Micah 7:4 - Syin Chin Bible

⁴ Amate sung pan a phabelte le a thumaan belte ngawngawn lopate bangin mannung ngawl uh hi. Pathian in amate a encik kamsaangte tungtawnin amate a kidop natu a hil khol bangin ama in tua mite daan a piak tu ni hong theng zo hi. Tu in amate lungmang uh hi.

Micah 7:4 Iomraidhean Croise

Isaiah 10:3

Pathian in note daan hong piak ciang note in bang na law tu uh ziam? Ama in ngam khuala khat panin ngimna, siatna note tungah hong tunsak ciang bang na law tu uh ziam? Hong hu tu zongin koisungah na tai tu uh ziam? Na nei na lamte koisungah na phual tu uh ziam?

Isaiah 22:5

Hi hun sia Mukholna Kuam sungah a liinglawng patauna, ngallelna le ahi biaibuai a pian hun hi a, tuate sia Vaanglianbelpa Topa Vaanglianpipa in ei tungah hong thengsak hi. Ih khuapi uumna luphungte kisaattham zo a, huna ngenin auna awte mualte kawm ah hawl hi.

Isaiah 55:13

Tu laitakin lingte omna munah cypress kungte po tu hi; lingkungte luangin myrtle kungte poto tu hi. Tua in a tawntung a kho tu lim khat hi tu a, Keima Topa ii sep sate hong phawk kiksak khat hi tu hi,” ci hi.

Jeremiah 10:15

Tuate sia mannung ngawlin kinomu tu hi; Amate thukhenin Topa hong pai ciang amate kisusia tu hi.

Jeremiah 11:23

Anathoth mite tungah tuasiatna ka tunsak tu hun ka khensat zo hi. Tuasia hun a thet ciang, kuama suakta ngawl tu uh hi,” ci hi.

Jeremiah 46:21

A cialsa ngalkapte ngawngawn khuinote bangin cimaw uh hi. Amate in nang kenkon in do ngawl a; nungkin in tai siat uh hi. Amate ii a lal ni le a siat hun hong theng zo hi.

Jeremiah 8:12

Ka mite awng, hi a kiihuai nate na vawt uh manin na mai uh a zum ziam? Hi ngawl hi, na mai uh zum vet ngawl hi; maizum natu zia zongh na he bua uh hi! Tua ahikom midangte puk bangma in na puk tu uh hi; daan kong piak ciang na bona uh hi tu hi. Keima Topa in ka son zo hi.

Ezekiel 2:6

“Ahihang a thithei mihing awng, amate ahizong, amate hong ci pawpo ahizong, na kiita bua het tu hi. Amate in nang hong nalh in hong zawngsak tu hi; aikam hon kawm a teen bang hi tu hi. Tuabang ahihang tua tualngalte ahizong, amate ii cite ahizong kiita peang heak in.

Ezekiel 28:24

Topa in, “Israel te nunau a, a zawnsak vawt kiim le paam ah minamte sia Israel te a na sak tu ling le lingkung te taw a kibang kik nawn buatu uh hi. Tuaciang amate in kei sia Vaanglianpipa Topa ka hi hunlam hong he tu uh hi,” ci hi.

Amos 8:2

Topa in, “Amos awng, bang mu ni ziam?” ci in hong dongh hi. “Thingnga a dim khum khat” ci in ka zo kik hi. Topa in kei tungah, “Israel ka mite atu in a tawpna hong theng zo hi. Amate daan ka piak tu huvau ka thin ka kheal kik buatu hi.

Nahum 1:10

Lingngui kivialte le taangphaw ko bangin no zukhamte hong kihaltum tu hi!

Luke 21:25

“Ni le tha le aksite tungah nalamdangte piang tu hi. Leitung ngam bupte sungah thin lalna om tu a, tuipi tuihawkte le tui kihualte kiita tu uh hi.

Hebrew te 6:8

Ahihang lopa le lingkungte a posak a ahile, tua leitang sia a mannung bua hi. Pathian ii haamsiat tu le, meikuang taw a halcip tu lauhuai hi.