Nahum 1:13 - Syin Chin Bible

¹³ Tu in note tungah Assyria vaangletna ka bosak tu a, hong heenna thikkhaute ka sutan tu hi,” ci hi.

Nahum 1:13 Iomraidhean Croise

Psalm Late 107:14

Topa in amate sia khuangaina le khuazing sung pan pusua a, a thikkolte sukthapsak hi.

Isaiah 10:27

Tua hun hong thet ciang Assyria te ii khut sung pan note kong suaktasak tu a, amate hakkol sia note liangko tungah vanhngit hi nawn ngawl tu hi,” ci hi.

Isaiah 14:25

Israel, ka ngam sungah Assyria te ka lalcipsak tu a, ka mualte tungah amate ka tuanhcil tu hi. Ka mihingte sia Assyria te ii hakkol pan le a puak tu a vanhngitte pan ka suatak tu hi.

Isaiah 9:4

Banghang ziam cile, nangma in amate ii vanhngit puakna hakkol le amate ii liangko a saat, ciangkhut na thiaktan zo hi. Nidang lai a Midian ngalkaphonpi na zaw bangkeak ma in na mite nengcipin hong zothaw minam sia na zo zo hi.

Jeremiah 2:20

Vaanglianpipa Topa in, “Israel awng, nidang lai pekin ka thuneina nong nial hi; ka thu ni ngawlin nong bia bua hi. Mual saangna theampo tung le thingkung hing theampo nuai ah ta nei theina pathiante na bia hi.

Jeremiah 5:5

Mihingte kungah vaangletna taw ka pai tu a, amate taw thu ka son tu hi. A tatakin ci leang amate in a Pathian ii a kat sia he takpi a, amate ii a sep tu, Topa deina sia he uh hi,” ci in ka ngaisun hi. Ahihang amate theampo in Topa ii thuneina nialin, a thu ni nuam ngawl uh hi.

Thiampite 26:13

Keima Topa na Pathian in sila na hi nawn ngawl natu in Egypt pan kong pusuapui hi. Keima in no hong neng suk vaangletna sia ka sumai zo a, vandak sa in hi vaviau in kong kalsuansak zo hi.