Nahum 1:10 - Syin Chin Bible

¹⁰ Lingngui kivialte le taangphaw ko bangin no zukhamte hong kihaltum tu hi!

Nahum 1:10 Iomraidhean Croise

2 Samuel 13:28

tuaciang a naseamte thupia a: “Amnon ii zu a kham mama hun hong he tavun a, thu kong piak ciangin ama that vun. Lau heak vun. Keima in vaipuak la khi hi. Hang vun a, haisaang heak vun,” ci hi.

Psalm Late 118:12

Ka kiimkot panin amate in khuai bangin hong uumci hi, ahihang lingkung kawm kaanghmei bangin amate kaanghtum paih hi; Topa vaang taw amate ka susia hi.

Psalm Late 68:2

Meikhu a kiseamkeak bangin amate hawlkeak hi; khuainunte meikuang mai ah a tuithap bangin, mihing seksolte Pathian mai ah a mangthang uh hi.

Pusuana 15:7

A tuanngen na ngualzawna taw na ngalte na lawn thal hi; na thin uukna a kuan ciang taangphaw bangin amate kaanghtum hi.

Pusuana 5:12

Tua ahiciang mite sia Egypt ngamsung theampo ah taangphaw zongin kuan uh hi.

Isaiah 27:4

Sapit huan tungah ka thin uuk nawn ngawl hi. Mot tu ling le lingkungte a om le ka haltum tu hi.

Isaiah 47:14

“Amate in taangphaw beknote taw kibang tu a, mei khat in kaanghtum tu hi! Amate le amate ngawngawn kihun zo ngawl tu uh a — amate meilum oai bang hi ngawlin meikuangte sia amate atu in sa lei tu hi.

Isaiah 5:24

Tua ahiciang tu in, taangphaw le lopa ko ngimngeamte mei a kak bangma in, na zungte muatin na paakpalhte kongaw tu a, vui in lenkeak tu hi, banghang ziam cile, noma in Vaanglianbelpa Topa Israel te ii a thiangtho Pathian ii ei hong hilna thu na nial zo uh hi.

Isaiah 56:12

Hi sapittui khamte in, ‘Sapittui tawm la sin tawng i, tuaciang ih dawn zawkza dawn tawng! Tuni sangin zing ciang nuam zaw kan tu hi!’ ci uh hi,” ci hi.

Isaiah 9:18

Mihingte ii seksolna in lingkungte le a mulnei lingkungte a kaanghtumsak mei bangin kuang hi. Meikhu lomtangh a piangsak ngamkaang bangin kuang hi.

Jeremiah 51:39

Amate duhop uh ziam? Amate atu in anneakpoai khat ka vawt tu a, zukham lungdam in ka omsak tu hi. Amate mu tu uh a khanglo ngeingawl tu hi.

Jeremiah 51:57

A ngamukte — mipilte, lampuite le ngalkapte ka vaisak tu hi. Amate mu in khanglo ngeingawl tu uh hi. Keima kumpipa in ka ci zo hi; Keima in Vaanglianbelpa Topa ka hi hi.

Micah 7:4

Amate sung pan a phabelte le a thumaan belte ngawngawn lopate bangin mannung ngawl uh hi. Pathian in amate a encik kamsaangte tungtawnin amate a kidop natu a hil khol bangin ama in tua mite daan a piak tu ni hong theng zo hi. Tu in amate lungmang uh hi.

Nahum 3:11

Nineveh awng, nang zongh zu khamin na puk tu hi: Nang zongh na ngalte kung pan suatak natu na hanciam tu hi.

Malachi 4:1

Vaanglianbelpa Topa in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaanghtum tu a, amate taw kisai bangma a taang nawn buatu hi.

1 Samuel 25:36

Abigail sia kumpipa khat atu a kilawm poai khat, a inn ah a khaam Nabal kungah ciakik hi. Zu khamin maimua nuamin om a, tua ahikom a zingsang ciang mateng ama ii munah bangma son ngawl hi.