Micah 7:13 - Syin Chin Bible

¹³ Ahihang tua leitang sia a tungah a teangte ngitlo seksol hu in sennealngam suak tu hi.

Micah 7:13 Iomraidhean Croise

Job 4:8

Mite in tatsiatna lo bangin tho a, ngitlona ancii poai bangin a poai ka mu hi; tu in amate in siatna le ngitlona teng anlaak bangin la uh hi.

Paunakte 1:31

Tua ahikom, nangma taw a kiphu bangin na nga tu hi, tuaciang nangma ngamtatna ma in na ci hong nasak tu hi.

Paunakte 31:31

Ama sep le vawt theampo tungah minphatna pia vun. Ama in mihing theampo ii zatakna a nga tu in kilawm hi.

Paunakte 5:22

Mi seksol khat ii mawnate sia thaang khat ahi hi. Amate mama ii mawna ngeen sungah amate awk uh hi.

Isaiah 17:9

Tua ni a thet ciang pha tak a kidal khuapite sia Israel te kung pan a taikeak Hiv te le Amor te ii nusiat khuapite bangin lalcipin taisan tu hi.

Jeremiah 17:10

Keima, Topa in, mihingte ngaisutna ka kan a, a thinsung uh ka sittel hi. Ama nuntakzia le a sepzia taw kizui in khat sim tungah ka vawt hi,” ci hi.

Jeremiah 21:14

Ahihang na sepnate taw kizui in nang daan kong pia tu hi. Na kumpi inn mei taw ka hal tu a, a kiim a paam a om na theampo tua mei in kaanghtum tu hi. Keima, Topa in ka ci zo hi.”

Jeremiah 25:11

Hi ngam buppi a siathamin kinusia tu a, a ngamkhing mun suak tu hi, a kiim ah minamte in kum sawmsali sung tawntung Babylon kumpipa ii na seam tu uh hi.

Jeremiah 32:19

Nangma in ngealna phate na nei a, naliante na seam hi; mihingte ii a sep a vawt theampo na mu a, amate ii diannate taw kizui in thaman na pia hi.

Ezekiel 12:19

A ngam ah a teang lai Jerusalem mite tungah Vaanglianpipa Topa ii kam vaithak sia hisia hi, ci in ngam bup ah son in: amate in an a neak uh ciangin a ci liing tu a, tui a dawn uh ciangin launa taw a ci ngawk tu uh hi. A ngam uh sia bangma om nawn ngawl dongin kithiak kilkel tu hi, banghang ziam cile tua munah a teang teng theampo in thukham a palsat hang ahi hi.

Ezekiel 33:28

Keima in tua ngam sia a kinusia ngamtongta ka suaksak tu a, a kiphatsak pui a vaangletna bo tu hi. Israel mualte sia dui thukpui suak tu a, kuama in khualhaw in kaantan thei ngawl tu hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Micah 3:4

Topa tungah na ko tu hun hong theng tu a, ahihang ama in hong zo ngawl tu hi. Note thungetna ama in hong ngai ngawl tu hi, banghang ziam cile a sia na vawt uh hi.

Micah 5:3

Tua ahikom nau nei tu numei nu ii a tapa a pian mateng Topa in a mite sia a ngalte khut sungah a nusia tu hi. Tua zawkciang ngamdang ah saltaang a mipuite sia a mite taw kingawm kik tu hi.

Micah 6:13

Tua ahikom, na mawnate hangin a lalsak le a siasak tu in kong kipan zo hi.