Nahum 1:1 - Syin Chin Bible

¹ Hi thu in Nineveh taw kisai thu hi a, Elkosh khua mi Nahum ii mukholna thu khat tepteena ahi hi.

Nahum 1:1 Iomraidhean Croise

Pianciilna 10:11

Tua ngam panin Assyria ah pai a, Nineveh, Rehoboth Ir, Calah khuapite,

2 Kumpite 19:36

Tua zawkciang Assyria kumpilianpa Sennacherib nungkin in Nineveh khua ah heak kik hi.

Isaiah 10:5

Topa in, “Assyria awng! Nang sia ka thin hong uuksakte daan piakna khetbuk khat bangin kong zangh hi.

Isaiah 13:1

Hisia sia Babylon taw kisai, Amoz ii tapa Isaiah ii Pathian tung pan a nga thupuak khat ahi hi.

Isaiah 14:28

Hi thu sia Ahaz Kumpipa ii thi kumin, a kipualaak thu ahi hi.

Isaiah 15:1

Hisia sia Moab taw kisai thupuak khat ahi hi. Zan khat thu in Ar le Kir khuapite kilalcipsak a, Moab ngam thim dide hi.

Isaiah 19:1

Hisia sia Egypt ngam taw kisai thupuak ahi hi. Topa sia meei tungah to in, manlang mama in Egypt ngam ah hong pai hi. Ama mai ah Egypt milimte liingin, Egypt mihingte a hanna bo hi.

Isaiah 21:1

Hisia sia Babylon taw kisai thupuak ahi hi. A lauhuai ngam khat panin suumpei khat bangin sennealngam kaantan in, tuasiatna hong pai tu hi.

Isaiah 22:1

Hisia in Mukholna Kuam taw kisai thupuak ahi hi. Bang thu piang ziam? Banghangin khua mite theampo in innkhum tungah poai vawtin om uh ziam?

Isaiah 23:1

Hisia in Tyre taw kisai thupuak ahi hi. Tuipi tung a pai teambaw hawlte awng, khuangai in kap vun! Teambaw tawlngakna na khuapi Tyre sia kilalsak zo hi; a innte le teambaw tawlngakna munte lalcip in om hi. Na teambawte Cyprus pan hong heak kik ciang hi thute na za uh hi.

Jeremiah 28:8

Nang le kei ii om hun ma in a om, taanghlai a thuson kamsaangte in minam tam mamate tung le a thahat a kumpi ngamte tungah ngal, kialpi le natna theng tu hi ci in sonkhol zo uh hi.

Jonah 1:2

Ama in, “Khuapi lian ahi Nineveh khua ah va pai ta'n a, hi thu va son khe ta'n; a mite bangza in seksol ziam ka heak ahi hi,” ci hi.

Nahum 2:8

A cimhtham tui cimna khat pan tuiluang bangin Nineveh pan mihingte taikeak uh hi! “Tawlnga vun! Tawlnga vun!” ci in khuapi pan aw nging hi — ahizong kuama heak kik ngawl hi.

Habakkuk 1:1

Hi thu sia Topa in kamsaangpa Habakkuk tungah a pualaak thu ahi hi.

Zephaniah 2:13

Topa in Assyria suksiat natu in a vaangletna zangh tu hi. Ama in Nineveh khuapi sia a lalsa a kinusia sa, tui om ngawl sennealngam suaksak tu hi.

Zechariah 9:1

Hi thu in Topa ii thupuak ahi hi: Ama in Hadrach ngam le Damascus khuapi tungah daan piakna thutan zo hi. Israel namte bek hi ngawlin Syria khuapi zongh Topa neisa hi.

Malachi 1:1

Hisia in Malachi ii Israel mite tungah a son tu Topa ii a piak thupuak ahi hi.