Micah 6:9 - Syin Chin Bible

⁹ Topa kiitakna in ciimna hi. Ama in tua khuapi sam a, “No khuapi sung a kikhawm mite awng, na ngai vun!

Micah 6:9 Iomraidhean Croise

2 Samuel 21:1

David ii kumpi in a maan hunsungin kum thum sitset kialpi nasia khat tung hi. Tua hi a, David in Topa munah tuasia thu a dok ciang, Topa in, “Saul le a bangkua in mihing that mawna vawt hi; ama in Gibeon mite thatlum hi,” ci hi.

Job 10:2

Hong puavawk heak in Pathian awng. Kei nong mawsakna a bang hi thong ziam? Hong son ta'n!

Job 23:14

Kei atu a ngealsa sia ama in taangtungsak tu hi; tuasia ama ngealna tam mama sung pan khat bek hi.

Job 5:17

Pathian ii puua kik sia mi hampha ahi hi! Pathian in hong teih le thin uuk heak in.

Psalm Late 107:43

A ciimte in hi thute ngaisun thei tahen; Topa ii itna kip ngaisun thei tahen.

Psalm Late 48:10

Mun theampo ah nang hong kipok a, leitung theampo ah na minthanna kizel hi. Thutang khenna taw nangma in na uk hi;

Psalm Late 83:18

Nangma bekma in Topa na hi hunlam, leitung bup a lianbel ukpa na hi hunlam amate in he tahen.

Psalm Late 9:16

Topa in thutang khennate taw ama le ama hong kilaak hi, mihing seksolte sia amate ii a sep a vawtte taw ma in awk hi.

Paunakte 22:3

Mihing khuangaisun theite in ngimna hong pai ciangin mu thei a pial uh hi, ahihang khuangaisun meal ngawl khat sia tua ii sungah tum vacin tu a, a zawkciang kisiik tu hi.

Isaiah 26:11

Na ngalte in amate daan na piak tu hunlam he ngawl uh hi. Topa awng, amate maizumsak in a, ngim ngasak in; amate atu in, na koisak sa daan piaknate thuaksak in. Na mite na it mama zia amate lak in.

Isaiah 27:10

A muanhuai khuapi sia lalcip in om hi. Ngamkol khat bangin kinusia hi. Ngan thana le ngan lup thei na mun suak hi.

Isaiah 30:27

Topa ii vaangletna le minthanna sia a khuala panin kimu thei hi. Mei le meikhu in Topa ii thin uukna lak hi. Ama pau a, a kammalte mei taw kibangin kuang hi.

Isaiah 66:6

Ngai vun! Khuapi sungah ngamlumna, Biakinnpi sungah aw nginna sia Topa ii a ngalte daan a piakna awnging ahi hi!

Isaiah 9:13

Israel mihingte kisiik kik ngawl hi; Vaanglianbelpa Topa in amate daan a piak zawk ngawngawn zongin, Topa kung zuan kik tuan ngawl uh hi.

Jeremiah 26:18

“Hezekiah sia Judah kumpi ahi lai in, Moresheth khua mi kamsaang Micah in mi theampo tungah Vaanglianbelpa Topa in hi bangin, ci hi, ‘Zion sia lo khat bangin kitho tu hi; Jerusalem sia ninthuk suak tu a, Biakinnpi dinna mual sia dui suak tu hi.’

Jeremiah 26:6

Thu na ni bua lalai uh le, Shiloh khua tungah ka vawt bangin hi Biakinnpi tungah ka vawt tu a, leitung minamte theampo in hi khuapi ii min sia kihaamsiatna in zangh tu uh hi,” hong ci hi.

Jeremiah 47:7

Ahihang a sep tu nasep ka piaksa ahiciang, bangbangin tawlnga thei tu ziam? Ashkelon le tuipi hui ah a teang mite sim tu in thu ka pia zo hi,” ci hi.

Ezekiel 7:9

Nang kong khoaikhe buatu a, kong hesuak buatu hi. Keima sia Topa ka hi hunlam le nangma daan hong pia sia ka hi hunlam na heak natu in, a thasiathuai na ngamtatnate hu in daan kong pia tu hi.”

Hosea 13:16

Kei hong langpan hu in Samaria sia daan kipia nanak tu hi. A mite ngal sungah thi tu uh hi; nausente sia lei denna in kinei tu a, naupaai nupite ngil kikui tham tu hi,” ci hi.

Hosea 14:9

Miciimte in hi sung a, a ki atte tel tahen a, a thinsung uh ah ciing thei tahen. Topa ii lampite maan a, thutang mite in tuate a zuina taw nungta uh hi, ahihang mimaw mikhial te lutu in puk uh hi, banghang ziam cile amate in tua thute awlmaw ngawl uh hi.

Amos 2:5

Tua ahikom Judah tungah meikuang ka khiak tu a, Jerusalem kulhpite ka haltum tu hi,” ci hi.

Amos 6:1

Samaria ah ngammuang kisate le Zion ah nuntakna ol a sate — hi Israel ngamlian sung a, ngual ii hu hong kingetna, no lampui uliante atu in bangza in lauhuai ziam!

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Micah 6:10

Mihing tatsiate ii inn sungah thumaan ngawlna taw a nga sumngumte om hi. Amate in ka ngaimawk khaikhin maan ngawlte zangh uh hi.

Micah 6:8

Hi ngawl hi Topa in thupha hong son zo hi. Ama ii ei tung pan bang hong tangkal thu in hisia hi: a maan sia seam tu, ki itna kip lak tu le, kiniamkhiak in ih Pathian taw kipawl khawmin nuntak tu ahi hi.

Zephaniah 3:2

Tua sia in Topa thu ngai ngawl a, a kiteknate zongh saang ngawl hi. Topa muang ngawlin, huna zongh ngen ngawl hi.

Thupualaakna 3:19

Ka it te a vekpi in, teihin daan ka pia hi. Tua ahikom na thin takpi taw in, na mawnate pan kisiik kik in.