Nahum 1:5 - Syin Chin Bible

⁵ Topa mai ah mualpite liingin kektham a; ama mai ah mualnote tuitham hi. Topa a kilangh ciang leitung kilok a; leitung le a mite theampo liing hi.

Nahum 1:5 Iomraidhean Croise

2 Samuel 22:8

Tua zawkciang leitung sia liingin ngawk a; van ii a bul a zungte kivei in liing hi, banghang ziam cile Pathian a thin uuk hi!

Job 26:11

Ama in van a len khuamte a teih ciang tuate lau a kilok in liing uh hi.

Job 9:5

Ama in kidop natu thu son khol ngawlin mualpite khiin a, tuaciang a thin uukna taw tuate susia hi.

Psalm Late 104:32

Ama in simlei en a, leitung a liing hi; ama in mualte tham a, tuate sung pan meikhu pusuak hi.

Psalm Late 114:4

Mualpite sia keal bangin leang valet uh hi; mualnote sia tuunote bangin kilawn kawkoai hi.

Psalm Late 114:6

No, mualpite awng, banghangin kealte bangin leang valet nu ziam? No, mualnote awng, banghang tuunote bangin kilawn kawkoai nu ziam?

Psalm Late 18:7

Tuasia ciang leitung sia liingin ngawk hi; mualte ii tawdapte kilokin phe vadil hi, banghang ziam cile Pathian thin uuk hi.

Psalm Late 18:8

A naak hawng sung panin meikhute hong buak hi, a kam sung panin a kaanghtumsak thei meikamte le meikuangte hong pusuak hi.

Psalm Late 46:6

Minamte lau uh a, kumpi ngam liinglawng hi. Pathian aw ngingin, tuaciang leitung tuitham hi.

Psalm Late 68:8

Sinai Pathian ahi Israel te ii Pathian hong paina hangin, lei kiliing a, van in nguatui buaksuk hi.

Psalm Late 98:7

Tuipi awng, na sungah nuntakna nei teng taw hawk vun; leitung awng, na tungah a teang theampo taw lasa vun!

Pusuana 19:18

Sinai Mual buppi meikhu in siincip hi, banghang ziam cile Topa tua mualtung ah mei sungah hong tuaksuk hi. A khu sia mei phualpi khu bangin kaato in, mi theampo liinglawng ngawp uh hi.

Isaiah 24:1

Topa in leitang lalsakin ngamkhingsak tu hi. Ama in lei maitang heakcipin, a mite thethaang tu hi.

Isaiah 24:20

Leitang mama sia zukham khat bangin hoi vatut tu a, vuipi sungah vui ii seam buk bangin huang tu hi. Leitung sia a mawnate in nengcip ngawpin, puk in tho kik ngei nawn ngawl tu hi.

Isaiah 5:25

Topa sia a mite tungah thin uukin amate daan pia tu in a khut vaan zo hi. Mualte liing tu a, mithi luangte ninteak bangin lampi tungah kinusia tu hi. Tuasia ngawngawn zong Topa thin uukna thai zo ngawl lai tu a, daan pia tu in a khut vaan lai tu hi.

Jeremiah 10:10

Ahihang Topa, nangma in Pathian tatak na hi a, a nungta Pathian le tawntung kumpipa na hi hi. Na thin uuk ciangin leitung liing a; minamte in na thin uukna thuak zo ngawl uh hi.

Jeremiah 4:24

Mualliante ka en a — tuate liing hi, tuaciang mualnote kivei kawkoai hi.

Ezekiel 38:20

Ngasa le vacim theampo, nganhing a lian a no theampo le leitung ah a om mihing theampo in kei hong kiita in a liing tu uh hi. Mualte le liangte cim tu a, luphung theampo puk tu hi.

Joel 2:10

Mai ah a manaw uh ciang lei liing a; van kilok hi. Ni le tha mial a, aksite taang nawn ngawl hi.

Amos 9:5

Vaanglianpipa Topa Vaanglianbelpa in leitung tham a, leitung liing hi; tua munah a teang theampo khuangai uh hi. Leitung buppi Nile ngun bangin khang tuak, kiam tuak hi.

Micah 1:4

Tuasia ciang meikhuk khat ii sungah khuainun a tuithap bangin mualpite ama ii nuai ah tuitham tu hi; mualno khat tungah tui buaksuk bangin ngamkuamte sungah buaksuk tu hi.

Habakkuk 3:10

Mualte in nang hong mu ciangin liing uh a, van panin tui hong buasuk hi. Leinuai a tuite hawk vabuat a, a tuihualte khangin saangto hi.

Zechariah 4:7

Mualte za in a lian hong khak hong hal haksatnate na mai panin mang tu hi. Biakinnpi na sa kik tu hi, tuaciang suang khakbel sia a om natu sanah na cian ciang mite in ‘Hoi hi, Hoi hi!’ ci in au tu uh hi,” ama in ci hi.

Malachi 4:1

Vaanglianbelpa Topa in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaanghtum tu a, amate taw kisai bangma a taang nawn buatu hi.

Matthew 27:51

Tuaciangin Biakinn sungah kidalna puan a kikhai sia a lu pan a taw dong khen nii in kizensuk hi. Zinliing a suangpite kikhentham in,

Matthew 28:2

Thakhatin nasia tak zinliing hi. Topa vantunglalang khat van pan hong tuaksuk a, thaan kong hukna suangtum liikkeak in a tungah to hi.

Thupualaakna 20:11

Tuaciangin a lian kumpi tokhum kaang khat le a tungah a to pa ka mu hi. Leitung le vantung sia ama omna panin tai uh a, mu mun om nawn ngawl hi.

Thupualaakna 6:14

Van sia laidal pheak kizial bangin bomang a, mual theampo le tuikulh theampo amate omna mun pan kikhiin siat hi.

Thukhente 5:5

Sinai ii Topa mai, Topa Israel ii Pathian mai ah mualpite liing hi.