Micah 7:6 - Syin Chin Bible

⁶ Hi hun sungah tapate in a pate sia a mawmaw bangin vawt tu a, tanute in a nute nalh tu uh hi, mote in a tonupite taw kihau tu a; mihing khat ii ngalte sia ama innkuanpuite ma hi tu hi.

Micah 7:6 Iomraidhean Croise

Pianciilna 49:4

Nang in tuipawm khat taw na kibang a, Ahizong a thupibel na hi buatu hi, Banghang ziam cile ka zino na luppui a, na pa ii lupna na paksak hi.

2 Samuel 16:11

Tuaciang David in Abishai le a uliante theampo munah, “Keima tapa in kei hong thatlum nuam a hanciam hi; tua ahiciang Benjamin mi khat ii ngamtatna banghangin lamdang sa nu ziam? Topa in a haamsiat natu in sawl hi; tua ahiciang ama nguak koi po vun a, tuabang hisak vun.

Psalm Late 41:9

Ka lawm phabel, ka muanbel, ka ankuang uumpui sia ngawngawn in kei hong langpan hi.

Paunakte 30:11

A pate haamsiatin a nute a thupi sim ngawl mihing om hi.

Paunakte 30:17

A pa sia ngual nuizak tu in ciammuina in a nei, ahibuale a nuhuai a zawngsak mihing khat pawpo sia vaciikte in a sa ne le pha hi, tua ahibuale zong a mittangte ngam va-akte in khel le pha hi.

Isaiah 3:5

Mihing theampo khat le khat tungnut kituu in meetna la tu hi. Khangmoite in khanghaamte zakta ngawl tu a, a mannung ngawl mihingte in a tungsia te zakta ngawl tu hi.

Isaiah 9:19

Vaanglianbelpa Topa thin uukna hangin ama ii daan piakna sia ngam le lei ah meikuang taw hal bangin mihingte lalsak hi, kuama po in ama atu bek ngaisun hi.

Jeremiah 12:6

Na suapuite le na innkuan puite ngawngawn in nang hong leeheak zo hi; amate sia nang hong dote taw kikop hi. Amate in kamthum taw hong paupui uh zong um heak in,” ci hi.

Jeremiah 20:10

Mihing theampo kihuau a, “Mun theampo ah launa om hi! Tua ahikom thu neite tungah ama khia tawng!” a ci ka za hi. Ka itbel ka lawmte ngawngawn zongh in ka puk tu bek ngak uh hi. “Kitheam zo tha tu hi; tuasia ciang ih man thei tu a, phu ih lam tu hi,” amate in ci uh hi.

Jeremiah 9:4

A kuama po in a lawmpa tungtaang a kikep kul tu hi, kuama in a suapuipa muang thei ngawl hi; banghang ziam cile suapui theampo sia Jacob bangin ngualtheam thei a, a kuama po in a lawmte sonsia hi.

Ezekiel 22:7

Khuapi sungah om no mihingte in na nu na pa te na zakta bua uh hi. Ngamdangmite na theam uh a, meingongte le tangate tung pan hamphatna na zong uh hi.

Obadiah 1:7

Na kipawlpuite in hong theam zo a; amate in na ngam pan hong notkeak zo hi. Na kilempui minamte in tu in hong zothal zo hi; Na an neak khoppui na lawmte in nang thaang hong sia zo hi; amate in, ‘A pilna teng koi sungah koi ziam?’ hong ci uh hi.

Matthew 10:21

“Mihingte in a suapuite thalup tu in aap tu a, pate zongh in tate tungah tuabang ma in ngamta tu hi; tate zongh in nute pate langpan tu a, thatlumsak tu uh hi.

Matthew 26:23

“Ankuang sungah anluum kei taw sawk khawm sia in kei hong leeheak tu hi.

Luke 12:53

Pate in tapate langpan tu a, tapate in pate langpan tu hi; nute in tanute langpan tu a, tanute in nute langpan tu hi; tonupite in mote langpan tu a, mote in tonupite langpan tu hi,” ci in zo kik hi.

Luke 21:16

No sia na nu na pate, na suapui pate, na mealheakte le na ngualtamhte in hong aap tu a, note pawlkhat thina na thuak tu uh hi.

John 13:18

“Na vekpi atu ka sonna hi ngawl hi; ka teal sate keima in ka he hi. Ahihang laithiangtho sungah, ‘Kei taw ankuang uumkhawmpa in kei hong langpan hi,’ a ci sia a tun kul tu hi.