Micah 7:8 - Syin Chin Bible

⁸ Ih ngalte in ei tungah hong oaiaam natu thu om ngawl hi. Ei ih pukvawk zo a, ahihang ih tho kik tu hi. Tu laitak khuazing sungah ih om a, ahihang Topa in khuavak hong pia tu hi.

Micah 7:8 Iomraidhean Croise

Job 31:29

Ka ngalte ii a thuak ciang ka lungdam ngeingawl hi, tua ahibuale tuasiatna a thuak ciang dik ka sa ngei bua hi;

Psalm Late 112:4

Mihing phate, ngual a hesuak theite, a dikte le thutangte atu in khuazing sungah khuavak a taang hi.

Psalm Late 143:3

Ka ngalpa in savai bangin hong vai a hong zothal hi. Ama in thongzing khat sungah hong khum zo a, ngei tawngh lai ah a thisate bang ka hi hi.

Psalm Late 20:8

Tuabang mihingte sia lutu in liik tu uh hi, ahihang eite tho in kip takin ih ding tu hi.

Psalm Late 27:1

Topa in ka khuavak le kei hong ngumpa hi a, kuama ka kiita buatu hi. Topa in launa theampo panin hong sungsia a, ka lau ngei buatu hi.

Psalm Late 35:19

Tua a leilot thei ka ngalte sia kei ii lelna hangin na kisatheisak heak in. Bangma ahang om ngawl bul a kei hong ensante in kei ii khuangaina hangin lungdamna taw hong nuisansak heak in.

Psalm Late 37:21

Mihing seksolte in leitoai in, lo kik ngeingawl a, ahihang mihing phate in ngo takin pia hi.

Psalm Late 37:24

Amate sia a puk zongin a topcip buatu uh hi, banghang ziam cile Topa in domto tu hi.

Psalm Late 38:16

Ka ngalte sia kei ngim ngana tungah kisathei heak hen a, ka kiamsukna huvau in amate kisuangtaaksak heak in!

Psalm Late 84:11

Topa in ei hong sungsia pa le a minthang kumpipa hi a, ama in cikna le minphatna taw eite thupha hong pia hi. A maan a seamte tungah ama in naphate khat zongh a haza bua hi.

Psalm Late 97:11

Thutangte tungah khuavak taang a, miphate tungah lungdamna om hi.

Isaiah 2:5

Tu in, Jacob suan le paalte awng, Topa hong piak khuavak sungah kalsuan tek tawng!

Isaiah 49:9

Keima in thongtaak mite tungah, ‘Suakta takin pai vun!’ ka ci tu a, khuazing sungah a omte tungah, ‘Khuavakna ah pusuak vun!’ ka ci tu hi. Amate sia mual tungah a taa tuute taw kibang tu uh hi;

Isaiah 50:10

Topa zakta in, a naseampa thu a ni note theampo awng, na paina uh lampi zing tatak tha tu hi, ahihang Topa muangin, na Pathian uh suang vun.

Isaiah 9:2

Khuazing sung a vak mihingte in khuavak lian khat mu zo hi; Amate sia a limh zingna ngam khat ah teang uh a, ahizong tu in amate tungah khuavak taang hi.

Jeremiah 48:27

Moab awng, Israel mite na nunau sia phawk in. Mihing suamte pawl taw a kiman khawm bangin amate na vawt uh hi.

Jeremiah 50:11

Topa in, “Babylon mite awng, ka minam na suttol uh hi. Note lungdam in na kipaak uh a, khuipui an cicil ahibuale a hahaam siphu khat bangin vak kawkoai nu hi,

Jeremiah 8:4

Topa in ama ii mihingte tungah hi bangin son tu in kei hong sawl hi, “Mihing khat a pu ciang, tho kik hi ngawl ziam? Mihing khat lam a khial ciang, heak kik hi ngawl ziam?

Ezekiel 25:6

Hi sia Vaanglianpipa Topa ii ci ahi hi: “Na khut beangin, lungdam in na kilawn uh hi. Israel ngam na zawngsak uh hi.

Ezekiel 35:15

Keima neisa Israel a lalcip ciang na lungdam bangma in leitung buppi in na kiamsuk sia a lungdam tu uh hi. Seir mualte bek dom ngawlin Edom ngam theampo ngamtongta suak tu hi. Tua hun ciang keima in Topa ka hi hunlam mihing theampo in he tu uh hi.

Ezekiel 36:5

“Keima, Vaanglianpipa Topa in, a kiimkot ngamte le a tuatuanin Edom ngam tungah ka thin uuk mama na taw thu ka son hi. Amate in zawnsakna le lawp toaina taw keima leitangte le nganthana munte hong laaksakin amate ii neisa sua uh hi.

Amos 9:11

Topa in, “Inn zaancip sa khat taw a kibang David kumpi ngam ka puuaphat kik tu ni khat hong theng tu hi. A luphung pangte pua kikin ka phasak kik tu hi. Tuasia ka sa kik tu a, nidang tawngh lai bang ka hisak kik tu hi.

Obadiah 1:12

Judah ah a om na suapuite kaamsiat a thuak lai in diksa ku buale teh pha hi. Amate ii kisiat ni in na lungdam tu hi ngawl hi. Amate ii ngim nga ciang na nuisan buatu hi.

Micah 4:10

Jerusalem mite awng, nausuak tu numei bangin kisaan in tau vun, banghang ziam cile tu in khuapi na nusia tu uh a, ngam taanzau sungah na teang tu uh hi. Babylon ah na pai uh kul tu hi, ahizong tua munah Topa in na ngalte khut sung pan hong hun tu hi.

Micah 7:10

Tuasia ciang ih ngalte in hi sia mu tu a, kimaimawlsak tu hi — tua ngalte in “Topa na Pathian uh koisung a om ziam?” ci in hong tawtawte ma hi tu hi. Amate ngallelna, lamlai ah buan bangin a kitotcil nate ih mu tu hi.

Zechariah 12:8

Tua hun ciang Topa in Jerusalem a teangte dal tu a, amate sungah a thazawm belte ngawngawn David bangin hat tu uh hi. David suan le paalte in Topa ii vantunglalang bang ahizong Pathian mama bang ahizong amate lampui tu uh hi.

Malachi 4:2

Ahihang kei thu hong ni note tungah kong ngupna vaangletna sia ni bangin hong suak tu a, nizangte bangin damna hong puak tu hi. Ngankhawk khat sung pan a kitha khuinote bangin suakta in lungdam tu nu hi.

Matthew 4:16

Khuazing sungah a teang mihingte in, Khuavak taang lian mama khat mu tu hi. Thina khuazing ngamsung a teangte tungah khuavak a taang tu hi.”

John 16:20

A tatakin kong ci hi: note au in kap tu nu hi, ahihang leitung lungdam tu hi; note hee tu nu hi, ahihang na heena uh sia lungdamna hong suak tu hi.

John 8:12

Jesus in Phariseete tungah, “Keima in leitung khuavak ka hi hi. Kei hong zuite peuma in nuntakna khuavak nei tu a, khuazing sungah a vak ngei buatu hi,” ci hi.

Sawltakte 26:18

Nang in amate mit na honsak tu a, amate sia khuazingna sung panin, khuavakna ah, Satan vaangletna panin, Pathian kungah na kiheaksak tu hi. Tua hile amate in keima hong upna tungtawnin, a mawnate uh kimaisak tu a, Pathian tealsa mite sungah amate in omna nga tu uh hi.’

2 Corinth te 4:6

“Khuazing sung pan khuavak hong taang tu hi!” a ci Pathian sia ma in Christ ii maitang ah a taang Pathian ii vaangletna heak natu in kote thinsung ah a khuavak hong taangsak ahi hi.

2 Corinth te 4:9

ngal tam mama a om hang ngualtamh sel ngeingawl khu hi. Khat vevei nasia takin hong kiliamsua kale hong kisusia zo ngawl hi.

Thupualaakna 21:23

Tuuno sia khuapi ii meiinn hi zo a, Pathian minthanna vaang sia, ama tungah taang zo ahikom, tua khuapi in nitaang le thataang a kisamh bua hi.

Thupualaakna 22:5

Zan a om nawn buatu a, amate in meiinn le nitaang kisamh nawn ngawl tu uh hi, banghang ziam cile Topa Pathian sia amate khuavak hi tu a, amate in a tawntung a tawntungin ukna nei kumpite bangin a maang tu uh hi.