tavun!” a ci ka za hi.

Thupualaakna 16:8

Vantunglalang a lina sia in, ni tungah a khawbeam hong sung a, tuasia ciang, nisatna meisa bang hi in, mihingte kaanghsak hi.

Thupualaakna 6:17

Amate ii thin uukna a kiitakhuai mama ni sia hi sungah hong theng a, akua in thuak zo tu ziam?” ci uh hi.