Micah 6:8 - Syin Chin Bible

⁸ Hi ngawl hi Topa in thupha hong son zo hi. Ama ii ei tung pan bang hong tangkal thu in hisia hi: a maan sia seam tu, ki itna kip lak tu le, kiniamkhiak in ih Pathian taw kipawl khawmin nuntak tu ahi hi.

Micah 6:8 Iomraidhean Croise

Pianciilna 18:19

A tapate le a suan a paalte tungah ka thu ni a, thumaan thutang a vawt natu, thu a piak natu in ama ka teal zo hi. Tuabang a vawt uh le ka kamciamsa bangin ama ta tu ka hisak siat tu hi,” ama le ama kici hi.

Pianciilna 5:22

Tua zawkciang Enoch in Pathian taw kum 300 kithawlin, ta dangte zongh nei hi.

2 Khangtaanghthu 30:11

Tua kawm pan Asher, Manasseh le Zebulun namte sung pan Jerusalem khua ah a pai nuam veve pawlkhat om lai hi.

2 Khangtaanghthu 32:26

Ahizong a khakbel ciang Hezekiah le Jerusalem mite kiniamkhiak kik ahikom Topa in Hezekiah ii thi dong tua mite daan pia ngawl hi.

2 Khangtaanghthu 33:19

Kumpipa ii thungetna le Pathian zo kikna, a kisiik kik ma in a vawt mawna khialna — a sia a vawtte, doai sepna munte le numeipathian Asherah lim, tuaciang a biak milimte — theampo sia Kamsaangte Taanghthu sungah kiciamtee hi.

2 Khangtaanghthu 33:23

Ahihang ama ahile a pa bang hi ngawl a, kiniamkhiak ngawlin Topa kung zuan ngawl hi; a pa sang zong mawzaw lai hi.

2 Khangtaanghthu 34:27

tuaciang Jerusalem le a mite daan piak tu ka tawnna na zaak ciang kiniamkhiakna le kisii kikna taw ka mai ah na puansilh eaukeak in kap ni hi. Na thungetna hong za zo khi hi.

Nehemiah 9:13

Vantung panin Sinai Mual tungah na tuaksuk a; na mite paupui in thukham phate le hilna maante na pia hi.

Psalm Late 101:1

Keima ii la in thumaanna le thukhaikim huvau hi a, nangma kong sak hi, Topa awng.

Psalm Late 112:4

Mihing phate, ngual a hesuak theite, a dikte le thutangte atu in khuazing sungah khuavak a taang hi.

Psalm Late 112:9

A kitaangsamhte tungah ama in ngo takin pia a, ama ii cikna thiamna sia bo ngeingawl hi; ama thahat tu a, kizakta tu hi.

Psalm Late 37:26

Amate in midangte tungah ol takin pia in, pukthaak tawntung a, tuaciang a tate sia a thupha saanna khat ahi hi.

Psalm Late 73:28

Ahihang kei ka hile, Pathian nai ah ka om tu, Topa Pathian ka belh tu le ama ii vawt sate theampo ka thansak tu sia bangza in pha ziam!

Paunakte 21:3

A maan le ahi tu bangin seam in; tua in sangaw biakpiakna sangin Topa lungdamsak zaw hi.

Thuhilsya 12:13

Hite theampo zawkciang son tu thu khat bek om lai hi: Pathian thasia in a, a thupiakte ni in, banghang ziam cile hite theampo sia mihing a kibitphuana thu ahi hi.

Isaiah 56:1

Topa in a mihingte tungah, “Khuangei ngawlin note hong ngum tu ka hikom, a thumaan le a thutang sia seam vun.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Isaiah 66:2

Keima mama in vaannuai buppi ka bitphua hi! Kiniamkhiakin a kisiik kikte, kei hong kiita in ka thu hong nite dik ka sa hi.

Jeremiah 22:16

Ama in mizawngte tungah a pha in thukhen a, tuaciang ama atu in na theampo a pha suak hi. Tuabang ahi theina in Topa a heak hang ahi hi.

Jeremiah 22:3

Topa in, “Keima, Topa in thumaan le thutang na vawt vun ci in no thu kong pia hi. Theamna a thuak pa sia a theam pa ii khut sung panin dal vun. Ngamdangmite, tangate ahibuale meingongte vawtsia heak vun; hi a thiangtho munah a mawbaang ngawl mihingte that heak vun.

Jeremiah 9:23

Topa in, “Miciimte in amate ii ciimna, mi thahatte in amate ii thahatna, mihaute in amate ii haunate kisakthei pui heak hen.

Kaa late 3:26

Tua ahikom eite atu in, thin sauna taw ama ngakin ih om tu — eite hong ngum tu in ama ngakin ih om tu — phabel hi.

Ezekiel 16:63

Na khialnate theampo kong maisak tu a, ahizong, na khialnate phawk kik in, maizum leilam in na kam zongh na kaa ngam buatu hi.” Vaanglianpipa Topa in son zo hi.

Ezekiel 33:14

Mi ngilo khat po thi tu hi ci in a kidop natu sonkhol zo ka hihang, ama in mawna vawt nawn ngawlin a maan le a pha nate a vawt le —

Daniel 4:37

“Tu in keima Nebuchadnezzar in Vantung Kumpipa pok in, zatakna pia in, a min ka thangsak hi. Ama ii a sep a vawt theampo a maan le a thutang hi a, ama in kiphasak a, a ngamta pawpo kiniamkhiaksak thei hi,” ci hi.

Hosea 12:6

Tua ahikom tu in Jacob suan le paalte awng, na Pathian muang vun a, ama kungah heak kik vun. Pathian tungah citakin thutang vun, tuaciang na Pathian ii note atu hong sep tu sia thinsau takin ngak vun.

Hosea 6:6

Tatsat ngawl nong itna ka dei a, na sangaw biakpiaknate hi ngawl hi. Ka mite ii meihal biakpiaknate hong piak sangin kei hong heak tu dei zaw khi hi.

Thiampite 26:41

amate sia keima ii ka nungngat, a ngalte ngam ah salin hong puaksakte ahi uh hi. A khakbel in na suan na paalte a mawna hangin kiniamkhiak a, daan zong thuak zo ahiciang,

Amos 5:24

Tuate taangin thukhaikim sia luitui bangin luangsak vun a, thutang sia a kang ngeingawl ngun bangin luang tahen.

Micah 6:9

Topa kiitakna in ciimna hi. Ama in tua khuapi sam a, “No khuapi sung a kikhawm mite awng, na ngai vun!

Zephaniah 2:3

Ama ii thupiakte a ni, ngam sungah a kiniamkhiak note theampo awng, Topa sangah hong kiheak tavun. A maan sia vawt vun a, Topa mai ah noma le noma kiniamkhiak vun. Tua hile Topa ii a thin uukna hong lak ni ciangin daan khak natu pan suakta tha tu nu hi.

Zechariah 7:9

“Khua ngeipi lai in ka mite munah hi thupiakte ka pia hi: ‘Thukhaikim in seam vun a, khat le khat dikna le kihesuakna nei hamtang tavun.

Matthew 5:3

“Thaa thu ah a zawngkhal hunlam a kihete in, mihing lungdamte ahi hi; Vantung ngam sia amate aa ahi hi!

Matthew 5:7

“Ngual hesuak theite in mihing lungdamte ahi uh hi; Pathian in amate hesuak tu hi!

Luke 10:42

Ahihang a kisamh khat bek om hi. Mary in vawt tu a kilawm sia teal zo hi. Ama tung pan tuasia kilaaksak ngawl tu hi,” ci hi.

Luke 11:42

“No Phariseete atu bangza in lauhuai ziam! Pathian atu in, ante, lonamsia, bokbawnkha le khuahun zui in a piang an tuatuamte tung pan sawm a khat na pia uh hi. Ahihang Pathian it natu le thutang khenna ngaingon nu hi. A dangte zongh ngaingon tuan ngawlin hite na sep tatak tu uh ahi hi.

Luke 12:14

Jesus in zo kik a, “Pasalpa awng, no nii ii kilaklaw ah neisate hawm tu le thukhen tu in akua in kei tungah thuneina hong pia ziam?” ci hi.

Luke 6:36

Na Pa uh sia hesuak thiampa ahi bangma in, no zongh ngual na hesuak tavun.

Romete 7:16

Ka vawt nop ngawlte ka vawt ciangin, Thukham sia maan hi ci in ka thukimpuina hong kilangh hi.

Romete 9:20

Ahihang lawmpa awng, Pathian kam a zo kik tu in nang akua na hi ziam? Tungbeal khat in a vawtpa munah, “Banghangin kei hi bangin hong vawt ni ziam?” ci in a dongh thei bua hi.

1 Corinth te 7:16

Tapidaw zi khat in a pasal ngupna a ngasak zawk tu le a ngasak zawk ngawl tu ahizong, Tapidaw pasal khat in a zi ngupna a ngasak zawk tu le a ngasak zawk ngawl tu sia, he natu ziam?

Ephesus te 4:32

Khat le khat tungah kithuthiam zaw vun a, thinneam tavun, Christ tungtawnin Pathian ii note mawna hong maisak bangma in, note zongh khat le khat mawna kimaisak tavun.

Thuhil kikna 27:10

tua ahiciang tuni in kong piak ama thukham theampo zui in keamcing tavun,” ci uh hi.

Thuhil kikna 30:15

“Tuni in a pha le a sia, nuntakna le thina khat sasang na teal tu kong pia hi.

Colossae te 3:12

Note sia Pathian ii mite na hi uh hi, ama in hong it a ama atu in hong teal hi. Tua ahikom note sia kiciliapna, cikna, kiniamkhiakna, thinneamna le thinsau nate puan bangin na silh uh kul hi.

2 Thessalonica te 2:16

Ih Topa Jesus Christ ama mama le eite hong it a, a thuthiamna taw a kiam ngeingawl thinletna le lametna kho hong pia, ih Pa Pathian in,

James 2:20

Mihing mawmawte awng! ngamtatna om ngawl upna in, kimanna nei ngawl hi, ci thu a kilak tu na dei uh ziam?

Joshua 24:14

“Tua ahiciang, tu in, Topa zatak vawt vun a, thintak le thumaanna taw a na seam vun,” ci in Joshua in a thu son zom a, “Mesopotamia le Egypt a na taanghpupite ii biak pathiante vawk vun, Topa atu bek seam vun.

1 Peter 3:8

A tawpna ah: note theampo in a kibang ngaisutna le khuaheakna nei tavun; tuaciang khat le khat unau bangin ki it vun. Khat le khat tungah dikin, kiniamkhiak tavun.

1 Samuel 12:23

Kei ka hile note atu thunget nawn ngawlna taw ama tungah mawna ka vawt ngawl natu Topa in thu hong pia hi. No vawt tu a pha le a maan thute kong hil zaw tu hi.

1 Samuel 15:22

Samuel in, “Thunitna ahibuale biakpiaknate le sangaw biakpiakna Topa in koisia dei zaw ziam? Ama tungah tuu phabel taw sangaw biakpiakna sangin thunitna phazaw hi.