Micah 6:4 - Syin Chin Bible

⁴ Egypt ngam pan kong pusuaksak hi; saltanna pan kong suatak hi; note lam hong pui tu in Moses, Aaron le Miriam kong puak hi.

Micah 6:4 Iomraidhean Croise

2 Samuel 7:23

Nangma mi tatak a suak tu in na suatak Israel bang peuma leitung ah a dang minam om ngawl hi. Amate atu in na vawt a lian le a lamdang nate in na minthanna leitung buppi kizelsak hi. Egypt ngam pan nangma mi tu in na suataksak na mite maisang a nawk ciangin minam dangte le a pathian te na notkeak hi.

Psalm Late 77:20

Nangma in Moses le Aaron ii a uk, na mite sia tuucingpa bangin lam na pui hi.

Pusuana 12:51

Tua ni in, Topa in Israel minamte Egypt pan pusuapui hi.

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Pusuana 3:10

Tu in ka mite Egypt ngam pan lam na pui thei natu in, a kumpipa kungah nangma kong puak tu hi,” ci hi.

Pusuana 4:10

Ahizong Moses in, “Hi thei bo, Topa awng kei hong sawl heak in. Thu son ka thiam ngei bua a, nangma nong paupui ciil a kipan tu dong thuson ka thiam tuan bua hi, kampau ka thiam bua hi, ka aw tawn in ka pau awk hi,” ci hi.

Pusuana 4:16

Ama sia nang taang in a paupa hi tu a, mite tungah thuson tu hi. Tuasia ciang nangma Pathian bang na hi tu a, a ci tu teng na son tu hi.

Pusuana 6:27

Amate sia Israel te suatak natu in, Egypt kumpipa tungah thusonte ahi uh hi.

Jeremiah 32:21

Ih ngalte a patausak nalamdang le a tumdang nate lakna taw in Egypt ngam panin Israel na mite na paipui natu in na vaangletna le na thahatna na zangh hi.

Amos 2:10

Egypt ngam pan kong pusuaksak a, sennealngam kaantanin kum sawmli sung lam kong pui a, noma atu in Amor te ngam kong pia hi.

Mi Simna 12:1

Moses in Cush mite numei khat teenpui a, tua hu in Miriam le Aaron in sonsia hi.

Mi Simna 33:1

Moses le Aaron lampuina taw Israel te, Egypt ngam pan amate nam tek ii lampuina nuai ah a pusua zawk uh ciang a ngiaphual saatna mun minte sia a nuai a bang ahi hi.

Sawltakte 7:36

Ama in Israel te sia Egypt ngam pan pusua pui a, Egypt ngam le San Tuipi ah ahizong, kum sawmli sung sennealngam sungah ahizong, nalamdang laknate le a lamdangte ama in vawt hi.

Thuhil kikna 15:15

Noma Egypt ngam ah sal na tanna uh le Topa na Pathian ii hong suataksakna thu phawk vun; tua ahi hu in hi thupiakna tu in kong pia hi.

Thuhil kikna 24:18

Egypt ngam ah sal na hina uh le Topa na Pathian ii hong suataksakna thu phawk vun; tua hu in hi thupiakna sia kong pia hi.

Thuhil kikna 4:20

Ahihang note sia Egypt meikhuk linghna sung pan hong suatak mite na hi uh hi. Tuni na dinmun ahi, ama mihing na sua thei natu uh in note hong pusuapui hi.

Thuhil kikna 4:34

Topa na Pathian in Egypt ah note atu hong vawtsak bangin pathian khat pawpo in minam dangte khut sung pan la in ama mi sua ngam ngei na ziam? Ama in note mitmu in a hatna le a vaangletna hong kilanghsak a; natna le ngal thengsakin, nalamdang laknate le a lamdangte vawt a, a lauhuai nate piangsak hi.

Thuhil kikna 5:6

‘Keima in Topa na Pathian, na saltanna Egypt pan hong suatakpa ka hi hi.

Thuhil kikna 7:8

Ahizong Topa in note hong it a, na taanghpupite tungah a kamciam taangtungsak nuam hi. Tua ahikom ama in note a thahatna lian taw hong hun a, Egypt kumpipa sila panin hong suaktasak hi.

Thuhil kikna 9:26

Tuaciang keima in, ‘Vaanglianpipa Topa awng, na thahatna le na vaangletna taw Egypt pan pusua in, na suatak sa na mite mon heak in.

1 Samuel 12:6

Samuel in zom suak a, “Topa sia Moses le Aaron a teal, Egypt pan na taanghpupite hong pusuapui sia hi.