Micah 7:10 - Syin Chin Bible

¹⁰ Tuasia ciang ih ngalte in hi sia mu tu a, kimaimawlsak tu hi — tua ngalte in “Topa na Pathian uh koisung a om ziam?” ci in hong tawtawte ma hi tu hi. Amate ngallelna, lamlai ah buan bangin a kitotcil nate ih mu tu hi.

Micah 7:10 Iomraidhean Croise

2 Samuel 22:43

Amate ka sucip a, leivui bang suak uh hi; lampi ah a om buan bangin amate ka tuanhcil hi.

Psalm Late 109:29

Ka ngalte sia mindaina taw kituam tahen; amate in a maizumna sia puantual bangin silh tahen.

Psalm Late 115:2

Banghangin minam tuatuamte in, “Na Pathian uh koisungah om ziam?” ci in hong dongh tu ziam?

Psalm Late 18:42

Amate leivui bang ahi dongin ka sucip a, vui ii let leivuite bang ahi uh hi. Lampite ah buan omte bangin amate ka tuanhcil hi.

Psalm Late 35:26

Kei thuakna tungtaang ah a kisatheite lel kha ma in na lelsak in a, lungmang biaibuai tahen; kei sangin pha a kisa zawte maizumna le min siatna in tuam tahen.

Psalm Late 42:10

“Na Pathian sia koisungah om ziam?” ci in amate ii hong dawdok ciangin amate ii hong selnonate in kei hong supeak hi.

Psalm Late 42:3

“Na Pathian koi sungah om na ziam?” ci in ka ngalte ii hong dok hunsung bup, sun taw zan taw kapin ka thitui bek an in ka nei hi.

Psalm Late 58:10

Mawneite daan a kipiak a mu uh ciang thutangte lungdam tu hi; amate in a seksolte ii chisan sung siikin tan tu uh hi.

Psalm Late 79:10

Banghangin minamte in “Na Pathian uh koi sungah om ziam?” ci in hong dongh tu ziam? Na naseamte chisan a buaksak hu in tua minamte tungah daan na piak sia kote in hong musak ta'n.

Psalm Late 92:12

Thutangte palm kungte bangin limci tu hi; amate Lebanon ah Cedar thingkungte bangin khang tu hi.

Isaiah 26:11

Na ngalte in amate daan na piak tu hunlam he ngawl uh hi. Topa awng, amate maizumsak in a, ngim ngasak in; amate atu in, na koisak sa daan piaknate thuaksak in. Na mite na it mama zia amate lak in.

Isaiah 41:25

“Nisuana sangah a teang mihing khat ka teal zo hi; saksang pan a sim tu in ama ka puak tu hi. Beal seakpa khat in tungman a totcil bangin, ama in ngamukte sia buan bangin tuanhcil tu hi.

Jeremiah 49:15

Topa in nang hong thazawmsak tu a, kuama in nang hong zakta ngawl tu hi.

Jeremiah 51:24

Topa in, “Jerusalem tungah siatna a vawtte theampo hu in Babylon le a mite tungah ka thuk kik sia na mu tu uh hi.

Jeremiah 51:51

Note in, ‘Ih min hong kidaisak zo a hong kimaizumsak zo hi; Ngamdangmite in Biakinnpi sung a thiangtho na munte la zo ahikom cimaw cip ka kisa uh hi,’ na ci uh hi.

Ezekiel 7:18

Amate in khau-ip puan silhin liing ngawp tu uh hi. A lute uh kimeet tol tu a, kimaizumsak tu hi.

Daniel 3:15

Tua ahiciang tu in lemlete, oboe te, liamlo te, zither te, tengtonghte le a dang tum thei tuatuam theampo ii aw na zaak po uh ciang kun in tua milim bia vun. Na bia bua uh le, thakhat thu in a lingh meiphual sungah hong kikhia tu hi. No hong hun zo tu pathian khat pawpo om tu in um nu ziam?” ci hi.

Joel 2:17

Biaknatau le Biakinnpi tumna kilaklaw a, Topa na a seam thiampite kapin thu a nget uh kul tu hi: “Topa awng, na mite hesuak in. Minam dangte in, ‘Na Pathian koisung om ziam?’ ci in hong zawngsak hong nunausak heak in,” ci tu uh hi.

Obadiah 1:10

“Jacob ii suan le paal na suapui pate ii neisa suttol in that na hi ciang nang hong kisusia tu a a tawntungin na min hong kidaisak tu hi.

Obadiah 1:12

Judah ah a om na suapuite kaamsiat a thuak lai in diksa ku buale teh pha hi. Amate ii kisiat ni in na lungdam tu hi ngawl hi. Amate ii ngim nga ciang na nuisan buatu hi.

Micah 4:11

Minam tam mamate note sim tu in kikhawm zo hi. Amate in, “Jerusalem kisusia nanak tu hi! Hi khuapi a zaancip in ih mu tu hi!” ci uh hi.

Micah 7:8

Ih ngalte in ei tungah hong oaiaam natu thu om ngawl hi. Ei ih pukvawk zo a, ahihang ih tho kik tu hi. Tu laitak khuazing sungah ih om a, ahihang Topa in khuavak hong pia tu hi.

Zephaniah 3:15

Topa in na daan thuakna bosak zo hi; Na ngalte theampo hong hepsak hi. Topa, Israel kumpipa sia note taw omkhawm hi; tu in bangma lau natu thu om ngawl hi.

Zechariah 10:5

Judah mite in a ngalte lampi buan sungah a siikcil ngalkapte bangin ngalzo tu uh hi. Topa in amate panpui ahiciang amate in ngalsim tu uh hi, amate in a ngalte siphu ngalkapte ngawngawn zo tu uh hi.

Malachi 1:5

Israel mite in hite a mittang uh taw mu tu a, tuaciang amate in, “Israel ngam puasia ngawngawn ah Topa thahat hi,” ci tu uh hi.

Malachi 4:3

Ka dian ni ciang, mi seksolte na zothal tu uh a, amate sia na peang nuai a leivuite bang hi tu uh hi.

Matthew 27:43

Ama in Pathian muang a, Pathian Tapa ka hi ci hi. Tua ahile Pathian in tu in a hunnuam ziam en tawng!” ci uh hi.

Joshua 7:9

Canaan mite le ngam sungah om midang theampo in hi thu za tu hi. Amate in hong kiim uum tu a, kote hong that siat tu hi. Tuasia ciangin nangma min kihuk natu in bang vawt tu ni ziam?” ci hi.

Thupualaakna 18:20

Vantung awng, ama ii lalna hu in, lungdam in! Pathian ii mihingte, sawltakte le kamsaangte awng, lungdam tavun! Banghang ziam ci le ama ii note hong vawtna hu in, Pathian in ama daan pia zo hi!