Nahum 1:3 - Syin Chin Bible

³ Topa thin uuk papaih ngawl a, ahihang ama vaanglian in a maw a khial te daan pia ngawlin tha thong ngeingawl hi. Topa paina munah vuipi suangval va a; meeite sia a peang taw a sina pan a leang leivui khute ahi hi!

Nahum 1:3 Iomraidhean Croise

2 Samuel 22:10

Ama in vantung balkeakin hong pai suk a, a peang nuai ah meeivom kaai hi.

Nehemiah 9:17

Na thu ni nuam ngawl a; na nasep sate theampo amate in mangil uh hi, na vawtsa nalamdang laknate mangil uh hi. Saltanna Egypt ah a heakpui kik tu in, kiphatsakna taw amate in lampui khat teal uh hi. Ahizong nangma in maw maisak Pathian na hi a; thuthiamna le itna nei in na thin uai hi. Na hesuakna lian a; amate na nusia bua hi.

Job 10:14

Ka mawna nong maisak nop ngawl hu in mawna a vawt ziam ci in nong encik hi.

Job 38:1

Tua zawkciang vuipi suangval sung pan Topa in Job paupui hi.

Job 9:4

Pathian sia ciim peuma a, vaanglian hi; kuama in ama langpan zo ngawl hi.

Psalm Late 103:8

Topa in hong hesuak a hong it in, thin uuk hak a, itna kip taw kidim hi.

Psalm Late 104:3

Tuaciangin na inn sia tungsang a om tuite tungah na sa hi. Meeite sia siphu ngalleang bangin na zangh a, vui ii thate tungah na to hi.

Psalm Late 145:8

Topa in itna le hesuakna nei a, thinsau in itna kip taw kidim hi.

Psalm Late 147:5

A lian a thakho sia eite Topa hi; ama ciimna in kitee thei ngawl hi.

Psalm Late 50:3

Eite Pathian hong pai a, ahihang a thimtham in hong pai bua hi; ama mai ah a lengkeak meikuang om a, vuipi suangval in a kiim uum hi.

Psalm Late 62:11

Pathian in vaangletna sia ama aa hi a, ama ii itna sia kip hi ci in a son tamvei ma ka za hi.

Psalm Late 66:3

Pathian mun ah, “Na sep na vawtte bangza in lamdang ziam! Na vaangletna in lian lawlawm a, na ngalte in kiitakna taw na mai ah kun uh hi.

Isaiah 19:1

Hisia sia Egypt ngam taw kisai thupuak ahi hi. Topa sia meei tungah to in, manlang mama in Egypt ngam ah hong pai hi. Ama mai ah Egypt milimte liingin, Egypt mihingte a hanna bo hi.

Isaiah 29:6

Vaanglianbelpa Topa in vanto le zinliing taw nang hong suatak tu hi. Ama in vuipi nguapi le a kuang vazak mei khiak tu a,

Isaiah 66:15

Topa sia meikuang taw hong pai tu hi. Ama sia a thin a uuk sakte tungah daan pia tu in vuipi ii tha tungah to tu hi.

Jeremiah 4:13

En vun, meeite bangin ngal hong pai hi. Amate ii siphu ngalleangte sia suumpei taw kibang a, a siphute sia muvanlaite sangin ngang zaw uh hi. Ei a lel ih hi hi! Ei a lal ih hi hi!

Daniel 7:13

Hi mukholna ka mu ni zanin mihing taw a kibang khat ka mu hi. Ama sia meeikaai in kiim uum in ka kung hong neak a, tuaciang a nungta tawntung pa kung zuanin tua pa taw kimu hi.

Hosea 8:7

Amate in vuipi thaicii a poai ciang, vuipi suangval at tu hi! A min ngawl lo ante in bangma hun anluum piangsak thei ngeingawl hi. A piangsak hial zong, ngamdangmite in netum tu hi.

Joel 2:13

Na thin tapthapna taw in na heena lak vun; na puansilh balthapna bek sia kicing ngawl hi,” ci hi. Topa na Pathian kungah pai kik vun. Ama cingh a, hesuakna taw kidim hi; ama a thinsau a, a kamciam len hi; ama in khialna mawna maisak tu le daan piak ngawl tu in kinging tawntung hi.

Jonah 4:2

Tua ahiciang ama in thungen a, “Topa awng, ka inn pan ka din ma in tubang ngengei in ngamta tu ni hi hong ci hi ngawl khi ziam? Tuasia hu in Spain ngam ah ka hi thei za in tai tu hanciam khi hi! Nang in a it thei le a hesuak thei Pathian hi a, thinsau tawntung, cingh tawntung a, thin kheal tu le daan a pia ngawl tu in kinging tawntung ni hi, ci in kong he hi.

Zechariah 9:14

Topa in a mite tungah hong kilangh tu hi; ama in a thaltangte khualeng bangin kap tu hi. Vaanglianpipa Topa in a lemle tum tu a; thangsang pan vuipi suangval bangin hong kuan tu hi.

Mi Simna 14:18

‘Keima Topa sia thin uuk hak a, itna lian le thumaanna a lak, mawna le leedona a maisakpa ka hi hi. Ahizong a pate mawna hangin tate le tute tungah khang thum, khang li dongin daan ka pia tu hi’ ci in nong ciamsate taangtungsak in.

Matthew 26:64

“Nangma ci bang ahi hi. Ahihang na vekpi tungah kong ci hi: tu pan kipan Mihing Tapa sia Vaanglianbelpa ii ziatsang ah to a, van a meeikaai tung pan hong pai na mu tu uh hi!” ci hi.

James 1:19

Ka it suapuite awng, hi thu ciamtee tavun! Mihing khat simin thu ngaina thu zaakna ah manlang tu a, ahizong pau papaih ngawl tu a thin uuk papaih ngawl tu kul hi.

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!