Micah 6:6 - Syin Chin Bible

⁶ Vantung Pathian Topa bia tu in ka pai ciang ama atu bang puak tu khi ziam? Biakpiakna a hal tu khuino phabelte paipui tu khi ziam?

Micah 6:6 Iomraidhean Croise

2 Samuel 21:3

Tua ahikom David in Gibeon mite samsak a, “No atu bang hong vawtsak thei tu khi ziam? Topa ii mite tungah thupha na piak natu in no tungah hong tatkhialna te hong lul kik nuam khi hi,” ci hi.

Psalm Late 116:12

Topa ii kei tungah a phatna theampo hu in ama bang pia thei tu khi ziam?

Psalm Late 22:29

Mihing kiphasak theampo in ama mai ah kun tu a, a thithei theampo in ama mai ah kun tu hi.

Psalm Late 95:2

Ama mai ah lungdamkona taw pai in, a lungdamhuai pokna late sa tawng.

Psalm Late 95:6

Hong pai tavun, kunin ama bia tek tawng; eite hong Vawtpa, Topa mai ah khupdin tek tawng!

Pusuana 12:5

Nganno sia kum khat a pha, a talno na teal thei tu a, ahihang a mealhem ngawl tuu ahibuale keal hi tu hi.

Pusuana 23:15

Kong thupiakna sa taw kizui in Egypt na nusiat tha ahi, Abib tha sungin Tol saw ngawl Anluum Poaipi khaam vun. Tua poaipi ni sali hun sung tol taw kivawt anluum peuma ne heak vun. Biakpiak natu khat keng ngawlin kei hong bia tu in hong pai heak vun.

Paunakte 15:8

Mihing phate thunget ciang Topa lungkim hi; ahihang mihing seksolte hong paipui sa ngaw biakpiaknate ensan hi.

Paunakte 21:3

A maan le ahi tu bangin seam in; tua in sangaw biakpiakna sangin Topa lungdamsak zaw hi.

Isaiah 40:16

Lebanon ngam duisung ah a om nganhing theampo sia ih Pathian biakpiak natu in kicing zo ngawl a, a thingkungte zongh biakpiakna meihal natu in tawm lei hi.

Jeremiah 6:20

Amate ii kei atu Sheba ngam panin ngimnamtui hong puak sia, ahibuale ngam khuala pan hel namtui hong puakte bangma ka awlmawk bua hi. Amate ii hong piakte ka saang buatu hi, ahibuale a biakpiaknate taw lungkim ngawl tu khi hi.

Ezekiel 46:9

“Poai khat pawpo ah mihingte in Topa bia tu hong pai ciang, saksang kongpi pan a tumte in, biakna a vawt zawkciang, thangsang kongpi pan pusuak tu a, thangsang kongpi pan a tumte in saksang kongpi pan pusuak tu hi. Kuama in a tumna lampi pan pusuak thei ngawl tu a, a kingalsai kongpi pan pusuak tu hi.

Daniel 3:26

Tuaciang Nebuchadnezzar sia meiphualpi kongkha kungah paito a, “Shadrach! Meshach! Abednego! Lianbel Pathian ii naseamte awng, hong pusuak tavun!” ci in sam hi. Tuaciang amate thakhat thu in pusuak uh hi.

Daniel 4:9

Aisaan theite ukpi Belteshazzar awng, a thiangtho pathiante ii thaa sia na sungah om in thu telhak theampo na tel thei hunlam ka he hi. Hi sia keima mang hi. A khiakna hong son ta'n.

Daniel 5:18

“Lianbel Pathian in na pa Nebuchadnezzar sia kumpi lian khat in koi a, zatakna le vaangletna pia hi.

Daniel 5:21

Ama sia mihing huamsung pan kihawlkeak a, nganhing ngaisutna hong nei hi. Ama sia ngam laate taw teang khawmin, khuital bangin lopa ne a, daaitui dal tu nei ngawlin a pua sangah lum hi. Lianbel Pathian in mihingte ii kumpi ngam theampo uk a, ama ii dei pawpo tungah tua ngamuknate pia thei hi ci sia a khak belin ama in phawk hi.

Hosea 5:6

Amate in a tuute le a khuite Topa tungah sangaw biakpiakna tu in pia ahihang amate atu phattuamna om ngawl hi. Amate in Topa mu thei ngawl uh hi, banghang ziam cile Topa in amate nusia zo hi.

Amos 5:22

Meihal biakpiakna le antang biakpiakna nong piak uh ciang hong saang ngawl tu khi hi; kei biakpiakna in nong paipui, thau takin na vak nganhingte hong saang ngawl tu khi hi.

Matthew 19:16

Khatvei lai in Jesus kungah pasal khat hong pai hi. “Sya awng, tawntung nuntakna nga natu in, bang nasep pha ka seam tu ziam?” ci in Jesus dongh hi.

Mark 12:33

Tuaciangin mihingte in Pathian sia a thin theampo, a ngaisutna theampo, le a thatang theampo taw a it tu uh kul hi; tuaciangin ama a ki it bangma in a innpaamte a it tu kul hi. Pathian tungah nganhing taw biakpiaknate le a dang biakpiaknate sangin, hi thukham niite zui tu thupi zaw hi,” ci hi.

Mark 5:7

“A saangbel Pathian Tapa awng! Kei bang hong law nuam ni ziam? Kei daan nong piak ngawl natu in Pathian min taw kong thuum hi,” ci in a aw neiza taw au hi.

Luke 10:25

Thukham hil sya khat hong pai in Jesus aitaa nuam a, “Sya awng, tawntung nuntakna ka nga natu in bang ka vawt tu ziam?” ci in dongh hi.

John 6:26

Jesus in, “A tatakin kong ci ciang, kei nong zon uh sia, nalamdang ka laknate na tel uh hang hi ngawlin, anluum na du uh za a na neak uh hang ahi hi.

Sawltakte 16:17

Ama in Paul le ko hong zui a, “Hi mite in A saangbel Pathian naseamte hi! Note bangbangin kingum thei tu ci thu amate in hong thangsak hi!” ci in au hi.

Sawltakte 16:30

Tua zawkciang, amate ngeal pusua in, “Tote awng, ngupna ka nga natu in bang vawt tu khi ziam?” ci in dongh hi.

Sawltakte 2:37

Tua mihingte in hi thu a zaak uh ciangin, nasia takin a thin uh ngim a, Peter le sawltak dangte munah, “Suapuite awng, bang law tu khu ziam?” ci uh hi.

Ephesus te 3:14

Hi thu hu in ih Pa mai ah ka khupdin hi,

Hebrew te 10:11

Jew thiampite khat simin, a nasep sia ni simin seam a, sangaw biakpiakna sia tamvei ma pia veve hi; Ahihang hi sangaw biakpiaknate in mawnate a la keak thei ngei bua hi.

1 Samuel 15:22

Samuel in, “Thunitna ahibuale biakpiaknate le sangaw biakpiakna Topa in koisia dei zaw ziam? Ama tungah tuu phabel taw sangaw biakpiakna sangin thunitna phazaw hi.